દિલ્હીમાં ખાસ મહેમાનો વચ્ચે Parineeti Chopra અને Raghav Chadha ની થઈ સગાઈ, Photos

આખરે, પરિણીતીના ચાહકો જેની લાંબા સમયથી રાહ જોઈ રહ્યા હતા તે ક્ષણ આવી ગઈ છે. બોલિવૂડ એક્ટ્રેસ પરિણીતી ચોપરાએ આમ આદમી પાર્ટીના નેતા રાઘવ ચઢ્ઢા સાથે સગાઈ કરી લીધી છે. બંને લાંબા સમયથી લાઈમલાઈટમાં હતા અને અનેક પ્રસંગોએ સાથે જોવા મળ્યા હતા. આ દરમિયાન ઘણા મહેમાનોએ તેમની સગાઈમાં હાજરી આપી હતી.

બંનેની સગાઈનું આયોજન દિલ્હીના કપૂરથલા હાઉસમાં કરવામાં આવ્યું હતું, જેમાં ઘણી જાણીતી હસ્તીઓ પહોંચી હતી. પરિણીતી ચોપરાની સગાઈના પ્રસંગે તેની મોટી બહેન પ્રિયંકા ચોપરાએ પણ હાજરી આપી હતી. આ સિવાય ફિલ્મ અને રાજનીતિની દુનિયા સાથે જોડાયેલા ઘણા સ્ટાર્સ આ ખાસ કાર્યક્રમનો હિસ્સો બન્યા હતા.

પરિણીતી ચોપરા અને રાઘવ ચઢ્ઢાની સગાઈમાં દિલ્હીના મુખ્યમંત્રી અરવિંદ કેજરીવાલ, કોંગ્રેસના નેતા કપિલ સિબ્બલ, પૂર્વ નાણામંત્રી પી ચિદમ્બરમ, અભિનેત્રી પ્રિયંકા ચોપરા અને ઘણી જાણીતી હસ્તીઓ હાજરી આપી હતી.

AAPના રાજ્યસભા સાંસદ રાઘવ ચઢ્ઢાએ આજે ​​રાત્રે લગભગ 8 વાગ્યે દિલ્હીના કપૂરથલા હાઉસમાં અભિનેત્રી પરિણીતી ચોપરા સાથે શીખ ધાર્મિક વિધિઓ અનુસાર સગાઈ કરી હતી. સગાઈ બાદ બંનેએ ફોટો શેર કર્યા હતા, જેમાં બંને એકબીજાની બાહોમાં ખોવાયેલા જોવા મળ્યા હતા.

આ પણ વાંચો : હોલીવુડ સ્ટાર Johnny Depp ‘મોદી’ નામની ફિલ્મ બનાવશે, જાણો શું છે કહાની