Rajya Sabha Elections : BJP એ પૂર્વ ડેપ્યુટી સીએમ દિનેશ શર્માને રાજ્યસભા પેટાચૂંટણી માટે નામાંકિત કર્યા

ભારતીય જનતા પાર્ટી (BJP) એ હરદ્વાર દુબેના અવસાન બાદ ઉત્તર પ્રદેશમાં ખાલી પડેલી રાજ્યસભા બેઠક પર યોજાનારી પેટાચૂંટણી માટે ઉમેદવારની જાહેરાત કરી. પાર્ટીએ ઉત્તર પ્રદેશના પૂર્વ નાયબ મુખ્યમંત્રી દિનેશ શર્માને પોતાના ઉમેદવાર બનાવ્યા છે.

તમને જણાવી દઈએ કે તાજેતરમાં જ ભારતના ચૂંટણી પંચ (ECI)એ પેટાચૂંટણી માટે નોટિફિકેશન બહાર પાડ્યું હતું અને રાજ્યસભા માટે પેટાચૂંટણી યોજવાની જાહેરાત કરી હતી. આ બેઠક પર પેટાચૂંટણી માટે 15 સપ્ટેમ્બરે મતદાન થશે અને તે જ દિવસે મતોની ગણતરી કરવામાં આવશે.

હરદ્વાર દુબેના નિધન બાદ આ સીટ ખાલી પડી હતી

તમને જણાવી દઈએ કે ઉત્તર પ્રદેશમાં રાજ્યસભાની એક સીટ ભાજપના વરિષ્ઠ નેતા હરદ્વાર દુબેના નિધન બાદ ખાલી થઈ હતી. ભાજપના રાજ્યસભા સાંસદ હરદ્વાર દુબેનું 26 જૂને દિલ્હીમાં 74 વર્ષની વયે અવસાન થયું હતું. આગ્રાના રહેવાસી હરદ્વાર દુબેની તબિયત અચાનક બગડતાં તેમને દિલ્હીની હોસ્પિટલમાં દાખલ કરવામાં આવ્યા હતા, જ્યાં તેમની સારવાર ચાલી રહી હતી.

આ પણ વાંચો : Mumbai: ભિવંડીમાં 2 માળની બિલ્ડીંગ ધરાશાયી, 2ના મોત