UP માં હવે પુરુષ જિમ ટ્રેનર મહિલાઓને નહીં આપી શકે ટ્રેનિંગ, પુરુષ દરજી નહીં લઈ શકે મહિલાઓનાં કપડાંનું માપ!

• ઉત્તર પ્રદેશથી મહિલાઓ સુરક્ષાને લઈ મોટા સમાચાર
• મહિલાઓના કપડાંનું માપ લેવા પર પ્રતિબંધ
• પુરૂષ દરજી મહિલાઓનું માપ નહીં લઈ શકે

UP News : ઉત્તર પ્રદેશથી મહિલાઓ(uttar pradesh Women)ની સુરક્ષાને લઈ એક મોટા સમાચાર સામે આવ્યા છે. વાસ્તવમાં UPમાં ઉત્તર પ્રદેશમાં મહિલાઓની સુરક્ષાને ધ્યાનમાં રાખીને યુપી મહિલા આયોગે મહત્વપૂર્ણ માર્ગદર્શિકાનો પ્રસ્તાવ મૂક્યો છે, જેના હેઠળ પુરૂષ દરજી(male tailor)ઓને મહિલાઓના કપડાંનું માપ લેવા પર પ્રતિબંધ મૂકવામાં આવ્યો છે. ટેલર પર મહિલાઓના કપડાની માપણી પુરૂષોને બદલે મહિલાઓ દ્વારા લેવામાં આવશે. આને લગતા આદેશો પણ તમામ જિલ્લાઓને જાહેર કરી દેવામાં આવ્યા છે.

મહિલાઓના કપડાનું માપ પુરૂષોને બદલે મહિલાઓ જ લેશે

મહિલા આયોગની ગાઈડલાઈન મુજબ ટેલર પર મહિલાઓના કપડાનું માપ પુરૂષોને બદલે મહિલાઓ જ લેશે. આ સાથે જિમને લઈને પણ સમાન નિયમો નક્કી કરવામાં આવ્યા છે. જિમ સંચાલકોએ પણ મહિલાઓ માટે મહિલા ટ્રેનર રાખવા પડશે. તમામ જિલ્લાઓને મહિલા આયોગની આ માર્ગદર્શિકાનો અમલ કરવા માટે કહેવામાં આવ્યું છે.

આ પણ  વાંચો -ધુલેમાં PM Modi ગર્જ્યા..એક છો તો સેફ છો....

પુરૂષ દરજી મહિલાઓનું માપ નહીં લઈ શકે

ટેલરમાં મહિલા દરજીઓની નિમણૂક કરવાની રહેશે. આ સાથે ટેલરમાં સીસીટીવી લગાવવા જોઈએ. મહિલાઓ માટે ખાસ કપડાં વેચતા સ્ટોર્સે ગ્રાહકોની મદદ માટે મહિલા કર્મચારીઓની નિમણૂક કરવી પડશે. કોચિંગ સેન્ટરમાં મહિલાઓ માટે સીસીટીવી અને શૌચાલય પણ હોવા જરૂરી છે. આ તમામ નિયમો મહિલાઓની સુરક્ષાને ધ્યાનમાં રાખીને નક્કી કરવામાં આવ્યા છે.

આ પણ  વાંચો -સુહાગરાતે વારંવાર ઇન્કાર કરતી રહી દુલ્હન... સત્ય ખુબ જ ચોંકાવનારુ નિકળ્યું

રાજ્ય મહિલા આયોગના અધ્યક્ષે શું કહ્યું?

'આજ તક' સાથે વાત કરતી વખતે રાજ્ય મહિલા આયોગના અધ્યક્ષ બબીતા ​​ચૌહાણે કહ્યું કે જ્યાં મહિલાઓ જાય છે ત્યાં જિમમાં મહિલા ટ્રેનર હોવા જોઈએ. તમામ જીમ ટ્રેનર્સનું પોલીસ વેરિફિકેશન કરાવવું જોઈએ. જો કોઈ મહિલા પુરૂષ ટ્રેનર પાસેથી તાલીમ લેવા માંગતી હોય તો તેણે લેખિતમાં આપવાની રહેશે. કારણ કે, મહિલા આયોગને જીમમાં જતી મહિલાઓ અને છોકરીઓના શોષણની સતત ફરિયાદો મળી રહી છે, જેના પછી આ નિર્ણય લેવામાં આવ્યો છે. ઉપરાંત, દરજીની દુકાનમાં જ્યાં મહિલાઓના કપડાં સિલાઇ કરવામાં આવે છે, તે સુનિશ્ચિત કરવું જોઈએ કે માપ લેવા માટે મહિલા દરજીની નિમણૂક કરવામાં આવી છે. આટલું જ નહીં, જે સ્કૂલ બસમાં છોકરીઓ મુસાફરી કરે છે તેમાં મહિલા કર્મચારીઓ હોવા જોઈએ. હાલમાં મહિલા આયોગે તમામ જિલ્લાઓને આ અંગે આદેશો આપ્યા છે. જે સહમત નહીં થાય તેની સામે કાયદેસરની કાર્યવાહી કરવામાં આવશે.