ભારતીય-અમેરિકન રાધા આયંગર પ્લમ્બ ડેપ્યુટી ડિફેન્સ સેક્રેટરી તરીકે નિયુક્ત, સેનેટ દ્વારા પુષ્ટિ

ભારતીય-અમેરિકન રાધા આયંગર પ્લમ્બને નાયબ સંરક્ષણ સચિવ તરીકે નિયુક્ત કરવામાં આવ્યા છે. યુએસ સેનેટ દ્વારા તેની પુષ્ટિ કરવામાં આવી છે. સેનેટે આજે ડેપ્યુટી અન્ડર સેક્રેટરી ઓફ ડિફેન્સ રાધા આયંગર પ્લમ્બ માટે મતદાન કર્યું હતું. તેણીએ 68-30ના મતથી જીત મેળવી હતી.

અગાઉ અમેરિકી રાષ્ટ્રપતિ જો બિડેને રાધા આયંગર પ્લમ્બને એક્વિઝિશન અને સસ્ટેનમેન્ટ માટે ડેપ્યુટી અંડર સેક્રેટરી ઑફ ડિફેન્સના હોદ્દા પર નામાંકિત કર્યા હતા. તેઓ હાલમાં સંરક્ષણના નાયબ સચિવના ચીફ ઓફ સ્ટાફ તરીકે સેવા આપી રહ્યા છે અને જૂન 2022 માં ટોચના પેન્ટાગોન પોસ્ટ માટે નામાંકિત થયા હતા.

ચીફ ઓફ સ્ટાફ તરીકે તેમની નિમણૂક પહેલા, રાધા Google ખાતે ટ્રસ્ટ અને સુરક્ષા માટે સંશોધન અને આંતરદૃષ્ટિના ડિરેક્ટર હતા, જે બિઝનેસ એનાલિટિક્સ, ડેટા સાયન્સ અને ટેકનિકલ સંશોધન ટીમોનું નેતૃત્વ કરતા હતા. તેણીએ ફેસબુકમાં પોલિસી એનાલિસિસના વૈશ્વિક વડા તરીકે પણ સેવા આપી હતી.

 તેમણે ડિપાર્ટમેન્ટ ઓફ ડિફેન્સ, એનર્જી મિનિસ્ટ્રી અને વ્હાઇટ હાઉસ નેશનલ સિક્યુરિટી કાઉન્સિલમાં રાષ્ટ્રીય સુરક્ષા મુદ્દાઓ પર અનેક વરિષ્ઠ હોદ્દા પર પણ સેવા આપી છે.

આ પણ વાંચો- હવે આર્થિક સંકટમાં ફસાયેલ પાકિસ્તાનનું સૌથી મોટું પ્રાણી સંગ્રહાલય, 145 વર્ષ પછી બંધ થવાના આરે