Israel ની ધમકી, જો હિઝબુલ્લાહ ભૂલ કરશે તો લેબનોનની હાલત ગાઝા જેવી થશે...
- લેબનોનમાં ઈઝરાયેલ દ્વારા ઝડપી હુમલા કરવામાં આવ્યા
- ઇઝરાયેલના હુમલામાં લગભગ 700 લોકો માર્યા ગયા
- ઈઝરાયેલના ટોચના અધિકારીઓએ આપી ધમકી
લેબનોનમાં ઈઝરાયેલ (Israel) દ્વારા ઝડપી હુમલા કરવામાં આવી રહ્યા છે. આ અઠવાડિયે લેબનોનમાં ઈઝરાયેલ (Israel)ના હુમલામાં લગભગ 700 લોકો માર્યા ગયા છે. લેબનોનના સ્વાસ્થ્ય મંત્રાલયે આ માહિતી આપી છે. ઇઝરાયેલે લેબનોન પર હુમલા વધારી દીધા છે અને કહ્યું છે કે તે હિઝબોલ્લાહની સૈન્ય ક્ષમતાઓ અને તેના વરિષ્ઠ કમાન્ડરોને નિશાન બનાવી રહ્યું છે. ઈઝરાયેલ (Israel)ના ટોચના અધિકારીઓએ ધમકી આપી છે કે જો હિઝબુલ્લાહનું ગોળીબાર ચાલુ રહેશે તો તે લેબનોનમાં ગાઝા જેવા વિનાશનું પુનરાવર્તન કરશે.
લેબનોનની હાલત ગાઝા જેવી થશે...
ઈઝરાયેલ (Israel)ના અધિકારીઓની ધમકી બાદ ડર વધી ગયો છે કે ગત વર્ષે 7 ઓક્ટોબરથી ગાઝામાં શરૂ કરાયેલી ઈઝરાયેલ સૈન્ય કાર્યવાહીનું લેબનોનમાં પુનરાવર્તન થશે. દરમિયાન, ઇન્ટરનેશનલ ઓર્ગેનાઇઝેશન ફોર માઇગ્રેશનનો અંદાજ છે કે લેબનોનમાં 200,000 થી વધુ લોકો વિસ્થાપિત થયા છે.
આ પણ વાંચો : China : ડ્રેગનને લાગ્યો મોટો ઝટકો, વુહાન બંદર પર Nuclear Submarine ડૂબી
ઇઝરાયેલ અટકશે નહીં...
તમને જણાવી દઈએ કે ગયા વર્ષે 7 ઓક્ટોબરે હમાસના આતંકવાદીઓએ ઈઝરાયેલ (Israel)માં ઘૂસીને તબાહી મચાવી હતી અને સામાન્ય લોકોને નિશાન બનાવ્યા હતા. આ પછી ઇઝરાયેલ અને હમાસ વચ્ચે યુદ્ધ શરૂ થયું. લેબનોને કહ્યું છે કે ઇઝરાયેલ અને હમાસ વચ્ચે યુદ્ધ શરૂ થયું ત્યારથી તેની સરહદ પર કુલ 1540 લોકો માર્યા ગયા છે. દરમિયાન, ઇઝરાયેલના PM બેન્જામિન નેતન્યાહૂએ કહ્યું છે કે ઇઝરાયેલ હિઝબુલ્લાહ પર 'પૂરી તાકાતથી' હુમલો કરી રહ્યું છે અને જ્યાં સુધી તેના લક્ષ્યો પ્રાપ્ત નહીં થાય ત્યાં સુધી રોકાશે નહીં.
Israeli attacks on Lebanon kill over 700, injure thousands in under one week
Tens of thousands have been uprooted from their homes, as Lebanese public schools open up across the country to accommodate the displaced pic.twitter.com/hrdBl2OG0M
— inaya bisma (@inaya_bisma) September 27, 2024
આ પણ વાંચો : આજે વિશ્વભરમાં ઉજવાઈ રહ્યો છે World Tourism Day, જાણો આ વર્ષે કઈ theme રાખવામાં આવી
ઈઝરાયેલ નક્કર તૈયારીઓ કરી રહ્યું છે...
ઉલ્લેખનીય છે કે અમેરિકા, ફ્રાન્સ અને અન્ય સહયોગી દેશોએ સંયુક્ત રીતે 21 દિવસના યુદ્ધવિરામની હાકલ કરી છે. લેબનોનના વિદેશ મંત્રીએ યુદ્ધવિરામના પ્રયાસોનું સ્વાગત કર્યું. તેમણે કહ્યું કે, તેમનો દેશ ઇઝરાયેલ દ્વારા "લેબનોનના સરહદી ગામોના આયોજનબદ્ધ વિનાશ"ની નિંદા કરે છે. દરમિયાન, ઇઝરાયેલી વાહનો, ટેન્ક અને સશસ્ત્ર વાહનો લેબનોન સાથેની દેશની ઉત્તરીય સરહદ તરફ આગળ વધતા જોવા મળ્યા છે. કમાન્ડરોએ અનામત સૈનિકોને બોલાવવાનો આદેશ જારી કર્યો છે.
આ પણ વાંચો : 209 કિમીની ઝડપે આજે ફ્લોરિડામાં ટકરાશે Cyclonic Storm Helen