Pune Porsche Case : બોમ્બે હાઈકોર્ટનો મોટો નિર્ણય, સગીર આરોપીને મુક્ત કરવાનો આપ્યો આદેશ
થોડા દિવસો પહેલા પુણેમાં પોર્શ કાર (Pune Porsche Case) સાથે થયેલા અકસ્માતે ઘણી હેડલાઇન્સ બનાવી હતી. આ અકસ્માતમાં બે લોકોના મોત થયા હતા. આ અકસ્માતનો આરોપી એક સગીર પર છે જે દારૂના નશામાં વધુ ઝડપે વાહન ચલાવી રહ્યો હતો. હવે બોમ્બે હાઈકોર્ટે આ અકસ્માતમાં સગીર આરોપીને છોડી મૂકવાનો આદેશ આપ્યો છે ચાલો જાણીએ કે કોર્ટે આ નિર્ણય કેમ આપ્યો.
કોર્ટે શું કહ્યું?
પુણે પોર્શ અકસ્માત કેસમાં બોમ્બે હાઈકોર્ટની જસ્ટિસ ભારતી ડાંગરે અને જસ્ટિસ મંજુષા દેશપાંડેની બેન્ચે આ નિર્ણય આપ્યો છે. આ મામલામાં સુનાવણી દરમિયાન કોર્ટે ઘણી મહત્વપૂર્ણ ટિપ્પણી કરી હતી. કોર્ટે કહ્યું કે જે અકસ્માત થયો તે સંવેદનશીલ હતો, પરંતુ તેની અસર સગીર આરોપીઓ પર પણ પડી. બોમ્બે હાઈકોર્ટે સગીર આરોપીઓને રાહત આપતા આદેશ આપ્યો છે કે, સગીર આરોપીઓને તાત્કાલિક મુક્ત કરવામાં આવશે. તેની કાકી તેના ગાર્ડિયન તરીકે ભૂમિકા નિભાવશે.
આરોપી મોનિટરિંગ સેન્ટરમાં હતો...
તમને જણાવી દઈએ કે, પોલીસે 17 વર્ષની સગીર વિરુદ્ધ તમામ પુરાવાઓ સાથે અંતિમ રિપોર્ટ જુવેનાઈલ જસ્ટિસ બોર્ડ (JJB) સોંપી દીધો છે. આરોપી કિશોરને શહેરના એક મોનિટરિંગ સેન્ટરમાં રાખવામાં આવ્યો હતો. પોલીસનો દાવો છે કે આરોપી પોર્શ કાર (Pune Porsche Case) ચલાવતો હતો અને 19 મેના રોજ વહેલી સવારે થયેલા અકસ્માત સમયે તે નશામાં હતો. કારે બાઈકને ટક્કર મારી હતી જેના કારણે બાઈક પર સવાર બે લોકોના મોત થયા હતા.
પીડિતો CM શિંદેને મળ્યા હતા...
પુણે પોર્શ કાર (Pune Porsche Case) અકસ્માત કેસમાં મૃતકોના પરિવારજનો ગયા સોમવારે શિંદેને મળ્યા હતા. પીડિતાનો પરિવાર મુંબઈમાં વર્ષા બંગલામાં CM ને મળ્યા હતા. CM એ પીડિત પરિવારને ન્યાય મળવાની ખાતરી આપી હતી. સુત્રોના જણાવ્યા અનુસાર, CM શિંદેએ પુણે પોલીસ કમિશનર સાથે ફોન પર વાત કરી હતી અહે પુણેના તમામ ગેરકાયદે પબ સામે કડક કાર્યવાહી કરવાનો આદેશ આપ્યો હતો.
આ પણ વાંચો : UP : આજીવન કેદ, 1 કરોડ રૂપિયા સુધીનો દંડ, પેપર લીક સામે યોગી સરકારનું મોટું પગલું
આ પણ વાંચો : Madhya Pradesh માં ભાજપ સરકારનો મોટો નિર્ણય, હવેથી મંત્રીઓ જાતે જ ભરશે આવકવેરો
આ પણ વાંચો : AIMIM: અસદુદ્દીન ઓવૈસીએ સંસદમાં જય ફિલિસ્તાનનો નારો લગાવ્યો