Babar Azam સાથે લગ્ન કરવા માંગે છે Ramiz Raja, કોમેન્ટ્રી દરમિયાન કર્યું પ્રપોઝ, Video

પાકિસ્તાન ક્રિકેટ ટીમના ભૂતપૂર્વ કેપ્ટન રમીઝ રાજા પોતાના અજીબો ગરીબ નિવેદનો માટે હર હંમેશા ચર્ચામાં બની રહે છે. તાજેતરમાં પણ તેમણે શ્રીલંકામાં રમાઈ રહેલી 'લંકા પ્રીમિયર લીગ'માં કઇંક એવું કહ્યું છે જે હવે ચર્ચાનો વિષય બની ગયું છે. 7 ઓગસ્ટના રોજ, લંકા પ્રીમિયર લીગમાં પાકિસ્તાન ક્રિકેટ ટીમના કેપ્ટન બાબર આઝમે કોલંબો ટીમ માટે ગાલે ટાઇટન્સ સામે તોફાની સદી ફટકારી અને 59 બોલમાં 104 રન બનાવ્યા. બાબરની આ સદીથી પાકિસ્તાન ક્રિકેટ બોર્ડના પૂર્વ અધ્યક્ષ રમીઝ રાજા સહિત ક્રિકેટ ચાહકો પણ ખુશ થઈ ગયા. રમીઝને બાબરની આ ઈનિંગ એટલી ગમી ગઈ કે તેમણે બાબર સાથે ઓન એર લગ્ન કરવાની વાત કરી દીધી.

I Love You બાબર આઝમ : રમીઝ રાજા

રમીઝ રાજા ભારત વિરુદ્ધ નિવેદનો આપતા રહે છે. પરંતુ આ વખતે તેમણે પોતાના દેશના બેટ્સમેન બાબર આઝમ વિશે કંઈક એવું કહ્યું છે કે ફેન્સ તેમને ટ્રોલ કરવા લાગ્યા છે. જણાવી દઇએ કે, એશિયા કપ 2023 પહેલા શ્રીલંકામાં રમાઈ રહેલી લંકા પ્રીમિયમ લીગમાં પાકિસ્તાનનો કેપ્ટન બાબર આઝમ શાનદાર ફોર્મમાં છે. બાબર કોલંબો સ્ટ્રાઈકર્સ તરફથી રમતી વખતે તેની બેટિંગથી શાનદાર પ્રદર્શન બતાવી રહ્યો છે. પાકિસ્તાનના કેપ્ટનને મેદાન પર પ્રદર્શન કરતા જોઈને પાકિસ્તાન ક્રિકેટ ટીમના પૂર્વ અધ્યક્ષ રમીઝ રાજાએ એક વિચિત્ર નિવેદન આપતા I Love You કહ્યું એટલું જ નહીં પરંતુ લગ્ન કરવાનો પણ ઉલ્લેખ કર્યો.

શાનદાર ફોર્મમાં છે બાબર આઝમ

આ ઘટના સોમવારે કોલંબો સ્ટ્રાઈકર્સ અને ગાલે ટાઇટન્સ વચ્ચેની લંકા પ્રીમિયર લીગ (LPL) 2023ની 10મી મેચમાં બની હતી. બાબર કોલંબો સ્ટ્રાઈકરનો ભાગ છે. તેણે ટાઇટન્સ સામે મજબૂત સદીની ઇનિંગ રમીને પોતાની ટીમની જીતમાં મહત્વની ભૂમિકા ભજવી હતી. તેણે 59 બોલમાં 8 ચોગ્ગા અને 5 છગ્ગાની મદદથી 104 રન બનાવ્યા હતા. જ્યારે બાબરે તેની અડધી સદી પૂરી કરી ત્યારે રમીઝે કહ્યું કે બાબરે ફિફ્ટી ફટકારી છે. તેનામાં ક્લાસ અને ક્વોલિટી છે. તેનો શાંત સ્વભાવ છે. તે આવી સ્થિતિનો ખેલાડી છે. હું તેને પ્રેમ કરું છું અને લગ્ન કરવા માંગુ છું.

રમીઝ રાજાએ સોશિયલ મીડિયા પર મજાક ઉડાવી

રમીઝ રાજાની લાઇવ ટીવી પર ટિપ્પણી, જે મજાકમાં કહેવામાં આવી હતી, તે જંગલની આગની જેમ ફેલાઈ ગઈ હતી. તેમના અવાજનો આ વીડિયો સોશિયલ મીડિયા પર ફેન્સ દ્વારા ખૂબ જ સાંભળવામાં આવી રહ્યો છે. ફેન્સે તેને સોશિયલ મીડિયા પર જોરદાર ટ્રોલ કરવાનું શરૂ કરી દીધું હતું. કેટલાક યુઝર્સે કહ્યું કે તમે થોડા મોડા છો કારણ કે બાબરે થોડા મહિના પહેલા જ લગ્ન કર્યા છે.

બાબર આઝમે T20માં ઈતિહાસ રચ્યો 

બાબર આઝમ છેલ્લા 2-3 વર્ષથી પાકિસ્તાનના સૌથી પ્રખ્યાત ખેલાડી તરીકે ઉભરી આવ્યા છે. તેણે લંકા પ્રીમિયમ લીગમાં સદી ફટકારતાની સાથે જ એક ખાસ સિદ્ધિ પોતાના નામે કરી લીધી છે. T20 ક્રિકેટમાં સદી ફટકારનાર ક્રિસ ગેલ બાદ તે બીજો બેટ્સમેન બની ગયો છે. બાબરના નામે હવે 10 સદી છે જ્યારે યુનિવર્સ બોસ હજુ પણ 22 સદી સાથે ટોચ પર છે. વિરાટ કોહલી, એરોન ફિન્ચ, ડેવિડ વોર્નર અને માઈકલ ક્લિન્ગર સૌથી વધુ T20 સદી ફટકારનાર ખેલાડીઓની યાદીમાં સંયુક્ત રીતે ત્રીજા સ્થાને છે. ચારેયએ 8-8 સદી ફટકારી છે.

આ પણ વાંચો – ટીમને અપાવી જીત, પણ કરી એટલી મોટી ભૂલ, હવે ICC એ ફટકારી આ સજા

આ પણ વાંચો – પાકિસ્તાન ક્રિકેટ ટીમને હરાવવું ટીમ ઈન્ડિયા માટે બન્યું અઘરું, PCB એ કર્યો આ મોટો ફેરફાર

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ