Pune : ફોર્ચ્યુનરની ટક્કરમાં બાઇક સવારનું મોત, NCP ધારાસભ્યના ભત્રીજાની ધરપકડ...

મહારાષ્ટ્રના પુણે (Pune) જિલ્લામાં હાઇવે પર એક ઝડપી કારની ટક્કરથી બાઇક સવારનું મોત થયું હતું. કહેવામાં આવી રહ્યું છે કે રાષ્ટ્રવાદી કોંગ્રેસ પાર્ટી (NCP) ધારાસભ્યનો ભત્રીજો કાર ચલાવી રહ્યો હતો. તે દરમિયાન પુરપાટ ઝડપે આવતી કારે મોટરસાયકલને ટક્કર મારી હતી. અકસ્માતમાં બાઇક સવાર 19 વર્ષીય યુવકનું મોત નીપજ્યું હતું. પોલીસે રવિવારે આ ઘટનાની જાણકારી આપી હતી. પોલીસે જણાવ્યું કે આરોપી મયુર મોહિતની પોલીસે શનિવારે ધરપકડ કરી હતી. તેણે જણાવ્યું કે કાર રસ્તા પર ખોટી દિશામાં તેજ ગતિએ જઈ રહી હતી. ખેદ વ્યક્ત કરતા, NCP ધારાસભ્ય દિલીપ મોહિત પાટીલે આ ઘટનાને દુર્ભાગ્યપૂર્ણ ગણાવી અને કહ્યું કે તેઓ કોઈપણ ખોટા કામને સમર્થન કરશે નહીં.

રોંગસાઈટમાં ચલાવી રહ્યો હતો કાર...

વાસ્તવમાં, આ ઘટના પુણે (Pune)-નાસિક રોડ પર અંબેગાંવ તાલુકાના મૌજે એકલહેરે ગામ પાસે શનિવારે રાત્રે લગભગ 9.30 વાગ્યે બની હતી. રવિવારે પોલીસે જણાવ્યું કે મૃતકની ઓળખ ઓમ ભાલેરાવ તરીકે થઈ છે. એક વરિષ્ઠ પોલીસ અધિકારીએ જણાવ્યું કે, “આરોપી પુણે (Pune)-નાસિક રૂટ પર કાર (ફોર્ચ્યુનર) ચલાવતો હતો. મંચર ગામ જતી વખતે તે ખોટી દિશામાં ગાડી ચલાવી રહ્યો હતો. દરમિયાન સામેથી તેમની કારે બાઇકને ટક્કર મારી હતી. આ અકસ્માતમાં બાઇક સવાર યુવકને ગંભીર ઇજા પહોંચી હતી. બાદમાં તેમનું મૃત્યુ થયું હતું. કાર ચાલકની ધરપકડ કરી તેની સામે ગુનો નોંધવામાં આવ્યો છે. અમે ઘટનાની તપાસ કરી રહ્યા છીએ.

પોલીસે ગુનો નોંધ્યો હતો...

પોલીસે વધુમાં જણાવ્યું હતું કે આરોપી વિરુદ્ધ ભારતીય દંડ સંહિતાની કલમ 304A અને મોટર વાહન અધિનિયમ હેઠળ મંચર પોલીસ સ્ટેશનમાં કેસ નોંધવામાં આવ્યો છે. પ્રાથમિક તપાસમાં એવું જણાયું છે કે ઘટના સમયે આરોપી દારૂના નશામાં ન હતો. પોલીસે કહ્યું કે તેના લોહીના નમૂના લેવામાં આવ્યા છે અને રિપોર્ટની રાહ જોવાઈ રહી છે. આ સમગ્ર ઘટના અંગે ધારાસભ્ય દિલીપ પાટીલે કહ્યું કે, આ ઘટના દુર્ભાગ્યપૂર્ણ છે. હું કોઈપણ ખોટા કામને સમર્થન નહીં આપીશ, પરંતુ હું કહેવા માંગુ છું કે મારો ભત્રીજો ક્યારેય દારૂ પીતો નથી.

આ પણ વાંચો : Hyderabad માં મહિલા પર એકસાથે 15 કૂતરાઓએ કર્યો હુમલો, Video Viral

આ પણ વાંચો : Uttar Pradesh Viral Video: Tehsildar ને પોલીસ સામે ખેડૂતે મારી થપ્પડ, જુઓ વિડીયો….

આ પણ વાંચો : Arunachal Pradesh : ઈટાનગરમાં વાદળ ફાટવાથી તબાહી સર્જાઈ, ઘણા વિસ્તારો સાથે સંપર્ક તૂટ્યો…