Punjab Accident : ટ્રક સાથે કાર અથડાતા કારમાં લાગી ભીષણ આગ, ચાર લોકો જીવતા સળગી ગયા...

Punjab : પંજાબના હોશિયારપુરમાં દસુહાના ઉંચી બસ્સી ગામ પાસે કાર અને ટ્રક વચ્ચેની અથડામણમાં એક મહિલા સહિત ચાર લોકોના મોત થયા છે. પંજાબમાં (Punjab)ટ્રક સાથે અથડાયા બાદ કારમાં આગ લાગી હતી અને દરવાજા ન ખુલવાને કારણે કારમાં સવાર ચારેય લોકો બળીને ખાખ થઈ ગયા હતા.

ઘટનાસ્થળે પહોંચી પોલીસ પ્રશાસન અને સ્થાનિક લોકોની મદદથી આગ પર કાબૂ મેળવ્યો હતો. ટ્રકમાં ફસાયેલા ટ્રક ચાલકને બહાર કાઢી દસુહાની સિવિલ હોસ્પિટલમાં દાખલ કરવામાં આવ્યો હતો. જ્યાં તેની હાલત નાજુક છે. મૃત્યુ પામેલા લોકોની ઓળખ હજુ સુધી થઈ નથી, પરંતુ અનુમાન લગાવવામાં આવી રહ્યું છે કે તેઓ જલંધરના રહેવાસી હોઈ શકે છે કારણ કે જે વાહન અકસ્માતનો સામનો કર્યો હતો તેની નંબર પ્લેટ જલંધરની છે.

જાણો શું છે સમગ્ર ઘટના

આ અકસ્માત હોશિયારપુરના મુકેરિયામાં થયો હતો. જણાવવામાં આવી રહ્યું છે કે કાર અને ટ્રક વચ્ચે જોરદાર ટક્કર બાદ કારમાં બ્લાસ્ટ થયો હતો. આ સાથે આગ ફાટી નીકળી હતી. જેના કારણે કારમાં સવાર 4 લોકોના મોત થયા હતા. એક વ્યક્તિ ઘાયલ થયો છે, જેની હાલત ગંભીર જણાવવામાં આવી રહી છે. તેને તાત્કાલિક મુકેરિયાની સિવિલ હોસ્પિટલમાં દાખલ કરવામાં આવ્યો હતો, જ્યાં તેની સારવાર ચાલી રહી છે.

આ ઉપરાંત તમેન જણાવી દઈએ કે, દિલ્હીમાં પણ દુઃખદ ઘટના પ્રકાશમાં આવી છે. શાહદરા (Shahdara) સાંજે ચાર માળની ઈમારતમાં ભીષણ આગ લાગી હતી, જેમાં એક બાળક સહિત ચાર લોકોના કરૂણ મોત થયા હતા. બિલ્ડિંગની અંદર એક બાળક સહિત કુલ છ લોકો ફસાયા હતા, જેમને ફાયર બ્રિગેડના જવાનોએ બહાર કાઢ્યા હતા. આ પછી દરેકને જીટીબી હોસ્પિટલમાં સારવાર માટે લઈ જવામાં આવ્યા હતા.

આ પણ વાંચો : Delhi Fire : શાહદરામાં એક બિલ્ડિંગમાં લાગી આગ, ચાર લોકોના મોત…

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ