Jammu and Kashmir : નૌશેરામાં આતંકી ઘૂસણખોરીનો પ્રયાસ નિષ્ફળ, 2 આતંકી ઠાર, ઓપરેશન ચાલુ

1. Jammu and Kashmir માં આતંકી અને સુરક્ષા દળો વચ્ચે અથડામણ
2. અથડામણમાં સુરક્ષા દળોએ બે આતંકીને કર્યા ઠાર
3. જમ્મુ-કાશ્મીરમાં સપ્ટેમ્બરમાં યોજાવાની છે વિધાનસભા ચૂંટણી

જમ્મુ-કાશ્મીર (Jammu and Kashmir)માં આતંકવાદીઓ વિરુદ્ધ સતત અભિયાન ચલાવવામાં આવી રહ્યું છે પરંતુ આતંકવાદીઓ તેમની ગતિવિધિઓથી હટતા નથી. જો કે સુરક્ષાદળો આતંકીઓને જડબાતોડ જવાબ આપી રહ્યા છે. તાજેતરનો મામલો નૌશેરાના સામાન્ય વિસ્તારનો છે, જ્યાં ઘૂસણખોરીનો પ્રયાસ કરી રહેલા બે આતંકવાદીઓ માર્યા ગયા છે.

શું છે સમગ્ર મામલો?

વ્હાઇટ નાઈટ કોર્પ્સે સોશિયલ મીડિયા પ્લેટફોર્મ X પર આ માહિતી આપી છે. તેમાં કહેવામાં આવ્યું છે કે સંભવિત ઘૂસણખોરીના પ્રયાસ વિશે ગુપ્તચર એજન્સીઓ અને જમ્મુ અને કાશ્મીર (Jammu and Kashmir) પોલીસ પાસેથી મળેલા ઇનપુટ્સના આધારે, ભારતીય સેના દ્વારા 8 સપ્ટેમ્બરની મધ્યરાત્રિએ નૌશેરાના લામના સામાન્ય વિસ્તારમાં ઘૂસણખોરી વિરોધી ઓપરેશન શરૂ કરવામાં આવ્યું હતું. 2 આતંકવાદીઓ માર્યા ગયા છે અને મોટી માત્રામાં યુદ્ધ સામગ્રી મળી આવી છે. ઓપરેશન ચાલુ છે.

આ પણ વાંચો : Brij Bhushan Sharan Singh એ કુસ્તીબાજોની તુલના પાંડવ અને દ્રૌપદી સાથે કરી

જમ્મુ-કાશ્મીરમાં ચૂંટણી ક્યારે?

ચૂંટણી પહેલા ઘૂસણખોરીના પ્રયાસને નિષ્ફળ બનાવવાને મોટી સફળતા માનવામાં આવી રહી છે. જમ્મુ-કાશ્મીર (Jammu and Kashmir)માં 90 વિધાનસભા બેઠકો માટે 18 સપ્ટેમ્બર, 25 સપ્ટેમ્બર અને 1 ઓક્ટોબરે ત્રણ તબક્કામાં મતદાન થશે. ચૂંટણીના પરિણામો 8 ઓક્ટોબરે જાહેર થશે.

આ પણ વાંચો : Abu Dhabi Crown Prince પ્રથમ વખત ભારતની મુલાકાતે, દિલ્હીમાં થયું સ્વાગત