IPL 2023 : મુંબઈને હરાવી LSG એ Playoffs માં પહોંચવાની તેની આશા જીવંત રાખી

IPL 2023માં મંગળવારે મુંબઈ ઈન્ડિયન્સ અને લખનૌ સુપર જાયન્ટ્સ વચ્ચે રોમાંચક મેચ રમાઈ રહી છે. પ્લેઓફને કેન્દ્રમાં રાખીને આ મેચ બંને ટીમો માટે ઘણી મહત્વની હતી. આ મેચમાં કૃણાલ પંડ્યાના સુકાની લખનૌની ટીમે મુંબઈને 5 રનથી હરાવ્યું હતું. આજની મેચમાં લખનૌની શાનદાર જીત થઈ છે અને જીતની સાથે જ લખનૌની ટીમ 15 પોઈન્ટ સાથે પ્લેઓફની નજીક પહોંચી ગઈ છે.

આ મેચનો હીરો ફાસ્ટ બોલર મોહસિન ખાન હતો, જેણે છેલ્લી ઓવરમાં મુંબઈને બાકીના 11 રન બનાવવા દીધા નહી. 178 રનના લક્ષ્યાંકનો પીછો કરવા ઉતરેલી મુંબઈની ટીમ 5 વિકેટે 172 રન જ બનાવી શકી. મેચમાં ઈશાન કિશને 39 બોલમાં સૌથી વધારે 59 રન બનાવ્યા જ્યારે રોહિત શર્માએ 25 બોલ પર 37 રન બનાવ્યા. છેલ્લે ટિમ ડેવિડે ક્રિઝ પર રહીને 19 બોલમાં 32 રનની ઇનિંગ રમી હતી, પરંતુ તે ટીમને જીત અપાવી શક્યો નહોતો. લખનૌ તરફથી યશ ઠાકુર અને રવિ બિશ્નોઈએ 2-2 જ્યારે મોહસીન ખાને 1 વિકેટ ઝડપી હતી.

લખનૌના મેદાન પર રમાયેલી આ મેચમાં મુંબઈના કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો હતો. લખનૌની ટીમે 3 વિકેટે 177 રન બનાવ્યા હતા. લખનૌ તરફથી ઓલરાઉન્ડર માર્કસ સ્ટોઈનિસે 47 બોલમાં 89 રનની શાનદાર ઇનિંગ રમી હતી. સ્ટોઇનિસે પોતાની તોફાની ઇનિંગમાં 8 સિક્સ અને 4 ફોર ફટકારી હતી. તેના સિવાય સુકાની કૃણાલ પંડ્યાએ 42 બોલમાં 49 રન બનાવીને સન્યાસ લીધો હતો. મુંબઈ તરફથી જેસન બેહરનડોર્ફે 2 અને પીયૂષ ચાવલાએ 1 વિકેટ ઝડપી હતી.

આ પણ વાંચો : ગુજરાત બાદ હવે આ ટીમો પણ PLAYOFFS માં પહોંચી શકે છે, જાણો પોઈન્ટ્સ ટેબલનું ગણિત

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.