Jammu and Kashmir ની રેલીમાં અમિત શાહે કહ્યું- 'આતંક દફન થઈ ગયો છે, હવે પાછા ફરવા નહીં દેવાય'

1. અમિત શાહે જમ્મુ-કાશ્મીરના ચેનાનીમાં એક રેલીને સંબોધી
2. રેલીમાં પાકિસ્તાન, આતંકવાદ, કલમ 370 નો ઉલ્લેખ કર્યો
3. 'આતંક દફન થઈ ગયો છે, હવે પાછા ફરવા નહીં દેવાય' - અમિત શાહ

કેન્દ્રીય ગૃહમંત્રી અમિત શાહે જમ્મુ-કાશ્મીર (Jammu and Kashmir)ના ચેનાનીમાં એક રેલીને સંબોધિત કરતા પાકિસ્તાન, આતંકવાદ, કલમ 370 નો ઉલ્લેખ કર્યો અને કહ્યું કે આતંકવાદને દફનાવી દેવામાં આવ્યો છે અને હવે તેને પાછો ફરવા દેવામાં આવશે નહીં. અમિત શાહે ભાજપની સરકાર બને તો જમ્મુ અને કાશ્મીર (Jammu and Kashmir)ને આતંકવાદ મુક્ત બનાવવાનું વચન આપ્યું હતું અને આરોપ લગાવ્યો હતો કે જો સત્તામાં આવશે તો નેશનલ કોન્ફરન્સ-કોંગ્રેસ ગઠબંધન પાકિસ્તાનના એજન્ડાને લાગુ કરશે.

શ્યામા પ્રસાદ મુખર્જીનું સપનું પૂરું થયું...

ભાજપના ચૂંટણી પ્રચારનું નેતૃત્વ કરી રહેલા અમિત શાહે કહ્યું કે, જમ્મુ અને કાશ્મીર (Jammu and Kashmir)ના કેન્દ્રશાસિત પ્રદેશમાં કલમ 370 વગર વિધાનસભા ચૂંટણી યોજાઈ રહી છે. શાહે પોતાના સંબોધનમાં કહ્યું કે નરેન્દ્ર મોદીની આગેવાની હેઠળની સરકારે ઓગસ્ટ 2019 માં કલમ 370 નાબૂદ કરીને જનસંઘના સ્થાપક શ્યામા પ્રસાદ મુખર્જીનું સપનું પૂરું કર્યું. શાહે કહ્યું, "હું તમને પૂછું છું કે શું (સંસદ હુમલાના દોષી) અફઝલ ગુરુને ફાંસી આપવી જોઈતી હતી કે નહીં? એનસી-કોંગ્રેસ હવે કહી રહ્યા છે કે તેને ફાંસી ન આપવી જોઈતી હતી."

આ પણ વાંચો : UP ના CM એ ઘાટીના લોકોને આપ્યું વચન, કહ્યું- 'PoK ને જમ્મુ-કાશ્મીરમાં સામેલ કરવામાં આવશે'

કોઈ એક પથ્થર ફેંકવાની હિંમત કરશે નહીં...

"તેઓ પથ્થરબાજો અને આતંકવાદીઓને છોડવા માંગે છે," તેમણે ચેનાની, ઉધમપુરમાં એક રેલીમાં કહ્યું. ઓમર અબ્દુલ્લાએ આ સપનું છોડી દીધું છે કારણ કે તમે તે કરી શકતા નથી. આ કોર્ટનું કામ છે અને અમે એવા કાયદા લાગુ કર્યા છે કે હવે કોઈ પથ્થર ફેંકવાની હિંમત નહીં કરે. શાહ આજે ઉધમપુર, કઠુઆ અને જમ્મુ જિલ્લામાં પાંચ રેલીઓને સંબોધિત કરશે. જમ્મુ-કાશ્મીર (Jammu and Kashmir) વિધાનસભા ચૂંટણીના ત્રીજા અને અંતિમ તબક્કા હેઠળ 1 ઓક્ટોબરે મતદાન થશે.

આ પણ વાંચો : PM મોદીએ દેશને ત્રણ સુપર કોમ્પ્યુટર સમર્પિત કર્યા, ખાસિયતો જાણીને તમે ચોંકી જશો...