અલ-કાયદાના ચીફને મારનારુ Predator Drone હવે ભારત પાસે...

• ભારતે હવે અમેરિકા સાથે 31 પ્રિડેટર ડ્રોન ખરીદવાની ડીલ કરવાનું નક્કી કર્યુ
• કેબિનેટ સુરક્ષા સમિતિ પાસેથી મંજૂરી મળી
• આ ડીલથી ભારતીય સેનાની તાકાતમાં વધારો થશે
• પ્રિડેટર ડ્રોનની સૌથી મોટી વિશેષતા તેમની લાંબી ઉડાન ક્ષમતા
• ડ્રોન હેલફાયર મિસાઈલ અને સ્માર્ટ બોમ્બથી સજ્જ

Predator Drone : ભારત સતત પોતાની સૈન્ય તાકાત વધારી રહ્યું છે. હવે ભારતે હવે અમેરિકા સાથે 31 પ્રિડેટર ડ્રોન (Predator Drone ) ખરીદવાની ડીલ કરવાનું નક્કી કર્યુ છે. તમને જણાવી દઈએ કે ભારતે આ ડ્રોન ખરીદવા માટે અમેરિકા સાથે 3.3 અબજ ડોલર એટલે કે લગભગ 28 હજાર કરોડ રૂપિયાની ડીલ કરી છે. એટલે કે ભારત એક ડ્રોન પાછળ 900 કરોડ રૂપિયા ખર્ચી રહ્યું છે.

કેબિનેટ સુરક્ષા સમિતિ પાસેથી મંજૂરી મળી

તમને જણાવી દઈએ કે કેબિનેટ સુરક્ષા સમિતિએ આ ડ્રોનની ખરીદીને મંજૂરી આપી દીધી છે. આ ડીલથી ભારતીય સેનાની તાકાતમાં વધારો થશે. કારણ કે આ અત્યાધુનિક ડ્રોન ભારતીય દળોને ખાસ કરીને ચીન સાથેની વિવાદિત સરહદો પર નજર રાખવામાં મદદ કરશે. તમને જણાવી દઈએ કે આ પ્રિડેટર ડ્રોનની ડિલિવરી 4 વર્ષમાં શરૂ થશે. જે છ વર્ષમાં પૂર્ણ થશે. જેમાંથી 15 સી ગાર્ડિયન ડ્રોન ભારતીય નૌકાદળને આપવામાં આવશે. જ્યારે એરફોર્સ અને આર્મીને 8-8 સ્કાય ગાર્ડિયન ડ્રોન મળશે. તમને જણાવી દઈએ કે આ ડ્રોન માત્ર દેખરેખ માટે જ નહીં પરંતુ લડાયક ભૂમિકામાં પણ જોવા મળશે.

આ પણ વાંચો---indian Army: દુશ્મન દેશોને દેખાડી સ્વદેશી તાકાત! ત્રણ સેનાનાં ઉપપ્રમુખોએ તેજસમાં ભરી ઉડાન

જાણો શું છે આ પ્રિડેટર ડ્રોનની ખાસિયતો

વાસ્તવમાં, પ્રિડેટર ડ્રોનની સૌથી મોટી વિશેષતા તેમની લાંબી ઉડાન ક્ષમતા છે. હિન્દીમાં પ્રિડેટરનો અર્થ દરિંદા છે. એટલે કે આ ડ્રોન ભારતના દુશ્મન માટે જાનવરથી ઓછું નહીં હોય. આ સિવાય આ ડ્રોન 40,000 ફૂટથી વધુની ઉંચાઈ પર 40 કલાક સુધી ઉડવામાં સક્ષમ છે. જેના કારણે સતત દેખરેખ રાખી શકાય છે અને હુમલા સમયે હુમલો પણ કરી શકાય છે.

ડ્રોન હેલફાયર મિસાઈલ અને સ્માર્ટ બોમ્બથી સજ્જ

આ ડ્રોન હેલફાયર મિસાઈલ અને સ્માર્ટ બોમ્બથી સજ્જ છે. જે તેમને યુદ્ધના મેદાનમાં અમોઘ શસ્ત્ર બનાવે છે. તેમની ચોકસાઈ અને વિનાશક શક્તિ પણ ઘણી ઊંચી છે. તેમના ઉપયોગ દ્વારા જ અલ કાયદાના વડા ઝમાન અલ-ઝવાહિરીની કાબુલમાં હત્યા કરવામાં આવી હતી.

દરિયાઈ વિસ્તારોમાં દેખરેખ માટે સક્ષમ

એટલું જ નહીં, ખાસ કરીને દરિયાઈ વિસ્તારોની દેખરેખ માટે સી ગાર્ડિયન ડ્રોનનો ઉપયોગ કરી શકાય છે. તે માત્ર દરિયાઈ સુરક્ષામાં મહત્વની ભૂમિકા ભજવશે જ નહીં પરંતુ સબમરીન યુદ્ધ અને લાંબા અંતરના લક્ષ્યાંકોમાં પણ સફળ છે. જ્યારે સ્કાય ગાર્ડિયન ડ્રોન ગ્રાઉન્ડ વોર દરમિયાન સેના માટે પરફેક્ટ હથિયાર તરીકે કામ કરશે. આ ડ્રોન ચાર હેલફાયર મિસાઈલ અને 450 કિલો સુધીના બોમ્બ લઈ જવા માટે સક્ષમ છે.

આ પણ વાંચો---Video : 'અમારી કોઈ સાથે દુશ્મની નથી, અમે યુદ્ધ ત્યારે જ લડ્યા જ્યારે...' - Rajnath Singh