Jharkhand : નક્સલવાદીઓએ બોમ્બથી રેલવે ટ્રેક તોડી નાખ્યો, હાવડા-મુંબઈ રેલ્વે લાઇન પર ટ્રેનની અવરજવર અટકી

ઝારખંડમાં માઓવાદી નક્સલીઓએ રેલવે ટ્રેક પર બ્લાસ્ટ કર્યો હતો. તેઓએ ગુરુવારે રાત્રે ગોઇલકેલા અને પોસૈતા સ્ટેશન વચ્ચેના પાટા ઉડાવી દીધા હતા. જેના કારણે હાવડા-મુંબઈ મુખ્ય રેલ્વે લાઈન પર ટ્રેનોની અવરજવર સંપૂર્ણપણે ઠપ થઈ ગઈ છે.

CPI માઓવાદી સંગઠને ભારત બંધનું એલાન આપ્યું છે

મીડિયા રિપોર્ટ્સ અનુસાર CPI માઓવાદી સંગઠને 22 ડિસેમ્બરે ભારત બંધનું એલાન આપ્યું છે. સંગઠને ચક્રધરપુર રેલ્વે વિભાગના ગેલકેરા અને પોસૈતા રેલ્વે સ્ટેશન વચ્ચે કરો નદી પાસે આ ઘટનાને અંજામ આપ્યો છે. ઘટના બાદ નક્સલવાદીઓએ નજીકમાં પોસ્ટર અને બેનરો પણ લગાવ્યા છે.

Jharkhand | Railway track between Manoharpur and Goilkera under Goilkera police station limits was blown up by Naxals last night. Restoration work underway pic.twitter.com/dlSXek8Kbq

— ANI (@ANI) December 22, 2023

સમગ્ર રેલવે ડિવિઝનની અવરજવર બંધ કરી દેવામાં આવી છે

સ્થાનિક રેલવે અધિકારીઓને ટાંકીને મીડિયા રિપોર્ટ્સમાં કહેવામાં આવ્યું છે કે સાવચેતીના પગલા તરીકે સમગ્ર રેલવે ડિવિઝનમાં ટ્રેનોની અવરજવર બંધ કરી દેવામાં આવી છે. સુરક્ષા દળોને સ્થળ પર તૈનાત માટે મોકલવામાં આવ્યા છે. રેલવે ટ્રેક રિપેર થયા બાદ જ ટ્રેનોની અવરજવર પૂર્વવત થશે.

આ ટ્રેનોને વિવિધ સ્ટેશનો પર રાતોરાત રોકવામાં આવી હતી:

• 18478 - યોગનગરી ઋષિકેશ પુરી ઉત્કલ એક્સપ્રેસ - મનોહરપુર ખાતે રાત્રે 10:08 વાગ્યે રોકાઈ.
• 12905 - પોરબંદર શાલીમાર એક્સપ્રેસ - રાત્રે 10:08 વાગ્યે મનોહરપુર ખાતે રોકાઈ.
• 18006 - જગદલપુર હાવડા એક્સપ્રેસ - મનોહરપુર ખાતે રાત્રે 10:08 વાગ્યે રોકાઈ.
• 18030 - શાલીમાર એલટીટી એક્સપ્રેસ - ગોઇલકેરા ખાતે રાત્રે 11:25 વાગ્યે રોકાઈ.
• 12102 - શાલીમાર એલટીટી એક્સપ્રેસ - રાત્રે 10:08 વાગ્યે ટાટા પર રોકાઈ.
• 12129 - પુણે હાવડા એક્સપ્રેસ - રાઉરકેલા ખાતે રોકાઈ.
• 12810 - હાવડા CSMT એક્સપ્રેસ - રાત્રે ચક્રધરપુર ખાતે રોકાઈ.
• 12222 - હાવડા પુણે એક્સપ્રેસ - રાત્રે ચક્રધરપુર ખાતે રોકાઈ.
• 12151 - LTT શાલીમાર એક્સપ્રેસ - રાત્રીના સમયે રાઉરકેલામાં ઊભી રહે છે.
• 12130 - હાવડા પુણે એક્સપ્રેસ - રાત્રે ટાટા પાસે ઉભી.

આ પણ વાંચો : COVID Cases : ભારતમાં ફરી કહેર મચાવશે કોરોના?, શું ફરી માસ્ક લગાવવાનો સમય આવી ગયો છે?