Muhurat Trading: શેરબજારમાં આજે ઉજવાશે દિવાળી, જાણો મુહૂર્ત ટ્રેડિંગનો સમય

• શેરબજારમાં આજે મુહૂર્ત ટ્રેડિંગ સેશન રહેશે
• સાંજે 6 થી 7 વાગ્યા સુધી એક કલાક રહેશે
• BSE જેવા ઘણા સેગમેન્ટ્સમાં ટ્રેડિંગ થશે

Muhurat Trading : દેશના ઘણા ભાગોમાં આજે દિવાળીનો તહેવાર ઉજવવામાં આવી રહ્યો છે. આ ક્રમમાં નેશનલ સ્ટોક એક્સચેન્જ અને બોમ્બે સ્ટોક એક્સચેન્જ શુક્રવારે દિવાળી મુહૂર્ત ટ્રેડિંગ(Muhurat Trading)નું આયોજન કરશે. 1 નવેમ્બરે શેરબજારમાં દિવાળીની રજા હોવા છતાં BSE અને NSE મુહૂર્ત ટ્રેડિંગ સાંજે થશે. સાંજે 6 થી 7 વાગ્યા સુધી એક કલાકનું વિશેષ મુહૂર્ત ટ્રેડિંગ સેશન રહેશે. મુહૂર્ત ટ્રેડિંગ પર પ્રી-ઓપનિંગ સેશન સાંજે 5.45 થી 6 વાગ્યા સુધી રહેશે.

મુહૂર્ત ટ્રેડિંગનું શું મહત્વ ?

વાસ્તવમાં, મુહૂર્ત ટ્રેડિંગ સમય દરમિયાન, ઇક્વિટી, કોમોડિટી ડેરિવેટિવ્ઝ, કરન્સી ડેરિવેટિવ્ઝ, ઇક્વિટી ફ્યુચર્સ એન્ડ ઓપ્શન્સ, સિક્યોરિટીઝ લેન્ડિંગ અને એસએલબી જેવા ઘણા સેગમેન્ટ્સમાં ટ્રેડિંગ થાય છે. BSI અને NSE એ 20 ઓક્ટોબર 2024 ના રોજ અલગ-અલગ પરિપત્રમાં આની જાહેરાત કરી હતી. ઐતિહાસિક રીતે BSE સેન્સેક્સ છેલ્લા 17 મુહૂર્ત ટ્રેડિંગમાંથી 13માં તેજી સાથે બંધ થયો છે. સેન્સેક્સ 2008માં સૌથી વધુ ઉછળ્યો હતો. જે 5.86 ટકા વધીને 9,008 થયો હતો.

આ પણ વાંચો -Diwali: ધનતેરસે 20 હજાર કરોડનું સોનું વેચાયું, ચાંદીના વેચાણમાં પણ બંપર ઉછાળો

હૂર્ત ટ્રેડિંગમાં કેવી રણનીતિ રાખવી ?

બજારના નિષ્ણાતો મુહૂર્ત ટ્રેડિંગ 2024માં લાર્જ કેપ શેરો પર ધ્યાન કેન્દ્રિત કરવાની સલાહ આપી છે. જ્યારે મિડ કેપ શેરોમાં સમજદારીપૂર્વક રોકાણ કરવાનું સૂચન કરવામાં આવે છે. કારણ કે મિડ કે સ્મોલ કેપ શેરોનું ઊંચું મૂલ્ય સલામતી માટે ઓછામાં ઓછું માર્જિન પૂરું પાડે છે. નિષ્ણાતોના મતે રોકાણકારો આજે મેટલ, કેપિટલ ગુડ્સ, હેલ્થકેર અને લાર્જ કેપ આઈટી જેવા ક્ષેત્રોને પ્રાથમિકતા આપી શકે છે. મુહૂર્ત ટ્રેડિંગ ટાઈમ સ્લોટમાં ઈક્વિટી, કોમોડિટી ડેરિવેટિવ્ઝ, કરન્સી ડેરિવેટિવ્ઝ, ઈક્વિટી ફ્યુચર્સ એન્ડ ઓપ્શન્સ અને સિક્યોરિટીઝ લેન્ડિંગ એન્ડ બોરોઈંગ (SLB) જેવા બહુવિધ સેગમેન્ટ્સમાં ટ્રેડિંગ જોવા મળશે.

મુહૂર્ત વેપાર 1950ના દાયકામાં ચર્ચામાં આવ્યો હતો

મુહૂર્ત ટ્રેડિંગ (Diwali Muhurat Trading)એ ખાસ સત્ર છે. તે નવ સંવતના અવસર પર આયોજિત કરવામાં આવે છે, જે હિંદુ કેલેન્ડર અનુસાર દિવાળીથી શરૂ થાય છે. આ એક કલાકનું સત્ર છે. મુહૂર્ત દરમિયાન વેપાર શેરધારકોને સમૃદ્ધિ અને નાણાકીય વૃદ્ધિ લાવશે તેવું માનવામાં આવે છે.મુહૂર્ત વેપાર 1950ના દાયકામાં ચર્ચામાં આવ્યો હતો. તેની શરૂઆત 1957માં BSE અને 1992માં NSE દ્વારા કરવામાં આવી હતી. ત્યારથી આ પરંપરા ચાલી આવે છે. જે લોકો શેરમાં વેપાર કરે છે તેઓ આ દિવસે ચોક્કસપણે કંઈક ખરીદે છે.

આ પણ વાંચો -LPG Gas Price Hike:કોમર્શિયલ ગેસ સિલિન્ડરના ભાવમાં મોટો ઉછાળો

31 ઓક્ટોબરે બજાર ખુલ્લું હતું

ઉત્તર ભારતના ઘણા રાજ્યોમાં 31 ઓક્ટોબરે દિવાળીનો તહેવાર ઉજવવામાં આવ્યો હતો. જોકે આ દિવસે BSE અને NSE ખુલ્લી હતી. ગુરુવારે બંને બજારોમાં સામાન્ય કારોબાર થયો હતો. સંવત 2080નું આ છેલ્લું ટ્રેડિંગ સત્ર હતું.