Helicopter Crash : પુણેમાં મોટી દુર્ઘટના, મુંબઈથી હૈદરાબાદ જતું હેલિકોપ્ટર ક્રેશ, 4 લોકોની હાલત ગંભીર...

1. પુણેમાં હેલિકોપ્ટર ક્રેશ
2. હેલિકોપ્ટર ક્રેશનો વીડિયો વાયરલ
3. હેલિકોપ્ટર મુંબઈથી હૈદરાબાદ જતું હતું

મહારાષ્ટ્રના પુણેમાં એક મોટી દુર્ઘટના સામે આવી છે. અહીં એક હેલિકોપ્ટર ક્રેશ (Helicopter Crash)નો મામલો સામે આવ્યો છે. કહેવામાં આવી રહ્યું છે કે ટેક્નિકલ ખામીના કારણે આ હેલિકોપ્ટર ક્રેશ (Helicopter Crash) થયું છે. જિલ્લામાં હવામાન પણ ખરાબ છે. વિસ્તારમાં સતત વરસાદ પડી રહ્યો છે. એવું કહેવામાં આવી રહ્યું છે કે ક્રેશ થયેલું હેલિકોપ્ટર ગ્લોબલ એવિએશન કંપનીનું છે. આ હેલિકોપ્ટરમાં પાયલટની સાથે અન્ય ત્રણ લોકો પણ હતા. જણાવવામાં આવી રહ્યું છે કે આ હેલિકોપ્ટરમાં 4 લોકો હતા, જેમાંથી બે લોકો ગંભીર રીતે ઘાયલ છે. ઘાયલોને સારવાર માટે હોસ્પિટલમાં લઈ જવામાં આવી રહ્યા છે.

આ પણ વાંચો : Assam: દુષ્કર્મ કરનારાને કબ્રસ્તાનમાં પણ સ્થાન ના આપવાનો ગ્રામજનોનો નિર્ણય...

હેલિકોપ્ટર ક્રેશનો વીડિયો સામે આવ્યો...

તમને જણાવી દઈએ કે હેલિકોપ્ટર ક્રેશ (Helicopter Crash)નો એક વીડિયો પણ સામે આવ્યો છે. ખરેખર, નજીકમાં હાજર લોકોએ હેલિકોપ્ટર ક્રેશ (Helicopter Crash)નો વીડિયો બનાવ્યો હતો. આ વીડિયો હવે સામે આવ્યો છે, જેમાં હેલિકોપ્ટર ક્રેશ (Helicopter Crash) થતું જોઈ શકાય છે. વીડિયોમાં હેલિકોપ્ટર એક જગ્યાએ બેકાબૂ રીતે ફરતું જોવા મળે છે. થોડા સમય પછી હેલિકોપ્ટર જમીન પર ક્રેશ થાય છે અને વીડિયો પણ ખતમ થઈ જાય છે. અન્ય એક વીડિયોમાં પોલીસકર્મીઓ સાથે સ્થાનિક લોકો ઘટનાસ્થળે જોઈ શકાય છે. જ્યાં હેલિકોપ્ટર ક્ષતિગ્રસ્ત હાલતમાં પડેલું છે.

આ પણ વાંચો : યુક્રેન અને પોલેન્ડની મહત્વપૂર્ણ યાત્રાથી દેશ પરત ફર્યા PM MODI

હેલિકોપ્ટર મુંબઈથી હૈદરાબાદ જઈ રહ્યું હતું...

કહેવામાં આવી રહ્યું છે કે, આ દુર્ઘટના પુણેના પૌડી વિસ્તારમાં થઈ હતી. દુર્ઘટનાગ્રસ્ત હેલિકોપ્ટરનો નંબર AW 139 હોવાનું કહેવાય છે. આ હેલિકોપ્ટરમાં કેપ્ટન આનંદ, ધીર ભાટિયા, અમરદીપ સિંહ, એસપી રામ હાજર હતા. અકસ્માત બાદ સ્થાનિક લોકોની મદદથી કેપ્ટન આનંદને ઈજાગ્રસ્ત હાલતમાં હોસ્પિટલમાં લઈ જવામાં આવ્યો હતો. કહેવામાં આવી રહ્યું છે કે આ હેલિકોપ્ટર આજે બપોરે મુંબઈના જુહુથી ટેકઓફ થયું હતું, જે હૈદરાબાદ જવાનું હતું. જોકે આ હેલિકોપ્ટર પુણેમાં જ ટેકનિકલ કારણોસર ક્રેશ થયું હતું.

આ પણ વાંચો : Amritsar: હુમલાખોરોને બાળકો હાથ જોડી કરગરતા રહ્યા પણ...જુઓ Video