USA Tariffs : ટ્રમ્પના ટેરિફ વોરમાં વિશ્વભરના બજાર ધડામ, જાણો કયા કેવી છે સ્થિતિ
- ભારતીય શેરબજારમાં પણ ઉતાર-ચઢાવની ભીતિ
- સેન્સેક્સ, નિફ્ટીમાં મોટા કડાકાની શક્યતાઓ
- જાપાનના નિક્કેઈમાં 5 ટકાનો મોટો કડાકો
USA Tariffs : ટ્રમ્પના ટેરિફ વોરમાં વિશ્વભરના બજાર ધડામ થયા છે. જેમાં ભારતીય શેરબજારમાં પણ ઉતાર-ચઢાવની ભીતિ છે. સેન્સેક્સ, નિફ્ટીમાં મોટા કડાકાની શક્યતાઓ છે. જાપાનના નિક્કેઈમાં 5 ટકાનો મોટો કડાકો થયો છે. તથા તાઈવાનનો સ્ટોક ઈન્ડેક્સ 9.8 ટકા સુધી તૂટ્યો અને સિંગાપોરના બજારમાં 7 ટકાથી વધુનો કડાકો છે. ત્યારે હોંગકોંગ બજાર ખુલતાં જ 9 ટકાથી વધુ તૂટ્યું છે. ઓસ્ટ્રેલિયાઈ શેરબજારમાં 6 ટકાનો મોટો કડાકો થયો છે. તેમજ અમેરિકી બજારમાં 4 ટકાથી વધુ તૂટતા અસર થઇ છે.
US President Donald Trump posts, "We have massive Financial Deficits with China, the European Union, and many others. The only way this problem can be cured is with TARIFFS, which are now bringing Tens of Billions of Dollars into the U.S.A. They are already in effect, and a… pic.twitter.com/Uw3ryOzyDZ
— ANI (@ANI) April 6, 2025
ટેરિફ એક પ્રકારની દવા છે અને ક્યારેક 'કડવા ઘૂંટ' પીવા પડે છે
અમેરિકાના રાષ્ટ્રપતિ ડોનાલ્ડ ટ્રમ્પે રવિવારે એક મોટું નિવેદન આપતા કહ્યું કે વિદેશી સરકારોએ અમેરિકાના ટેરિફ દૂર કરવા માટે "ઘણા પૈસા" ચૂકવવા પડશે. જ્યારે યુએસ રાષ્ટ્રપતિને વૈશ્વિક અર્થતંત્રમાં અસ્થિરતા અને ટેરિફને કારણે શેરબજારમાં ઘટાડા વિશે પૂછવામાં આવ્યું ત્યારે તેમણે કહ્યું કે ટેરિફ એક પ્રકારની દવા છે અને ક્યારેક 'કડવા ઘૂંટ' પીવા પડે છે. ટ્રમ્પે કહ્યું કે ભલે તે હાલમાં બજારને અસર કરી રહ્યું હોય, પરંતુ અમેરિકાના લાંબા ગાળાના સ્વાસ્થ્ય માટે તે જરૂરી છે.
Donald Trump ના ટેરિફ વોરમાં વિશ્વભરના બજાર ધડામ । Gujarat First#GlobalMarketCrash #TrumpTariffWar #TariffWars #SensexDown #NiftyCrash #USMarketImpact #StockMarketAlert #gujaratfirst pic.twitter.com/CL9PPmjGiU
— Gujarat First (@GujaratFirst) April 7, 2025
શેરબજારમાં ઘટાડો ચિંતાનો વિષય નથી: ટ્રમ્પ
એરફોર્સ વન પર પત્રકારો સાથે વાત કરતી વખતે ટ્રમ્પે એમ પણ કહ્યું કે તેઓ યુએસ શેરબજારમાં ભારે ઘટાડાથી ચિંતિત નથી. તાજેતરના ભૂતકાળમાં યુએસ શેરબજારોમાં લગભગ 6 ટ્રિલિયન ડોલરનું મૂલ્ય ઘટ્યું છે, પરંતુ ટ્રમ્પે કહ્યું, "હું કંઈપણ ઘટાડવા માંગતો નથી. પરંતુ ક્યારેક તમારે કંઈક સુધારવા માટે દવા લેવી પડે છે." ટ્રમ્પે કહ્યું કે તેમણે સપ્તાહના અંતે યુરોપ અને એશિયાના ઘણા નેતાઓ સાથે વાત કરી છે. આ દેશોના નેતાઓ તેમને ટેરિફ રાહત માટે અપીલ કરી રહ્યા છે કારણ કે અમેરિકા આ અઠવાડિયે 50 ટકા સુધીના ભારે ટેરિફ લાદવાની તૈયારી કરી રહ્યું છે. તેમણે કહ્યું કે ઘણી વિદેશી સરકારો આ ટેરિફ દૂર કરવા માટે વાટાઘાટો કરવા માંગે છે, પરંતુ અમેરિકાના ઇરાદા સ્પષ્ટ છે. જો તેઓ છૂટછાટો ઇચ્છતા હોય, તો તેમણે તેની કિંમત ચૂકવવી પડશે.
લોકોને ખ્યાલ આવશે કે યુનાઇટેડ સ્ટેટ્સ માટે ટેરિફ ખૂબ જ સુંદર વસ્તુ છે
રાષ્ટ્રપતિ ડોનાલ્ડ ટ્રમ્પે ટ્રુથ પર પોસ્ટ કરી છે કે ટેરિફ એક સુંદર વસ્તુ છે. તેમણે કહ્યું, "ચીન, યુરોપિયન યુનિયન અને અન્ય ઘણા દેશો સાથે આપણી પાસે મોટી રાજકોષીય ખાધ છે. આ સમસ્યાનો એકમાત્ર ઉકેલ ટેરિફ છે, જે હવે યુનાઇટેડ સ્ટેટ્સમાં અબજો ડોલર લાવી રહ્યા છે. તે પહેલાથી જ અમલમાં છે, અને જોવામાં ખૂબ જ સુંદર છે. સ્લીપી જો બિડેનના "રાષ્ટ્રપતિ" દરમિયાન આ દેશો સાથેનો સરપ્લસ વધ્યો છે. અમે તેને ઉલટાવીશું. કોઈ દિવસ લોકોને ખ્યાલ આવશે કે યુનાઇટેડ સ્ટેટ્સ માટે ટેરિફ ખૂબ જ સુંદર વસ્તુ છે."
આ પણ વાંચો: Gujarati Top News : આજે 7 એપ્રિલ 2025 ના દિવસે શું થશે ગુજરાતમાં?