Cyclone System : ચક્રવાતી સિસ્ટમે ચોમાસાની વિદાય પાછી ઠેલી, આજે 9 રાજ્યોમાં ભારે વરસાદની ચેતવણી
- બંગાળની ખાડીમાં લો પ્રેશર સાયક્લોનિક સરક્યુલેશનની રચનાને કારણે હવામાનની સ્થિતિ બગડી
- સપ્ટેમ્બર મહિનામાં સતત ચોથી વખત આટલી મજબૂત સાયક્લોનિક સિસ્ટમ બની
- ચોમાસું હવે ઓક્ટોબરના પ્રથમ સપ્તાહ પછી જ વિદાય લે તેવી સંભાવના
- આજે રાત સુધી 7 રાજ્યોમાં અતિ ભારે વરસાદની સંભાવના છે.
- 9 રાજ્યોમાં ભારે વરસાદ થઈ શકે
Cyclone System : ચોમાસાની વિદાય લેવાની ઘડીઓ છે, પરંતુ જતા જતા પણ ચોમાસું ઉગ્ર સ્વરૂપમાં જોવા મળી રહ્યું છે. બંગાળની ખાડીમાં લો પ્રેશર સાયક્લોનિક સરક્યુલેશનની રચનાને કારણે હવામાનની સ્થિતિ કઠોર બની રહી છે. સપ્ટેમ્બર મહિનામાં સતત ચોથી વખત આટલી મજબૂત સાયક્લોનિક સિસ્ટમ (Cyclone System) બની રહી છે, જેથી ચોમાસું હવે ઓક્ટોબરના પ્રથમ સપ્તાહ પછી જ વિદાય લે તેવી સંભાવના છે
ચક્રવાતી તોફાન આગામી 12 કલાકમાં એકદમ સક્રિય થવાની સંભાવના
દેશભરમાં આવતા સપ્તાહ સુધી હવામાન આવું જ રહેશે. આજે પણ હવામાન વિભાગ (IMD) એ ચક્રવાતી તોફાન આગામી 12 કલાકમાં એકદમ સક્રિય થવાની સંભાવના વ્યક્ત કરી છે. આજે રાત સુધી 7 રાજ્યોમાં અતિ ભારે વરસાદની સંભાવના છે. 9 રાજ્યોમાં ભારે વરસાદ થઈ શકે છે. પહાડી રાજ્યોમાં પણ વરસાદનું એલર્ટ રહેશે.
Rainfall Warning : 27th September 2024
वर्षा की चेतावनी : 27th सितंबर 2024 #rainfallwarning #IMDWeatherUpdate #stayalert #staysafe #konkan #goa #Gujarat #Maharashtra #ArunachalPradesh #WestBengal #bihar #assam #meghalaya #sikkim #Jharkhand #Uttarakhand #UttarPradesh… pic.twitter.com/HGuY4QUnEt— India Meteorological Department (@Indiametdept) September 26, 2024
આ પણ વાંચો---Heavy Rain Forecast : 4 જિલ્લામાં ભારે તો 3 જિલ્લામાં અતિભારે વરસાદની આગાહી
મહારાષ્ટ્ર, ગુજરાત અને કોંકણમાં ભારે વરસાદ
હવામાન વિભાગના જણાવ્યા અનુસાર, ચક્રવાતી પરિભ્રમણ બંગાળની ખાડીથી ઉત્તરી બાંગ્લાદેશ સુધી વિસ્તરી રહ્યું છે, જેના કારણે મહારાષ્ટ્ર, ગુજરાત અને કોંકણમાં ભારે વરસાદ થઈ રહ્યો છે. આ વરસાદની અસર સમગ્ર દેશમાં થઈ રહી છે. દિલ્હીમાં આજે સવારે જોરદાર પવન ફૂંકાયો હતો અને આકાશ ગાઢ કાળા વાદળોથી ઢંકાઈ ગયું હતું. જો કે ભારે વરસાદની કોઈ ચેતવણી નથી પરંતુ આજે ગાજવીજ સાથે હળવો વરસાદ પડી શકે છે.
Rainfall Warning : 28th September 2024
वर्षा की चेतावनी : 28th सितंबर 2024#rainfallwarning #IMDWeatherUpdate #stayalert #staysafe #konkan #goa #Gujarat #Maharashtra #ArunachalPradesh #WestBengal #bihar #assam #meghalaya #sikkim #Jharkhand #Uttarakhand #UttarPradesh… pic.twitter.com/OEM6RbF3YH— India Meteorological Department (@Indiametdept) September 26, 2024
મહારાષ્ટ્રમાં આજે પણ વરસાદનું એલર્ટ
હવામાન વિભાગના એલર્ટ મુજબ મહારાષ્ટ્રમાં આજે પણ વરસાદથી રાહત મળવાની નથી. આજે થાણેમાં યલો એલર્ટ, રાયગઢ જિલ્લામાં યલો એલર્ટ અને મુંબઈમાં રેડ એલર્ટ રહેશે. પાલઘર અને નાસિકમાં પણ જોરદાર પવન અને વાદળો ગાજવીજ સાથે જોવા મળશે. મુંબઈમાં બુધવાર અને ગુરુવારે વરસાદના કારણે જનજીવન અસ્તવ્યસ્ત થઈ ગયું હતું. શાળા-કોલેજો બંધ રાખવાની ફરજ પડી હતી. ટ્રેન અને ફ્લાઈટના રૂટ બદલવા પડ્યા હતા.
Rainfall Warning : 29th to 02nd October 2024
वर्षा की चेतावनी : 29th से 02nd अक्टूबर 2024#rainfallwarning #IMDWeatherUpdate #stayalert #staysafe #Nagaland #Manipur #Mizoram #tripura #assam #meghalaya #Odisha #AndhraPradesh #Chhattisgarh #RayalaSeema #karnataka #Maharashtra… pic.twitter.com/Q04zBh7fkh— India Meteorological Department (@Indiametdept) September 26, 2024
આ રાજ્યોમાં આજે વરસાદ પડશે
હવામાન વિભાગના જણાવ્યા અનુસાર, આજે ગુજરાત, ઉપ-હિમાલયન પશ્ચિમ બંગાળ, સિક્કિમ, બિહાર, પૂર્વી ઉત્તર પ્રદેશ, કોંકણ, ગોવા, મધ્ય મહારાષ્ટ્ર અને ઉત્તરાખંડમાં ભારે વરસાદ પડશે. આસામ, મેઘાલય, અરુણાચલ પ્રદેશ, પશ્ચિમ મધ્ય પ્રદેશ, નાગાલેન્ડ, મણિપુર, મિઝોરમ, ત્રિપુરા અને ઝારખંડમાં ભારે વરસાદની સંભાવના છે. આ સિવાય ઓડિશા, છત્તીસગઢ, હિમાચલ પ્રદેશ, કોસ્ટલ કર્ણાટક, પંજાબના ભાગો, ઉત્તર હરિયાણા, પૂર્વ રાજસ્થાન, તમિલનાડુમાં હળવોથી મધ્યમ વરસાદ પડી શકે છે. જમ્મુ-કાશ્મીર, લદ્દાખ, દિલ્હી, કેરળ અને લક્ષદ્વીપમાં હળવો વરસાદ પડી શકે છે.
આ પણ વાંચો---Heavy Rain: તેલંગાણા અને આંધ્રપ્રદેશમાં પૂરનો પ્રકોપ! 31 લોકોનાં મોત,432 ટ્રેનો રદ્દ