Haryana Violence : નૂહ એસપીની બદલી, હરિયાણાના 5 જિલ્લામાં 93 FIR, અત્યાર સુધીમાં 176 ની ધરપકડ
હરિયાણામાં હિંસાના આરોપીઓ સામે પોલીસે કાર્યવાહી તેજ કરી છે. અત્યાર સુધીમાં 5 જિલ્લામાં 93 FIR નોંધાઈ છે. 176 લોકોની ધરપકડ કરવામાં આવી છે. એકલા નૂહમાં 46 એફઆઈઆર નોંધાઈ છે. સોમવારે નૂહમાં નિકળેલા સરઘસ પર પથ્થરમારો થયા બાદ જ બે સમુદાયો વચ્ચે હિંસા ફાટી નીકળી હતી. આ સિવાય નૂહના એસપી વરુણ સિંગલાની પણ બદલી કરવામાં આવી છે. શોભાયાત્રા પહેલા વરુણ સિંગલા રજા પર ઉતરી ગયા હતા. તેમની જગ્યાએ નરેન્દ્ર બિજરનિયા નવા એસપી બનશે.
Nuh SP transferred after incidents of violence, replaced by his Bhiwani counterpart
Read @ANI Story | https://t.co/VcESjhlZnv#NuhViolence #SPTransfer #Haryana pic.twitter.com/Mcf9NLBeqe
— ANI Digital (@ani_digital) August 4, 2023
પોલીસે સોશિયલ મીડિયા પર સર્ક્યુલેટ થયેલા 2300 વીડિયોની ઓળખ કરી છે. પોલીસનું માનવું છે કે આ વીડિયોએ હિંસા ભડકાવવામાં મહત્વની ભૂમિકા ભજવી હતી.
ક્યાં કેટલી FIR?
| નૂહ | 46 |
| ફરીદાબાદ | 3 |
| ગુરુગ્રામ | 23 |
| પલવલ | 18 |
| રેવાડી | 3 |
| ધરપકડ | 176 |
સોશિયલ મીડિયા પર ઉશ્કેરણી કરનારાઓ પર કાર્યવાહી
નૂહ પોલીસે તણાવ ફેલાવતા સોશિયલ મીડિયા એકાઉન્ટ્સ પર પણ કાર્યવાહી શરૂ કરી છે. પોલીસે આ મામલે 7 FIR નોંધી છે. આમાંથી ત્રણ શાહિદ, આદિલ ખાન મન્નાકા અને શાયર ગુરુ ઘંટાલ નામના યુઝર્સ પર કરવામાં આવ્યા છે. FIR મુજબ, શાહિદ નામના યુઝરે 5 પોસ્ટ કરી હતી. જ્યારે એક આદિલ અને દો શાયર ગુરુ ઘંટાલ દ્વારા કરવામાં આવ્યા હતા, પોલીસ માને છે કે તેણે હિંસા ભડકાવવામાં મુખ્ય ભૂમિકા ભજવી હતી. પોલીસે સોશિયલ મીડિયા પર પોસ્ટને લઈને કલમ-153, 153 A, 295 A, 298, 504, 109 અને 292 હેઠળ FIR દાખલ કરી છે. જોકે, પોલીસે હજુ સુધી એ ખુલાસો કર્યો નથી કે શાયર ગુરુ ઘંટાલ નામનું એકાઉન્ટ કોણ ચલાવતું હતું. પોલીસ આવા લગભગ 2300 વીડિયોની તપાસ કરી રહી છે, જે હિંસા ફેલાવવા માટે જવાબદાર હોવાનું માનવામાં આવે છે.
#WATCH | Increased security maintained in Haryana's Nuh amid curfew imposed after violent clashes between two groups on July 31 pic.twitter.com/CNB4KKaTCr
— ANI (@ANI) August 4, 2023
હરિયાણામાં અર્ધલશ્કરી દળોની 24 ટૂકડીઓ તૈનાત
હરિયાણા સરકારના ગૃહના અધિક મુખ્ય સચિવ ટીવીએસએન પ્રસાદે લોકોને ખાતરી આપી કે અસરગ્રસ્ત વિસ્તારોમાં સ્થિતિ ઝડપથી સામાન્ય થઈ રહી છે. આ વિસ્તારોમાં છૂટાછવાયા પ્રવૃતિઓનો સામનો કરવામાં આવી રહ્યો છે, તેમણે કહ્યું કે, સરકાર પર્યાપ્ત દળો સાથે સંપૂર્ણ રીતે તૈયાર છે. તેમણે કહ્યું કે રાજ્યભરમાં અર્ધલશ્કરી દળોની 24 ટૂકડીઓ તૈનાત છે. નૂહમાં કર્ફ્યુ ચાલુ છે. આ સિવાય ઇન્ટરનેટ પણ બંધ છે. નૂહ સિવાય ફરીદાબાદ, પલવલ, સોહના, પટૌડી અને ગુરુગ્રામના માનેસરમાં ઇન્ટરનેટ પર પ્રતિબંધ લગાવી દેવામાં આવ્યો છે. તે જ સમયે, નૂહ, સોહના અને ગુરુગ્રામમાં મુસ્લિમ સમુદાયે ઘરે જ નમાઝ અદા કરવાનો નિર્ણય લીધો છે.
#WATCH | Security strengthened in Haryana's Nuh as curfew is imposed here following clashes between two groups on July 31.
Mobile internet services have also been temporarily suspended in the district. pic.twitter.com/k2qRN5YMmX
— ANI (@ANI) August 4, 2023
નૂહમાં જુલૂસ દરમિયાન હિંસા ફેલાઈ હતી
હરિયાણાના મેવાત-નૂહમાં 31મી જુલાઈએ બ્રિજ મંડળ યાત્રા કાઢવામાં આવી હતી. આ દરમિયાન યાત્રા પર પથ્થરમારો થયો હતો. થોડા જ સમયમાં તે બે સમુદાયો વચ્ચે હિંસામાં ફેરવાઈ ગયું. સેંકડો કારને આગ ચાંપવામાં આવી હતી. સાયબર પોલીસ સ્ટેશન પર પણ હુમલો કરવામાં આવ્યો હતો. બદમાશોએ પોલીસકર્મીઓ પર પણ હુમલો કર્યો હતો. નૂહ બાદ સોહનામાં પણ પથ્થરમારો અને ગોળીબાર થયો હતો. વાહનોને આગ ચાંપવામાં આવી હતી. આ પછી હિંસાની આગ નૂહથી ફરીદાબાદ-ગુરુગ્રામ સુધી ફેલાઈ ગઈ. નૂહ હિંસામાં બે હોમગાર્ડ સહિત 6 લોકોના મોત થયા છે.
આ પણ વાંચો : Uttar Pradesh : નોઇડામાં હાઈરાઈઝ સોસાયટીમાં લિફ્ટ તૂટી પડી, અંદર ફસાયેલી મહિલાનું મોત