શિવાજીએ ગુલામીની માનસિકતાનો અંત કર્યો: PM મોદી

વડાપ્રધાન નરેન્દ્ર મોદીએ છત્રપતિ શિવાજી મહારાજના રાજ્યાભિષેકના 350 વર્ષ પૂર્ણ થવા પર દેશવાસીઓને સંબોધિત કર્યા. PM મોદીએ કહ્યું કે છત્રપતિ શિવાજી મહારાજે ગુલામીની માનસિકતાનો અંત કર્યો. છત્રપતિ શિવાજી મહારાજનો રાજ્યાભિષેક દિવસ નવી ચેતના, નવી ઉર્જા લઈને આવ્યો છે. છત્રપતિ શિવાજી મહારાજનો રાજ્યાભિષેક એ સમયનો અદ્ભુત અને વિશેષ પ્રકરણ છે. PM મોદીએ કહ્યું કે, રાષ્ટ્રીય કલ્યાણ અને જન કલ્યાણ તેમના શાસનના મૂળભૂત તત્વો રહ્યા છે. આજે હું છત્રપતિ શિવાજી મહારાજના ચરણોમાં નમન કરું છું.

શિવાજીએ આત્મવિશ્વાસ જગાડ્યો - PM મોદી
PM મોદીએ કહ્યું, સેંકડો વર્ષની ગુલામીએ દેશવાસીઓ પાસેથી તેમનો વિશ્વાસ છીનવી લીધો હતો, આવા સમયમાં લોકોમાં વિશ્વાસ જગાડવો મુશ્કેલ કામ હતું. તે સમયગાળામાં, છત્રપતિ શિવાજી મહારાજે માત્ર આક્રમણકારો સામે લડ્યા ન હતા પરંતુ લોકોના મનમાં એવી માન્યતા પણ જગાડી હતી કે સ્વ-શાસન શક્ય છે. PM મોદીએ કહ્યું કે છત્રપતિ શિવાજી મહારાજનું વ્યક્તિત્વ અદ્ભુત હતું. તેમણે સ્વરાજ પણ સ્થાપ્યું અને સુરાજ પણ સ્થાપ્યું. તેઓ તેમની બહાદુરી અને સુશાસન માટે પણ જાણીતા છે. તેમણે રાષ્ટ્ર નિર્માણનું વ્યાપક વિઝન પણ રજૂ કર્યું. તેમણે શાસનનું લોકકલ્યાણકારી પાત્ર લોકો સમક્ષ મૂક્યું.

ભારતે નૌકાદળને ગુલામીમાંથી મુક્ત કરાવ્યું
તેમના કાર્યો, શાસન પ્રણાલી અને નીતિઓ આજે પણ એટલી જ સુસંગત છે. ભારતની ક્ષમતાને ઓળખીને, તેમણે જે રીતે નૌકાદળનો વિસ્તાર કર્યો તે આજે પણ આપણને પ્રેરણા આપે છે. આપણી સરકારનું સૌભાગ્ય છે કે ગયા વર્ષે છત્રપતિ શિવાજી મહારાજ પાસેથી પ્રેરણા લઈને ભારતે નૌકાદળને ગુલામીમાંથી મુક્ત કરાવ્યું. બ્રિટિશ શાસનની ઓળખ શિવાજી મહારાજની શાહી મહોર દ્વારા બદલવામાં આવી છે.

શિવાજી મહારાજના રાજ્યાભિષેકની 350મી વર્ષગાંઠની ઉજવણી
દેશના મહાન યોદ્ધા-રાજા શિવાજીના રાજ્યાભિષેકની (Shivaji Coronation) 350મી વર્ષગાંઠ નિમિત્તે આજે મહારાષ્ટ્રના નાગપુરમાં શિવ રાજ્યાભિષેક સોહલા સમિતિ દ્વારા વિશેષ કાર્યક્રમ અને સમારોહનું આયોજન કરવામાં આવ્યું હતું. સમારોહમાં RSSના વડા મોહન ભાગવત (Mohan Bhagwat) પણ જોડાયા હતા. મહારાષ્ટ્ર સરકાર 350 કરોડ રૂપિયા ખર્ચીને છત્રપતિ શિવાજી મહારાજના રાજ્યાભિષેકની 350મી વર્ષગાંઠની મોટા પાયે ઉજવણી કરી રહી છે. આ ઉપરાંત પુણેમાં તેમને સમર્પિત વિશેષ સંગ્રહાલય પણ બનાવવામાં આવશે.

આ પણ  વાંચો -રાજદ્રોહનો કાયદો ખતમ થશે કે નહી? લૉ કમિશને સરકારને સોંપ્યો રિપોર્ટ