બાબર આઝમે બનાવ્યો વર્લ્ડ રેકોર્ડ, આમલા અને કોહલીને છોડ્યા પાછળ

પાકિસ્તાનના કેપ્ટન બાબર આઝમ હાલમાં શાનદાર ફોર્મમાં ચાલી રહ્યો છે. પાકિસ્તાનની ક્રિકેટ ટીમ હાલમાં ન્યૂઝીલેન્ડ સામે 5 મેચની વનડે સીરીઝ રમી રહી છે. બાબર આઝમનું શાનદાર ફોર્મ ન્યૂઝીલેન્ડ સામેની વનડે સીરીઝમાં યથાવત છે. છેલ્લી ત્રણ મેચોમાં સતત બે અડધી સદી ફટકાર્યા બાદ શ્રેણીની ચોથી વનડેમાં બાબરે 9 ચોગ્ગાની મદદથી 113 બોલમાં પોતાની સદી પૂરી કરી હતી. વનડેમાં આ તેની 18મી સદી છે. બાબર 117 બોલમાં 107 રન બનાવીને આઉટ થયો હતો. તેણે ચોથી વનડે મેચમાં મોટો રેકોર્ડ પોતાના નામે કર્યો છે. તેણે દક્ષિણ આફ્રિકાના હાશિમ અમલા અને ભારતના વિરાટ કોહલીનો મોટો રેકોર્ડ તોડી નાખ્યો છે.

બાબરે 18મી સદી અને મેગા રેકોર્ડ કર્યો નામે

જણાવી દઇએ કે, બાબર આઝમે કરાચીના નેશનલ સ્ટેડિયમ ખાતે ન્યૂઝીલેન્ડ સામેની ચોથી વનડેમાં સર્વશ્રેષ્ઠ સદીની ઇનિંગ્સ (107, 117 બોલ, 10 ચોગ્ગા) રમીને તેની કારકિર્દીની 18મી સદી ફટકારીને એક મેગા રેકોર્ડ બનાવ્યો છે. બાબર આઝમે ન્યૂઝીલેન્ડ સામેની ચોથી ODIમાં પોતાનો 19મો રન બનાવતાની સાથે જ ઈન્ટરનેશનલ ODIમાં પોતાના 5000 રન પૂરા કરી લીધા છે. તે વનડેમાં સૌથી ઝડપી 5000 રન પૂરા કરનાર ખેલાડી બની ગયો છે. આ માટે તેણે 97 ઇનિંગ્સ રમી છે. વનડે ક્રિકેટમાં સૌથી ઝડપી 5000 રન પૂરા કરવાનો રેકોર્ડ દક્ષિણ આફ્રિકાના હાશિમ અમલાના નામે છે. તેણે 101 ઇનિંગ્સમાં આ કારનામું કર્યું હતું. વળી, ભારતના વિરાટ કોહલીએ આ માટે 114 ઇનિંગ્સ રમી હતી. હવે બાબરે આ બંને ખેલાડીઓને ખૂબ પાછળ છોડી દીધા છે. બાબરની સદીની મદદથી પાકિસ્તાને ચોથી ODI (PAK vs NZ)માં કોટા સામે 50 ઓવરમાં 6 વિકેટે 334 રન બનાવ્યા હતા, પરંતુ સમગ્ર વિશ્વમાં મેચનું પરિણામ આવે તે પહેલા જ બાબર આઝમનો ડબલ ધમાકો થઈ રહ્યો છે.

Babar Azam becomes the first batter to score 5000 ODI runs under 100 innings

King for a reason 👑 #PAKvNZ #BabarAzam pic.twitter.com/aWtgNWGuRi

— Cricket Pakistan (@cricketpakcompk) May 5, 2023

હાશિમ આમલા, વિવિયન રિચર્ડ્સ અને વિરાટેને પાછળ છોડ્યા

સદી દરમિયાન, બાબરે દક્ષિણ આફ્રિકાના ભૂતપૂર્વ દિગ્ગજ હાશિમ આમલાનો ODI ક્રિકેટમાં સૌથી ઝડપી ગતિએ 5 હજાર રન પૂરા કરવાનો રેકોર્ડ તોડ્યો હતો. બાબરે પોતાની કારકિર્દીની 97મી ઇનિંગમાં ODI ક્રિકેટમાં 5 હજાર રન પૂરા કર્યા. જ્યારે આમલાએ આ માટે 101 ઈનિંગ્સ રમવી પડી હતી. તેણે આમલાને ચાર ઇનિંગ્સના માર્જિનથી પાછળ છોડી દીધો છે. સૌથી ઝડપી ગતિએ 5 હજાર રન પૂરા કરનાર ખેલાડીઓની યાદીમાં વેસ્ટ ઈન્ડિઝના ભૂતપૂર્વ દિગ્ગજ વિવિયન રિચર્ડ્સ અને ભારતના વિરાટ કોહલી ત્રીજા સ્થાને છે. આ બંનેને 5000 રન પૂરા કરવા માટે 114 ઇનિંગ્સ રમવાની હતી. બીજી તરફ ઓસ્ટ્રેલિયાનો ડેવિડ વોર્નર ચોથા સ્થાને છે. તેણે 115 ઇનિંગ્સમાં વનડેમાં 5000 રન પૂરા કર્યા હતા. જણાવી દઇએ કે, બાબર ચોથી વનડેમાં 5,000 રન પૂરા કરવાથી 19 રન દૂર હતો.

ODI ક્રિકેટમાં સૌથી ઝડપી 5000 રન પૂરા કરનાર ખેલાડીઓ:

1. બાબર આઝમ - 97 ઇનિંગ્સ
2. હાશિમ અમલા - 101 ઇનિંગ્સ
3. વિરાટ કોહલી - 114 ઇનિંગ્સ
4. વિવિયન રિચર્ડ્સ - 114 ઇનિંગ્સ
5. ડેવિડ વોર્નર - 115 ઇનિંગ્સ
6. જો રૂટ - 116 ઇનિંગ્સ
7. ક્વિન્ટન ડી કોક - 116 ઇનિંગ્સ

પાકિસ્તાનને ઘણી મેચમાં જીત અપાવી
બાબર આઝમે વર્ષ 2015માં પાકિસ્તાન તરફથી વનડેમાં ડેબ્યૂ કર્યું હતું. આ પછી તેણે પોતાની વિસ્ફોટક બેટિંગથી પાકિસ્તાની ટીમને ઘણી મેચો જીતાડી છે. તેણે પાકિસ્તાન માટે 98 વનડેમાં 5000 રન બનાવ્યા છે, જેમાં 17 સદી સામેલ છે. આ સિવાય તેણે 26 અડધી સદી પણ ફટકારી છે. ODI ક્રિકેટમાં તેનો સર્વશ્રેષ્ઠ સ્કોર 158 છે.

આ પણ વાંચો - જે વાતનો ડર હતો તે જ થયું, IPL અને WTC ફાઈનલમાંથી કે એલ રાહુલ બહાર

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ