દિલ્હી સરકારના પૂર્વ કેન્દ્રીય મંત્રી Satyendar Jain બાથરૂમમાં પડી ગયા, હોસ્પિટલમાં કરાયા દાખલ

તિહાર જેલમાં બંધ દિલ્હી સરકારના પૂર્વ કેન્દ્રીય મંત્રી સત્યેન્દ્ર જૈન (Satyendar Jain) ને હોસ્પિટલમાં દાખલ કરવામાં આવ્યા છે. કહેવામાં આવી રહ્યું છે કે, સત્યેન્દ્ર જૈનને ફરી એકવાર દીનદયાળ ઉપાધ્યાય હોસ્પિટલમાં દાખલ કરવામાં આવ્યા છે. મળતી માહિતી અનુસાર, તિહાર જેલના બાથરૂમમાં ચક્કર આવવાને કારણે સત્યેન્દ્ર જૈન પડી ગયા હતા.

સત્યેન્દ્ર જૈન હોસ્પિટલમાં દાખલ

જણાવી દઈએ કે, આ પહેલા પણ સત્યેન્દ્ર જૈન બાથરૂમમાં પડી ગયા હતા અને તેમને કરોડરજ્જુમાં ઈજા થઈ હતી. એક અઠવાડિયામાં આ બીજી વખત છે જ્યારે સત્યેન્દ્ર જૈનને હોસ્પિટલમાં દાખલ કરવા પડ્યા છે. છેલ્લા એક અઠવાડિયામાં આ બીજી વખત છે જ્યારે જૈનને સ્વાસ્થ્ય સંબંધિત ફરિયાદોને કારણે હોસ્પિટલમાં લઈ જવામાં આવ્યા છે. તાજેતરમાં AAP એ દાવો કર્યો હતો કે, જૈને ધરપકડ બાદ લગભગ 35 કિલો વજન ઘટાડ્યું હતું. સોમવારે કરોડરજ્જુની સમસ્યાને કારણે તિહાર જેલની ટીમ તેમને સફદરજંગ હોસ્પિટલમાં લઈ ગઈ હતી. ત્યાં તેમની તપાસ કરવામાં આવી. આ પછી તેમને પાછા જેલમાં મોકલી દેવામાં આવ્યા હતા. બીજી તરફ સફદરજંગમાંથી જૈનની એક તસવીર વાયરલ થઈ હતી, જેમાં તે ખૂબ જ નબળા દેખાઈ રહ્યા હતા. તેમની સાથે બે પોલીસકર્મીઓ પણ હતા.

Delhi | AAP leader Satyendar Jain felt dizzy and fell in the bathroom at Tihar Jail last night. He has been admitted to Deen Dayal Upadhyay Hospital: Aam Aadmi Party (AAP) Sources

— ANI (@ANI) May 25, 2023

દિલ્હીના મુખ્યમંત્રી કેજરીવાલે કર્યું ટ્વીટ

આ તસવીર ટ્વીટ કરીને દિલ્હીના મુખ્યમંત્રી કેજરીવાલે લખ્યું કે, હું ભગવાનને તેમના સારા સ્વાસ્થ્ય માટે પ્રાર્થના કરું છું. દિલ્હીની જનતા ભાજપનું ઘમંડ અને જુલમ જોઈ રહી છે. ભગવાન પણ આ અત્યાચારીઓને માફ નહીં કરે. તેમણે આગળ લખ્યું કે, આ સંઘર્ષમાં જનતા અને ભગવાન અમારી સાથે છે. અમે ભગતસિંહના અનુયાયીઓ છીએ. જુલમ, અન્યાય અને સરમુખત્યારશાહી સામે અમારી લડાઈ ચાલુ રહેશે.

ભાજપ તેમને મારી નાખવા માંગે છે : AAP

બીજી તરફ જૈનના હોસ્પિટલ ચેક-અપ દરમિયાન "અસ્વસ્થ અને નબળા" દર્શાવતા ફોટોગ્રાફ્સે આમ આદમી પાર્ટી (AAP) ની તીક્ષ્ણ પ્રતિક્રિયાઓ આપી હતી અને આરોપ લગાવ્યો હતો કે, ભારતીય જનતા પાર્ટી (BJP) તેમને "મારી નાખવા માંગે છે". પાર્ટીએ એક નિવેદનમાં જણાવ્યું હતું કે, “આજે સવારે સફદરજંગ હોસ્પિટલમાં લીધેલી તસવીરો હૃદયદ્રાવક છે કારણ કે તે જીવતા હાડપિંજરની જેમ અસ્વસ્થ અને નબળા દેખાતા હતા. તે ચાલવા માટે પણ સંઘર્ષ કરી રહ્યો હતો."

આ પણ વાંચો - 3 દેશોના પ્રવાસેથી પરત ફર્યા PM મોદીનું દિલ્હી એરપોર્ટ પર ઉમળકાભેર સ્વાગત, ભાજપના કાર્યકરો ઉમટી પડ્યા

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ