BCCIએ વેસ્ટ ઈન્ડિઝ ( West Indies) સામેની 5 મેચની T20 શ્રેણી માટે T20 ટીમની જાહેરાત કરી છે. આ ટીમની કપ્તાની ફરી એકવાર હાર્દિક પંડ્યા (Hardik Pandya)ને સોંપવામાં આવી છે. સાથે જ રોહિત શર્મા(Rohit Sharma) વિરાટ કોહલી (Virat Kohli) અને મોહમ્મદ શમી જેવા દિગ્ગજ ખેલાડીઓને આ ફોર્મેટમાંથી બહાર રાખવામાં આવ્યા છે. આ સિવાય IPL 2023માં શાનદાર પ્રદર્શન કરનાર હાર્દિકની કપ્તાનીમાં IPLના  ઘણા ખેલાડીઓને તક આપવામાં આવી છે.

તાજેતરમાં જ ભારતની ટેસ્ટ ટીમમાં પસંદગી પામેલા યુવા ઓપનર યશસ્વી જયસ્વાલને હવે ભારતની T20 ટીમમાં પણ જગ્યા આપવામાં આવી છે. આ સિવાય શુભમન ગિલ અને ઈશાન કિશનને પણ ટીમમાં પસંદ કરવામાં આવ્યા છે. ટીમના વાઇસ કેપ્ટન સૂર્યકુમાર યાદવ છે. આ સિવાય વિકેટ કીપર બેટ્સમેન સંજુ સેમસન પણ ટીમમાં પરત ફર્યો છે. આ સાથે જ અક્ષર પટેલની ઓલરાઉન્ડર તરીકે પસંદગી કરવામાં આવી છે.

જણાવી દઈએ કે ટીમમાં તિલક વર્માની પસંદગી કરવામાં આવી છે. તિલકે તાજેતરમાં IPL 2023માં મુંબઈ ઈન્ડિયન્સ માટે શાનદાર પ્રદર્શન કર્યું હતું. બીજી તરફ આશ્ચર્યજનક વાત એ છે કે IPLમાં ઝડપી બેટિંગ કરનાર રિંકુ સિંહની પસંદગી કરવામાં આવી નથી. રિંકુએ IPLમાં 60ની એવરેજથી રન બનાવ્યા હતા.

 યુઝવેન્દ્ર ચહલ અને કુલદીપ યાદવની જોડીને ટીમની બોલિંગ લાઇન-અપમાં પસંદ કરવામાં આવી છે. આ સિવાય રવિ બિશ્નોઈના રૂપમાં ટીમમાં અન્ય સ્પિનરની પસંદગી કરવામાં આવી હતી. આ સિવાય ફાસ્ટ બોલિંગ લાઇન અપમાં અર્શદીપ સિંહ, ઉમરાન મલિક, અવેશ ખાન અને મુકેશ કુમારની પસંદગી કરવામાં આવી છે.

ઇશાન કિશન (વિકેટકીપર), શુભમન ગિલ, યશસ્વી જયસ્વાલ, તિલક વર્મા, સૂર્યકુમાર યાદવ (વાઈસ-કેપ્ટન), સંજુ સેમસન (વિકેટમેન), હાર્દિક પંડ્યા (કેપ્ટન), અક્ષર પટેલ, યુઝવેન્દ્ર ચહલ, કુલદીપ યાદવ, રવિ બિશ્નોઈ, અર્શદીપ સિંહ, ઉમરાન મલિક, અવેશ ખાન, મુકેશ કુમાર.

આ પણ વાંચો---SWIMMING NATIONALS 2023: IAS વિજય નેહરાના પુત્રએ સ્વિમિંગમાં રચ્યો ઈતિહાસ, 4 દિવસમાં બનાવ્યા 4 રાષ્ટ્રીય રેકોર્ડ