South Delhiમાં ગેંગવોર...? અંધાધૂંધ ફાયરિંગ કરી જિમ માલિકને ઉડાવી દેવાયો....

• દક્ષિણ દિલ્હીના પોશ વિસ્તાર ગ્રેટર કૈલાશ પાર્ટ 1માં ગઈકાલે રાત્રે થયેલા ગોળીબારમાં જિમ માલિકની હત્યા
• હત્યા કરાયેલ વ્યક્તિનું નામ નાદિર શાહ હોવાનું કહેવાય છે જે અફઘાન મૂળનો છે
• નાદિરનું રોહિત ચૌધરી ગેંગ સાથે કનેક્શન
• શું રોહિત ગોદારા ગેંગે હત્યા કરાવી ?

South Delhi : દક્ષિણ દિલ્હી (South Delhi)ના પોશ વિસ્તાર ગ્રેટર કૈલાશ પાર્ટ 1માં ગઈકાલે રાત્રે થયેલા ગોળીબારમાં અફઘાન મૂળના જિમ માલિકનું મોત થયું હતું. હત્યા કરાયેલ વ્યક્તિનું નામ નાદિર શાહ હોવાનું કહેવાય છે જે અફઘાન મૂળનો છે. પોલીસને ગ્રેટર કૈલાશમાં લગભગ 6 થી 8 રાઉન્ડ ફાયરિંગની માહિતી મળી હતી. નાદિરને ઈજાગ્રસ્ત હાલતમાં હોસ્પિટલમાં લઈ જવામાં આવ્યો, જ્યાં તેને મૃત જાહેર કરવામાં આવ્યો.

નાદિરનું રોહિત ચૌધરી ગેંગ સાથે કનેક્શન

શરૂઆતમાં પોલીસને લાગે છે કે આ ગેંગ વોર સંબંધિત મામલો છે. નાદિરનો દુબઈમાં પણ બિઝનેસ છે, જ્યાં તેની સામે કેટલાક ગુનાહિત કેસ નોંધાયેલા છે. નાદિર રોહિત ચૌધરી ગેંગ સાથે સંકળાયેલો હોવાનું કહેવાય છે. રોહિત ચૌધરી ગેંગ લોરેન્સ વિશ્નોઈની હરીફ ગેંગ છે. પોલીસ ટીમ સ્થળ પર તપાસ કરી રહી છે. એવું પણ કહેવામાં આવી રહ્યું છે કે નાદિર શાહ પોલીસને પણ માહિતી આપતો હતો અને તે બદમાશો સાથે પણ લેવડદેવડ કરતો હતો. એવું પણ કહેવામાં આવી રહ્યું છે કે દિલ્હી પોલીસમાં ઘણા અધિકારીઓ તેના મિત્રો છે.

આ પણ વાંચો---Murder Mystery : ઘરમાં પડેલી 5 લાશ...કાતિલ કોણ....?

હુમલાખોરોએ નાદિરની હત્યા કેવી રીતે કરી?

નાદિર સફેદ ટી-શર્ટ પહેરીને રાત્રે જિમની બહાર ઊભો હતો. ત્યારે લગભગ 10:40 વાગ્યે એક યુવક ત્યાં ચેક શર્ટ પહેરીને આવ્યો હતો અને નાદિર પર ઘણા રાઉન્ડ ફાયર કર્યા હતા. અંધાધૂંધ ગોળીબારમાં નાદિર ગંભીર રીતે ઘાયલ થાયો હતો જે બાદ માહિતી મળતા તેને હોસ્પિટલ લઈ જવામાં આવ્યો હતો. જ્યાં તેને મૃત જાહેર કરવામાં આવ્યો હતો.

શું રોહિત ગોદારા ગેંગે હત્યા કરાવી ?

સોશિયલ મીડિયા પર એક પોસ્ટ પણ વાયરલ થઈ રહી છે, જેમાં નાદિર શાહની હત્યાની જવાબદારી લેવામાં આવી છે. રોહિત ગોદારાના નામે એક પોસ્ટ લખવામાં આવી છે જેમાં લખ્યું છે કે, રોહિત ગોદારા બિકાનેર ગોલ્ડી બ્રાર, નાદિરની હત્યા જે આજે દિલ્હીમાં થઈ હતી, અમે તેને કરાવી છે. તિહારમાં અમારો ભાઈ કોણ છે. સમીર બાબાભાઈનો મેસેજ આવ્યો હતો કે તે આપણા દુશ્મનો સાથે હાથ મિલાવીને આપણા ધંધામાં અડચણરૂપ બની રહ્યો છે. એટલા માટે અમે તેને મારી નાખ્યો. જે કોઈ પણ આપણા દુશ્મનોને ટેકો આપે છે તેની સાથે પણ આવું જ થશે.

ફોરેન્સિક ટીમે સ્થળ તપાસ કરી હતી

દિલ્હી પોલીસના જણાવ્યા અનુસાર, બાઇક પર સવાર બે હુમલાખોરોએ જીમ સંચાલક નાદિર શાહ પર અનેક રાઉન્ડ ફાયરિંગ કર્યું હતું. આ ઘટના બાદ દિલ્હી પોલીસના ઉચ્ચ અધિકારીઓ ઘટનાસ્થળે પહોંચી ગયા હતા. દિલ્હી પોલીસની ફોરેન્સિક ટીમ ઘટનાસ્થળે પહોંચી, ઘટના સ્થળનું નિરીક્ષણ કર્યું અને પુરાવા એકત્ર કર્યા છે.

હત્યારા હજુ પણ પોલીસની પહોંચની બહાર

દક્ષિણ દિલ્હીના ડીસીપી અંકિત ચૌહાણે જણાવ્યું કે હત્યાની આ ઘટના ગ્રેટર કૈલાશમાં 10.45 વાગ્યે બની હતી. પોલીસને પીસીઆર કોલ દ્વારા આ ઘટનાની માહિતી મળી હતી. બાઇક સવાર હુમલાખોરોએ સાતથી આઠ રાઉન્ડ ફાયરિંગ કર્યું હતું. પોલીસે જીમ સંચાલકની હત્યાના આરોપીને પકડવા માટે પાંચ ટીમો બનાવી છે. દિલ્હી પોલીસ ખૂબ જ જલ્દી હત્યારાઓને પકડવાનો પ્રયાસ કરી રહી છે, પરંતુ હજુ સુધી પોલીસ કોઈની ધરપકડ કરી શકી નથી. મૃતકની ઓળખ નાદિર શાહ તરીકે થઈ છે. તે ભાગીદારીના આધારે જીમ ચલાવતો હતો.

આ પણ વાંચો---Renuka Swamy murder case : પવિત્રા સહિત 2 અભિનેત્રીને અશ્લિલ મેસેજ મોકલતો....