બિમાર પત્નીને પોતાના હાથે જમાડી રહ્યા છે નવજોત સિદ્ધુ..! જુઓ તસવીરો

પંજાબ કોંગ્રેસ(Punjab Congress)ના પૂર્વ અધ્યક્ષ અને પૂર્વ ક્રિકેટર નવજોત સિદ્ધુ (Navjot Sidhu ) અત્યારે રાજકારણથી દૂર તેમની બીમાર પત્ની ડૉ. નવજોત કૌર સિદ્ધુ(Dr. Navjot Kaur Sidhu)ની સંભાળ રાખવામાં વ્યસ્ત છે. તેમના પત્ની ડૉ. સિદ્ધુ કેન્સર સામે લડી રહ્યા છે.  સિદ્ધુએ ટ્વિટ કરેલી તસવીરમાં જોવા મળી રહ્યું છે કે તેઓ પોતાની પત્નીને ખવડાવી રહ્યા છે અને હવે તેને રજાઓ ગાળવા મનાલી લઈ જશે. સિદ્ધુએ ટ્વીટ કરીને આ જાણકારી આપી હતી.

નવજોત સિદ્ધુએ ટ્વિટ કર્યું  કે  ઘા રૂઝાઈ ગયા છે પરંતુ આ મુશ્કેલ કસોટીના માનસિક ઘા હજુ પણ રહેશે. 5મી કીમો ચાલી રહી છે...સારી નસ ન મળી શકી ત્યારે ડૉ.રુપિન્દરની નિપુણતા કામમાં આવી...તેણી (ડૉ.નવજોત કૌર સિદ્ધુ)એ તેનો હાથ ખસેડવાની ના પાડી એટલે તેને ચમચી વડે ખવડાવ્યું...તેને ધ્યાનમાં રાખીને ગરમી અને ભેજ વચ્ચે છેલ્લા કીમો પછી મોટા પ્રમાણમાં વેસ્ક્યુલર પ્રતિક્રિયાઓના કારણે હવે મનાલી જવાનો સમય છે.

આના જવાબમાં તેમના પત્ની ડૉ. સિદ્ધુએ પણ ટ્વીટ કર્યું હતું કે  જીવનમાં તમારી પાસે એકમાત્ર પસંદગી છે તે વર્તમાન ક્ષણ છે અને તે ક્ષણમાં મારી પસંદગી ખુશ રહેવાની છે. હું મારા ભૂતકાળ પર ધ્યાન આપવા માંગતી નથી અને અજાણ્યા ભવિષ્યમાં મારી જાતને ગુમાવવા માંગતી નથી. ભગવાને જે પણ પસંદ કર્યું છે, હું તેને મારા અંતિમ શ્વાસ સુધી યોગ્ય બનાવવાનો સંકલ્પ કરું છું.

આ પણ વાંચો---રશિયાનું લુના-25 અને ભારતનું ચન્દ્રયાન-3 શું ચન્દ્ર પાસે ટકરાશે ?