સિંગર Yo Yo Honey Singh ના 12 વર્ષના લગ્નજીવનનો આખરે આવ્યો અંત

Honey Singh Divorce : બોલિવૂડ સિંગર અને રેપર Honey Singh ને લઇને એક મોટા સમાચાર સામે આવી રહ્યા છે. કોર્ટે રેપર અને ગાયક હની સિંહ અને તેની પત્ની શાલિની તલવારના છૂટાછેડાને મંજૂરી આપી દીધી છે. દિલ્હીની ફેમિલી કોર્ટે આને મંજૂરી આપી છે. આ બાબત છેલ્લા અઢી વર્ષથી ચાલી રહી હતી. ચુકાદા પહેલા કોર્ટે હની સિંહને છેલ્લી વાર પૂછ્યું કે શું તે લગ્નને બીજી તક આપવા માંગે છે. સિંગરે જવાબ આપ્યો કે તેની સાથે રહેવાનો કોઈ અર્થ નથી. આ રીતે 12 વર્ષ બાદ બંને સત્તાવાર રીતે અલગ થઈ ગયા છે.

12 વર્ષ જૂના લગ્નજીવનનો અંત આવ્યો

જાણીતા એન્ટરટેઈનમેન્ટ સિંગર અને રેપર યો યો હની સિંહ આજકાલ તેના ગીતો કરતાં તેના અંગત જીવન માટે વધુ ચર્ચામાં છે. હની સિંહ અને તેની પત્ની વચ્ચેના સંબંધો છેલ્લા ઘણા સમયથી ચર્ચામાં છે. તેમના છૂટાછેડાને લઈને ઘણો વિવાદ થયો હતો. હવે આખરે બંનેના છૂટાછેડા થઈ ગયા છે, કોર્ટે પોતાનો ચુકાદો આપ્યો છે. આ છૂટાછેડા માટે સિંગરે મોટી રકમ ચૂકવી છે. કહેવાય છે કે સમય સાથે સંબંધો પણ બદલાય છે અને કદાચ આ સાચું છે. હની સિંહના કેસમાં પણ આવું જ થયું હતું. 20 વર્ષના સંબંધ બાદ હની સિંહે તેની બાળપણની પ્રેમ શાલિની સાથે લગ્ન કર્યા હતા, પરંતુ લગ્નના 12 વર્ષ બાદ બંને અલગ થઈ ગયા હતા. હની સિંહ અને તેની પત્ની શાલિની તલવારના છૂટાછેડા ફાઈનલ થઈ ગયા છે. દિલ્હીની એક કોર્ટે મંગળવારે હની સિંહ અને તેની પત્ની શાલિનીના છૂટાછેડાને મંજૂરી આપી દીધી છે. ગયા વર્ષે શાલિનીએ હની સિંહ પર ઘરેલુ હિંસાનો આરોપ લગાવ્યો હતો. જણાવી દઈએ કે હની સિંહ અને શાલિનીએ તેમના 12 વર્ષ જૂના લગ્નજીવનને તોડી નાખ્યું છે.

હની સિંહે છૂટાછેડા માટે મોટી રકમ આપી

હની સિંહના છૂટાછેડા એ કોઈ સસ્તા છૂટાછેડા નથી. મીડિયા રિપોર્ટ્સ અનુસાર, શાલિનીએ હની સિંહ પાસેથી 10 કરોડ રૂપિયાની એલિમની માંગી હતી, પરંતુ હવે બંને વચ્ચે 1 કરોડ રૂપિયાના એલિમની પર સમજૂતી થઈ છે. તે મુજબ હની સિંહે 1 કરોડ રૂપિયાનું એલિમની ચૂકવીને તેની પત્નીને છૂટાછેડા આપવાનો નિર્ણય કર્યો છે. નોંધનીય છે કે બોલિવૂડના લોકપ્રિય સિંગર અને રેપર હની સિંહ તેમના છૂટાછેડાને લઈને ઘણા સમયથી ચર્ચામાં હતા.

આ પણ વાંચો - ડંકી બાદ હવે સલાર પણ તૈયાર, આ દિવસે રિલીઝ થવા જઈ રહ્યું છે ફિલ્મનું ટ્રેલર

ગુજરાત ફર્સ્ટ તમને સમાચારોથી હંમેશા અવગત રાખશે