મહિલા દિવસ પર PM Modi પ્રેરણાદાયી મહિલાઓને પોતાનું X તથા Instagram એકાઉન્ટ્સ સોંપશે
- મહિલાઓએ વિવિધ ક્ષેત્રોમાં સફળતા હાંસલ કરી છે : PM Modi
- નમો એપ પર બનાવેલા ખાસ ફોરમ દ્વારા આ પ્રયોગનો ભાગ બનો
- ચાલો સાથે મળીને, આપણે અદમ્ય સ્ત્રી શક્તિની ઉજવણી કરીએ
રવિવારે વડાપ્રધાન નરેન્દ્ર મોદીએ મન કી બાત કાર્યક્રમમાં સંબોધન કર્યું છે. આ શોનો આ 119મો એપિસોડ હતો. આ દરમિયાન, પીએમ મોદીએ આ મહિલા દિવસ પર એક નવી પહેલની જાહેરાત કરી છે. તેમણે કહ્યું કે આ વખતે મહિલા દિવસે, હું એક પહેલ કરવા જઈ રહ્યો છું જે મહિલા શક્તિને સમર્પિત હશે. આ ખાસ પ્રસંગે, હું મારા સોશિયલ મીડિયા એકાઉન્ટ્સ જેમ કે X, Instagram એક દિવસ માટે દેશની કેટલીક પ્રેરણાદાયી મહિલાઓને સોંપીશ.
हमारी संस्कृति में बेटियों का सम्मान सर्वोपरि रहा है।
देश की मातृ-शक्ति ने हमारे स्वतंत्रता संग्राम और संविधान के निर्माण में भी बड़ी भूमिका निभाई है।इस बार महिला दिवस पर मैं एक ऐसी पहल करने जा रहा हूं, जो हमारी नारी-शक्ति को समर्पित होगी।
इस विशेष अवसर पर मैं अपने social… pic.twitter.com/W4otHpTNcs
— BJP (@BJP4India) February 23, 2025
મહિલાઓએ વિવિધ ક્ષેત્રોમાં સફળતા હાંસલ કરી છે
વડાપ્રધાન નરેન્દ્ર મોદીએ કહ્યું કે મહિલાઓએ વિવિધ ક્ષેત્રોમાં સફળતા હાંસલ કરી છે, નવીનતા લાવી છે અને વિવિધ ક્ષેત્રોમાં પોતાના માટે એક અલગ ઓળખ બનાવી છે. 8 માર્ચે મહિલા દિવસ નિમિત્તે, તે દેશવાસીઓ સાથે પોતાના કાર્ય અને અનુભવો શેર કરશે. આ પ્લેટફોર્મ ભલે મારું છે પણ તેમાં તેમના અનુભવો, તેમના પડકારો અને તેમની સિદ્ધિઓ વિશે વાત થશે.
નમો એપ પર બનાવેલા ખાસ ફોરમ દ્વારા આ પ્રયોગનો ભાગ બનો
પીએમ મોદીએ વધુમાં કહ્યું કે જો તમે આ તક મેળવવા માંગતા હો, તો નમો એપ પર બનાવેલા ખાસ ફોરમ દ્વારા આ પ્રયોગનો ભાગ બનો અને મારા x અને ઇન્સ્ટાગ્રામ એકાઉન્ટ્સ દ્વારા સમગ્ર વિશ્વ સુધી તમારો સંદેશ પહોંચાડો. ચાલો સાથે મળીને, આપણે અદમ્ય સ્ત્રી શક્તિની ઉજવણી, આદર અને નમન કરીએ.
પીએમ મોદીએ બીજું શું કહ્યું?
વડાપ્રધાને કહ્યું કે ગયા મહિને દેશ ISRO ના 100મા રોકેટ પ્રક્ષેપણનો સાક્ષી બન્યો. આ માત્ર એક સંખ્યા નથી, પરંતુ તે અવકાશ વિજ્ઞાનમાં દરરોજ નવી ઊંચાઈઓ સ્પર્શવાના આપણા સંકલ્પને પણ પ્રતિબિંબિત કરે છે. ઇસરોની સફળતાઓનો વ્યાપ ઘણો મોટો રહ્યો છે. છેલ્લા 10 વર્ષમાં, લગભગ 460 ઉપગ્રહો લોન્ચ કરવામાં આવ્યા છે અને તેમાં અન્ય દેશોના ઘણા ઉપગ્રહોનો પણ સમાવેશ થાય છે. તેમણે કહ્યું કે તાજેતરના વર્ષોમાં એક મુખ્ય બાબત એ રહી છે કે આપણી અવકાશ વૈજ્ઞાનિકોની ટીમમાં મહિલા શક્તિની ભાગીદારી સતત વધી રહી છે. પીએમ મોદીએ કહ્યું કે એક બીજું ક્ષેત્ર છે જેમાં ભારત ઝડપથી પોતાની મજબૂત ઓળખ બનાવી રહ્યું છે - આ ક્ષેત્ર છે AI એટલે કે આર્ટિફિશિયલ ઇન્ટેલિજન્સ. તાજેતરમાં, હું એક મુખ્ય AI કોન્ફરન્સમાં હાજરી આપવા માટે પેરિસ ગયો હતો. ત્યાં દુનિયાએ આ ક્ષેત્રમાં ભારતની પ્રગતિની ખૂબ પ્રશંસા કરી હતી.
આ પણ વાંચો : IND vs PAK Playing 11: રોહિત શર્મા જૂનો ફોર્મ્યુલા અપનાવશે, પાકિસ્તાની ટીમમાં એક ફેરફાર નક્કી
