Israel-Hamas Conflict : યુદ્ધ વચ્ચે હમાસ હવે નબળું પડયું, બે ઇઝરાયેલી મહિલાઓને મુક્ત કર્યા

7 ઓક્ટોબરના રોજ ફાટી નીકળેલા સંઘર્ષને પગલે બે સપ્તાહની નાકાબંધીની વધતી જતી તીવ્રતા પછી, હમાસના લડવૈયાઓ હવે થોડી નમ્રતા દર્શાવતા દેખાયા છે. જણાવી દઇએ કે, ઇઝરાયેલ અને હમાસ વચ્ચે ચાલી રહેલા યુદ્ધે ભયાનક સ્વરૂપ ધારણ કર્યું હોવા છતાં બંને છાવણીઓ તરફથી પ્રસંગોપાત ઉદારતા જોવા મળી રહી છે. મળતી માહિતી અનુસાર, હમાસે બે ઇઝરાયેલી મહિલાઓને મુક્ત કર્યા છે જેમને 7 ઓક્ટોબરના હુમલા દરમિયાન પેલેસ્ટિનિયન આતંકવાદી જૂથ દ્વારા બંધક બનાવવામાં આવ્યા હતા.

પેલેસ્ટિનિયન હમાસ આતંકવાદી જૂથની સશસ્ત્ર વિંગે વધુ બે બંધકોને મુક્ત કર્યા છે. અગાઉ ગયા શુક્રવારે હમાસે બે અમેરિકન બંધકોને મુક્ત કર્યા હતા. હમાસે સોમવારે એક નિવેદનમાં જણાવ્યું હતું કે તેણે ઇજિપ્ત-કતારી મધ્યસ્થી પ્રયાસોના જવાબમાં બે મહિલા નાગરિક અટકાયતીઓને મુક્ત કરી છે. ઇઝરાયેલના સૈન્ય પ્રવક્તાએ સોમવારે એક નિવેદનમાં ઇન્ટરનેશનલ કમિટી ઓફ ધ રેડ ક્રોસ (ICRC) ને નુરીટ કૂપર ( 80) અને યોચેવ્ડ લિફશિટ્ઝ (85) તરીકે ઓળખાયેલી બે મહિલાઓને મુક્ત કરવાની પુષ્ટિ કરી. સુત્રો પાસેથી માહિતી પ્રાપ્ત થઈ છે કે મુક્ત કરાયેલી બંને વૃદ્ધ મહિલાઓ ઈઝરાયેલની હતી. રેડ ક્રોસે પણ આ વાતની પુષ્ટિ કરી છે.

સશસ્ત્ર વિંગના પ્રવક્તા અબુ ઉબૈદાએ ટેલિગ્રામ પર જણાવ્યું હતું કે, ગયા શુક્રવારથી, દુશ્મન (ઇઝરાયેલ) દ્વારા વૃદ્ધ મહિલાઓને સ્વીકારવાનો ઇનકાર અને અમારા કેદીઓના મુદ્દાની અવગણના છતાં, અમે કેદીઓની મુક્તિ સુરક્ષિત કરી છે. હમાસે નિવેદનમાં કહ્યું છે કે, અમે માનવતાવાદી અને નબળા સ્વાસ્થ્ય કારણોસર બંને મહિલાઓને મુક્ત કરવાનો નિર્ણય કર્યો છે. વળી, રેડ ક્રોસની આંતરરાષ્ટ્રીય સમિતિનું કહેવું છે કે હમાસના આતંકવાદીઓએ ગાઝા પટ્ટીમાં બંધક બનેલા બે બંધકોને મુક્ત કર્યા છે. 7 ઓક્ટોબરના રોજ ઈઝરાયેલમાં સરહદ પારથી થયેલા લોહિયાળ ઘૂસણખોરીમાં પકડાયેલા બંધકોને આ જૂથે બીજી વખત મુક્ત કર્યા હતા.

Update...

આ પણ વાંચો - Israel Hamas War : 15 દિવસના યુદ્ધ પછી પહેલીવાર ઇઝરાયલી સૈનિકો અને હમાસના લડવૈયાઓ સામસામે અથડાયા

ગુજરાત ફર્સ્ટ તમને સમાચારોથી હંમેશા અવગત રાખશે