Pawan Kalyan એ પોતાની જ સરકાર પર ઉઠાવ્યા પ્રશ્નો, ગૃહમંત્રીને લીધા આડે હાથ

1. આંધ્રપ્રદેશના ઉપમુખ્યમંત્રી છે પકાન કલ્યાણ
2. ઉપમુખ્યમંત્રીએ પોતાની જ સરકાર વિરુદ્ધ સવાલો ઉઠાવ્યા
3. યુપીની કાયદો અને વ્યવસ્થાનો ઉલ્લેખ કર્યો...

આંધ્રપ્રદેશના ઉપમુખ્યમંત્રી પવન કલ્યાણે (Pawan Kalyan) પોતાની જ સરકાર પર સવાલો ઉઠાવ્યા છે. રાજ્યમાં કાયદો અને વ્યવસ્થાની સ્થિતિ અંગે ચિંતા વ્યક્ત કરતા પવન કલ્યાણે (Pawan Kalyan) કહ્યું કે, જો તેઓ રાજ્યના ગૃહમંત્રી હોત તો સ્થિતિ અલગ હોત. તે જ સમયે, પવન કલ્યાણની આ ટિપ્પણીને રાજ્યના ગૃહમંત્રી વાંગલાપુડી અનિતાની ટીકા તરીકે જોવામાં આવી રહી છે.

યુપીની કાયદો અને વ્યવસ્થાનો ઉલ્લેખ કર્યો...

વાસ્તવમાં, પીઠાપુરમ વિસ્તારના ગોલ્લાપ્રોલુમાં એક જાહેર સભાને સંબોધિત કરતી વખતે, પવન કલ્યાણે (Pawan Kalyan) ગૃહમંત્રી અનિતાને જનતાની અપેક્ષાઓ પર ખરા ઉતરવાનું કહ્યું. પવન કલ્યાણે (Pawan Kalyan) આ સમયગાળા દરમિયાન યુપીની કાયદો અને વ્યવસ્થાની પણ પ્રશંસા કરી હતી. યુપીના CM યોગી આદિત્યનાથના કાયદો અને વ્યવસ્થાના મોડલનો ઉલ્લેખ કરતા તેમણે કહ્યું કે, “આ ગુનેગારો સાથે એ જ રીતે વ્યવહાર થવો જોઈએ જે રીતે યોગી આદિત્યનાથના શાસનમાં ઉત્તર પ્રદેશમાં તેમની સાથે વ્યવહાર કરવામાં આવે છે. ત્યાં સુધી તેઓ સાંભળશે નહીં.

આ પણ વાંચો : Uttar Pradesh: CM યોગી આદિત્યનાથને ફરી મારી નાખવાની ધમકી, પોલીસ આરોપીની શોધમાં વ્યસ્ત

ગૃહમંત્રી અંગે આપ્યું નિવેદન...

તમને જણાવી દઈએ કે આંધ્ર પ્રદેશમાં TDP ના વડા ચંદ્રબાબુ નાયડુના નેતૃત્વવાળી ગઠબંધન સરકારમાં પવન કલ્યાણા પંચાયત રાજ, વન અને પર્યાવરણ વિભાગો સંભાળી રહ્યા છે. આ પ્રસંગે તેમણે કહ્યું, “હું ગૃહમંત્રી અનિતાને કહેવા માંગુ છું કે તમે ગૃહમંત્રી છો, કૃપા કરીને ગૃહ મંત્રાલયનો હવાલો સંભાળો. જો હું ગૃહ મંત્રાલયનો હવાલો સંભાળી રહ્યો હોત તો પરિસ્થિતિ જુદી હોત, આ યાદ રાખો.'' પવન કલ્યાણના આ નિવેદન પછી એવું માનવામાં આવે છે કે જો જરૂર પડે તો તેમને આ ભૂમિકા નિભાવવાનો અધિકાર છે. તેમણે આ નિવેદન કાયદો અને વ્યવસ્થા સંબંધિત મુદ્દાઓને લઈને આપ્યું છે, ખાસ કરીને તિરુપતિ જિલ્લામાં ચાર વર્ષની બાળકી પર બળાત્કાર અને હત્યાની ઘટના બાદ.

આ પણ વાંચો : કેનેડામાં મંદિર પર થયેલા હુમલા મામલે પીએમ મોદીની પ્રતિક્રિયા, કહ્યું - હિંસાના આવા કૃત્યો...

પોલીસ પર સવાલો ઉઠ્યા...

પવન કલ્યાણે (Pawan Kalyan) પોલીસ પર સવાલો ઉઠાવ્યા અને કહ્યું કે ગુનેગારોની કોઈ જાતિ કે ધર્મ હોતો નથી. પોલીસને પ્રશ્ન કરતાં તેણે કહ્યું, “અમે પોલીસ અધિકારીઓને કેટલી વાર કહેવું જોઈએ? ધરપકડમાં જાતિ કેમ અડચણ બનવી જોઈએ? જ્યારે ત્રણ વર્ષની બાળકી પર બળાત્કાર અને હત્યા કરવામાં આવી તો પછી તમે જાતિનો મુદ્દો કેમ ઉઠાવો છો? તમે શું કહી રહ્યા છો? તમે IPS નો અભ્યાસ કર્યો છે, શું ભારતીય દંડ સંહિતાએ તમને ગુનેગારોને ટેકો આપવાની સૂચના આપી છે?''

આ પણ વાંચો : દિલ્હીમાં ત્રણ બદમાશોએ પ્રોપર્ટી ડીલરની ઓફિસ પર કર્યું અંધાધૂધ ફાયરિંગ