Ratam Tata : જો ભારત-ચીન યુદ્ધ ન થયું હોત તો ટાટાના લગ્ન થયા હોત

• દેશના અગ્રણી ઉદ્યોગપતિ રતન ટાટાનું મુંબઈની બ્રીચ કેન્ડી હોસ્પિટલમાં નિધન
• આ 86 વર્ષના બિઝનેસમેન વિશે કેટલીક રસપ્રદ વાતો
• પિતા સાથે હતા ઘણી બાબતોમાં હતા મતભેદ
• જો ભારત-ચીન યુદ્ધ ન થયું હોત તો ટાટાના લગ્ન થયા હોત
• રતન ટાટા નિવૃત્તિ નીતિ લઈને આવ્યા

Ratam Tata Passed Away : દેશના અગ્રણી ઉદ્યોગપતિ રતન ટાટાનું મુંબઈની બ્રીચ કેન્ડી હોસ્પિટલમાં નિધન (Ratam Tata passed away) થયું છે. તેમના ચેકઅપ માટે તેમને હોસ્પિટલમાં દાખલ કરવામાં આવ્યા હતા. અગાઉ ટાટાએ એક નિવેદન જારી કરીને કહ્યું હતું કે તેમની તબિયત સારી છે અને ચિંતા કરવાની કોઈ જરૂર નથી.

રતન ટાટાને કોઈ પરિચયની જરૂર નથી

આમ તો રતન ટાટાને કોઈ પરિચયની જરૂર નથી. ઉદ્યોગપતિ, ઉદ્યોગસાહસિક અને ટાટા સન્સના માનદ અધ્યક્ષ તેમના સારા કાર્યો માટે જાણીતા છે. આ 86 વર્ષના બિઝનેસમેન વિશે કેટલીક રસપ્રદ અને આવી ઘણી વાતો છે, જેના વિશે કદાચ તમે જાણતા નહીં હોવ.

તેઓ ચાર વખત લગ્ન કરવાની નજીક

રતન ટાટાના માતા-પિતા 1948માં અલગ થઈ ગયા જ્યારે તેઓ માત્ર દસ વર્ષના હતા અને તેથી તેમનો ઉછેર તેમના દાદી નવાઝબાઈ ટાટા દ્વારા થયો હતો. તમને જણાવી દઈએ કે રતન ટાટા અપરિણીત હતા. એ નોંધવું રસપ્રદ છે કે તેઓ ચાર વખત લગ્ન કરવાની નજીક આવ્યા હતા, પરંતુ વિવિધ કારણોસર તેમ કરી શક્યા ન હતા.

આ પણ વાંચો---Ratan Tata એ જીવનના અંતિમ દિવસોમાં આ શોખ અપનાવ્યા હતાં, જાણો...

પિતા સાથે હતા મતભેદ

રતન ટાટાએ 'હ્યુમન્સ ઓફ બોમ્બે'ને આપેલા ઈન્ટરવ્યુમાં પિતા સાથેના મતભેદોનો ખુલ્લેઆમ ઉલ્લેખ કર્યો હતો. તેઓ તેમના પિતા નવલ ટાટાની બહુ નજીક નહોતા, બંને વચ્ચે ઘણી બાબતો પર મતભેદ હતા. તે બાળપણમાં વાયોલિન શીખવા માંગતા હતા, પરંતુ તેમના પિતા ઇચ્છતા હતા કે તે પિયાનો શીખે. આ અંગે બંને વચ્ચે મતભેદ હતો. આ સિવાય ટાટા ઈચ્છતા હતા કે તે અમેરિકા ભણવા જાય, જ્યારે તેમના પિતા તેમને બ્રિટન મોકલવા માંગતા હતા. ટાટા પોતે આર્કિટેક્ટ બનવા માંગતા હતા, પરંતુ તેમના પિતાએ એન્જિનિયર બનવાનો આગ્રહ રાખ્યો હતો.

જો ભારત-ચીન યુદ્ધ ન થયું હોત તો ટાટાના લગ્ન થયા હોત

તેમણે એકવાર સ્વીકાર્યું હતું કે એક સમય એવો હતો જ્યારે તેઓ લોસ એન્જલસમાં કામ કરતા હતા, ત્યારે તેમને પ્રેમ થઇ ગયો હતો પરંતુ 1962ના ભારત-ચીન યુદ્ધને કારણે છોકરીના માતા-પિતા તેને ભારત મોકલવાના વિરોધમાં હતા. જે પછી તેમણે ક્યારેય લગ્ન ના કર્યા. ત્યાર બાદ રતન ટાટા બિઝનેસની દુનિયામાં ડૂબી ગયા અને પછી તેમના અંગત જીવન વિશે વિચારવાનો મોકો ન મળ્યો.

આ પણ વાંચો---Ratan Tata ની અમેરિકામાં રહેતી પ્રેમિકાના નામ સાથે પ્રેમ ગાથા વિશે જાણો

ચેરમેન બનતાની સાથે જ 3 લોકોને કંપનીમાંથી રવાના કર્યા

વર્ષ 1991માં રતન ટાટા પ્રથમ વખત ટાટા સન્સના ચેરમેન બન્યા. આ પહેલા જેઆરડી ટાટા કંપનીના ચેરમેન હતા. જેઆરડીએ કંપનીની સંપૂર્ણ કમાન્ડ માત્ર ત્રણ લોકોને આપી હતી. આ ત્રણેય બધા નિર્ણયો લેતા હતા. જ્યારે રતન ટાટા ચેરમેન બન્યા ત્યારે તેમણે સૌથી પહેલું કામ આ ત્રણને હટાવીને કંપનીનું નેતૃત્વ બદલવાનું નક્કી કર્યું. તેમને લાગ્યું કે ત્રણેય જણે કંપનીનો કબજો લઈ લીધો છે.

રતન ટાટા નિવૃત્તિ નીતિ લઈને આવ્યા

રતન ટાટા નિવૃત્તિ નીતિ લઈને આવ્યા. જે અંતર્ગત કોઈપણ ડિરેક્ટરને 75 વર્ષની ઉંમર બાદ કંપનીના બોર્ડમાંથી હટાવવાનું રહેશે. આ નીતિના અમલ પછી, પ્રથમ ત્રણે ત્યાગ કરવો પડ્યો.

2009માં તેમણે સૌથી સસ્તી કાર બનાવવાનું વચન આપ્યું

તમને જણાવી દઈએ કે 2009માં તેમણે સૌથી સસ્તી કાર બનાવવાનું વચન આપ્યું હતું જેને ભારતનો મધ્યમ વર્ગ ખરીદી શકે. તેમણે પોતાનું વચન પાળ્યું અને 1 લાખમાં ટાટા નેનો લોન્ચ કરી. તેઓ તેમના ચેરિટી માટે પણ જાણીતા હતા તેમના નેતૃત્વ હેઠળ, ટાટા ગ્રૂપે ભારતમાં સ્નાતક વિદ્યાર્થીઓને નાણાકીય સહાય પૂરી પાડવા માટે કોર્નેલ યુનિવર્સિટી ખાતે $28 મિલિયનનું ટાટા શિષ્યવૃત્તિ ફંડ શરૂ કર્યું.

આ પણ વાંચો---PM મોદીએ Ratan Tata ના નિધન પર શોક વ્યક્ત કર્યું, સન્માનમાં કહી આ મોટી વાત