ગુજરાતના પ્રથમ વર્ચ્યુઅલ ટ્રાફિક કોર્ટનો આજથી પ્રારંભ, વાહન માલિકને SMS થી અપાશે નોટિસ

ગુજરાત હાઇકોર્ટે એક નવતર પહેલ આજે હાથ ધરી છે.જેમાં ટ્રાફિક પોલીસ અને RTO નાં સાથે વન નેશન વન ચલન પ્રોજેક્ટનું સફળ સંકલન થયું છે ટ્રાફિક વિભાગ દ્વારા ફટકારવામાં આવતા ઈ મેમો માટે વર્ચ્યુઅલ ઈ કોર્ટની થી શરૂઆત કરવામાં આવી છે અમદાવાદ સહિતના શહેરોમાં ટ્રાફિક પોલીસ વિભાગ દ્વારા ટ્રાફિક નિયોમોનું પાલન ન કરવા બદલ વાહનચાલકોને ઈ-મેમો ફટકારવામાં આવે છે પરંતુ અમુક લોકો ઈ-મેમો ભરતા નથી .ત્યારે આ સ્થિતિ વચ્ચે રાજ્યમાં નવતર પહેલ કરવામાં આવી છે. સમગ્ર ગુજરાત રાજ્ય માટે વર્ચ્યુઅલ ટ્રાફિક કોર્ટની આજથી શરૂઆત કરવામાં આવી છે.સમગ્ર રાજ્યના ટ્રાફિક ચલન માટે અમદાવાદની મેટ્રોપોલિટીન કોર્ટ ખાતે વર્ચ્યુઅલ ટ્રાફિક કોર્ટની આજથી શરૂઆત કરવામાં આવી છે.

આ ઈ કોર્ટ અમલી બનતા હવે ટ્રાફિક નિયોમો તોડનાર  વાહનચાલકોને ઈ-મેમો ફટકાર્યા બાદ 90 દિવસ સુધી મુદત આપવામાં આવશે જેમાં નિર્ધારિત સમય મર્યાદા દંડની રકમ ચૂકવવા  માં નહિ આવે તો આપો આપ ટ્રાફિક કોર્ટમાં ચલણ મોકલવામાં આવશે. વાહન માલિકનાં મોબાઈલ નંબર પર SMS દ્વારા નોટિસ જશે.

વર્ચ્યુઅલ કોર્ટની લીંક ઈ કોર્ટ્સ ની વેબસાઇટ પર ઉપલબ્ધ હશે. જેમાં ડેબિટ કાર્ડ, ક્રેડિટ કાર્ડ, નેટબેન્કિંગ સહિતના પેમેન્ટ વિકલ્પો વાહનચાલકો માટે ઉપલબ્ધ રહેશે. ચલણ ઇશ્યૂ થયા બાદ જો કોઈ વ્યક્તિ કોર્ટમાં પોતાનો પક્ષ મૂકીને કેસ લડવા માંગતો હોય તો તેવા કિસ્સાઓમાં જે તે સંલગ્ન જિલ્લા કોર્ટમાં કેસને મોકલી આપવામાં આવશે,,, જ્યાં નિયમિત કાર્યવાહી થશે... હાલ આ પ્રોજેક્ટ ની શરૂઆત થવાથી અમદાવાદ રાજકોટ અને સુરત શહેરના રહીશો ને મોટી રાહત મળી છે.