Delhi બન્યું બદમાશોનો ગઢ, મુંડકા વિસ્તારમાં થયું ફાયરિંગ, એકનું મોત

1. Delhi ફરી એકવાર ગોળીઓના અવાજથી ધ્રૂજી ઉઠ્યું
2. Delhi ના મુંડકા વિસ્તારમાં એક વ્યક્તિની ગોળી મારીને હત્યા
3. બાઇક સવાર બદમાશોએ આ ઘટનાને અંજામ આપ્યો હતો

રાષ્ટ્રીય રાજધાની દિલ્હી (Delhi) ફરી એકવાર ગોળીઓના અવાજથી ધ્રૂજી ઉઠ્યું છે. બહારી દિલ્હી (Delhi)ના મુંડકા વિસ્તારમાં એક વ્યક્તિની ગોળી મારીને હત્યા કરવામાં આવી છે. બાઇક સવાર બદમાશોએ આ ઘટનાને અંજામ આપ્યો હતો.

શું છે સમગ્ર મામલો?

બદમાશોએ વ્યક્તિ પર લગભગ 6 રાઉન્ડ ફાયરિંગ કર્યું હતું. ઘટનાને અંજામ આપ્યા બાદ હુમલાખોરો પણ નાસી ગયા હતા. મૃતકની ઓળખ અમિત નામના વ્યક્તિ તરીકે થઈ છે. અમિત લૂંટના કેસમાં તિહાર જેલમાં બંધ હતો અને તાજેતરમાં જેલમાંથી બહાર આવ્યો હતો. હવે પોલીસ તપાસ કરી રહી છે કે આ ગેંગ વોર છે કે અંગત અદાવત.

આ પણ વાંચો : Maharashtra Election : ભારત સુરક્ષિત છે તો ફક્ત આ કારણે, ઓવૈસીએ આપ્યું એવું નિવેદન કે...

વેલકમ વિસ્તારમાં પણ ગોળીબાર થયો હતો...

હાલમાં જ સમાચાર સામે આવ્યા હતા કે દિલ્હી (Delhi)ના વેલકમ વિસ્તારમાં બાઇક પર સવાર બદમાશોએ ગોળીબાર કર્યો હતો, જેમાં એક વ્યક્તિનું મોત થયું હતું અને અન્ય ઘાયલ થયો હતો. જણાવવામાં આવી રહ્યું છે કે, ઘટનાને અંજામ આપ્યા બાદ 3 સગીર બદમાશો પોતાની મોટરસાઈકલ છોડીને ભાગી ગયા હતા. બદમાશોના હુમલામાં મૃત્યુ પામેલા વ્યક્તિની ઓળખ નદીમ તરીકે થઈ છે. શાહનવાઝ નામનો અન્ય એક વ્યક્તિ ઘાયલ થયો હતો. પ્રાપ્ત માહિતી અનુસાર, આ જ બદમાશોએ બીજી ઘટનાને પણ અંજામ આપ્યો હતો. આ બદમાશોએ જ્યોતિનગર વિસ્તારમાં આવેલી ન્યૂ કર્દમપુરીની શેરી નંબર 5 માં હવામાં ફાયરિંગ કર્યું અને સ્થળ પરથી ફરાર થઈ ગયા. સ્થળ પરથી 7 ખાલી કારતૂસ અને એક જીવતો કારતૂસ મળી આવ્યો હતો. પોલીસે ત્રણેય નાના બદમાશોને ઝડપી લીધા છે.

આ પણ વાંચો : Jammu-Kashmir : ઘાટીમાં સુરક્ષાદળો અને આતંકવાદીઓ વચ્ચે ફરી અથડામણ, એક આતંકી ઠાર

નદીમ પાસેથી આરોપીએ 10 હજાર લીધા હતા...

પ્રાપ્ત માહિતી અનુસાર, ત્રણ પૈકી એક આરોપીએ નદીમ પાસેથી વ્યાજે રૂ. 10 હજાર લીધા હતા અને નદીમ વ્યાજ ચૂકવવા માટે આરોપીઓ પર દબાણ કરતો હતો અને તેના કારણે ત્રણેયએ નદીમની હત્યા કરી હતી. આ ત્રણ સગીર છોકરાઓએ જ્યોતિનગર વિસ્તારમાં એક વ્યક્તિના ઘરની બહાર ગોળીબાર પણ કર્યો હતો. છોકરાઓ પાસેથી ત્રણ દેશી બનાવટની પિસ્તોલ મળી આવી છે અને પોલીસ હાલમાં આ મામલે તપાસ કરી રહી છે.

આ પણ વાંચો : 'ઓનલાઈન બાળકો જન્મ લેશે તો તે સ્ટીલના હશે કે પછી..!' સાંસદનું વિચિત્ર નિવેદન