હિજાબ નહીં પહેરું... વિદ્યાર્થીનીએ ઉતાર્યા કપડાં, Iran ની યુનિવર્સિટીનો Video Viral
- હિજાબને લઈને Iran માં વિરોધ
- વિદ્યાર્થીનીએ કપડા ઉતારી કર્યો વિરોધ
- સોશિયલ મીડિયામાં Video Viral
હિજાબને ઇસ્લામમાં મહિલાઓના ડ્રેસ કોડનો એક મહત્વપૂર્ણ ભાગ માનવામાં આવે છે. જોકે, હિજાબનો વિરોધ અનેક દેશોમાં જોવા મળે છે. આ યાદીમાં ઈરાન (Iran)નું નામ પણ સામેલ છે. ઈરાનમાં મહિલાઓ લાંબા સમયથી હિજાબ પહેરવાનો વિરોધ કરી રહી છે. પરંતુ ઈરાન (Iran)માં મહિલાઓ માટે હિજાબ પહેરવું જરૂરી માનવામાં આવે છે. પરંતુ હદ ત્યારે થઈ ગઈ જ્યારે એક યુવતીએ હિજાબના વિરોધમાં પોતાના કપડા ઉતારી દીધા. ઈરાનની એક યુનિવર્સિટીનો એક વીડિયો (Video) સોશિયલ મીડિયા પર વાયરલ થઈ રહ્યો છે, જેમાં યુવતી ઓછા કપડા પહેરેલી જોવા મળી રહી છે. આ વીડિયો (Video)એ ઈસ્લામિક દેશો સહિત દુનિયાભરમાં હલચલ મચાવી દીધી છે.
વાયરલ વીડિયોએ સનસનાટી મચાવી...
ઓનલાઈન રિપોર્ટ્સ અનુસાર આ વીડિયો (Video) શનિવારનો છે. આ વિદ્યાર્થીનીએ દેશના કડક ઇસ્લામિક ડ્રેસ કોડનો વિરોધ કરીને શરમની તમામ હદો વટાવી દીધી છે. પોલીસે વિરોધ કરી રહેલી યુવતીને કસ્ટડીમાં લીધી છે. જોકે, આ વીડિયો (Video) સોશિયલ મીડિયામાં આગની જેમ ફેલાઈ ગયો છે. આ વીડિયો (Video)માં સ્પષ્ટપણે જોઈ શકાય છે કે એક મહિલા યુનિવર્સિટીની દિવાલ પર અર્ધ-નગ્ન અવસ્થામાં બેઠેલી જોવા મળી રહી છે.
When Iranian police attacked a girl at Tehran University for not following the hijab rule, she removed her clothing and sat in protest. She has since been arrested by IRGC intelligence and taken to an unknown location.
— Habib Khan (@HabibKhanT) November 2, 2024
યુનિવર્સિટીએ સ્પષ્ટતા કરી...
આ વીડિયો (Video)ને લઈને સોશિયલ મીડિયા પર અલગ-અલગ દાવા કરવામાં આવી રહ્યા છે. ઈરાન (Iran)ની ઈસ્લામિક આઝાદ યુનિવર્સિટીના પ્રવક્તા અમીર મહજોબનું કહેવું છે કે પોલીસે યુવતીની પૂછપરછ કરી છે, જેમાં જાણવા મળ્યું છે કે તે ગંભીર માનસિક દબાણથી પીડાઈ રહી છે અને મનોવિકૃતિ સાથે સંઘર્ષ કરી રહી છે.
આ પણ વાંચો : Pakistani અભિનેત્રી માટે પતિ બન્યો હેવાન....
વિદ્યાર્થીનીને માનસિક હોસ્પિટલમાં મોકલી...
સોશિયલ મીડિયા પર મોટાભાગના લોકોનો દાવો છે કે મહિલાએ હિજાબના વિરોધમાં તેના કપડા ઉતાર્યા છે. તેનું કહેવું છે કે મહિલાએ જાણી જોઈને તેના કપડા ઉતાર્યા હતા. ઈરાનમાં મહિલાઓ માટે હિજાબ પહેરવું ફરજિયાત છે. આ કાયદાનો વિરોધ કરતા મહિલાએ આવી પ્રતિક્રિયા આપી છે. જો કે, ઈરાની મીડિયા અનુસાર, મહિલાને આમ કરવા બદલ સખત સજા કરવામાં આવી છે. તેને માનસિક હોસ્પિટલમાં મોકલવામાં આવી છે.
આ પણ વાંચો : Canada માં ઝડપાયું સૌથી મોટું ડ્રગ્સ, ભારતીય મૂળના વ્યક્તિની ધરપકડ
2022 માં વિરોધ શરૂ થયો...
તમને જણાવી દઈએ કે, ઈરાનમાં છેલ્લા 2 વર્ષથી હિજાબનો વિરોધ થઈ રહ્યો છે. સપ્ટેમ્બર 2022 માં ઘણી મહિલાઓએ હિજાબનો બહિષ્કાર કર્યો હતો. આ દરમિયાન પોલીસે મહિલાઓની અટકાયત કરી હતી. આવી સ્થિતિમાં એક મહિલાનું મોત થયું હતું અને હિજાબના વિરોધે ઉગ્ર સ્વરૂપ ધારણ કર્યું હતું. પોલીસે આ વિરોધને ડામવા માટે કડક પગલાં લીધા હતા, જેમાં ઘણા લોકોના મોતના સમાચાર સામે આવ્યા હતા.
આ પણ વાંચો : Israel ના નૌકાદળના સૈનિકોએ વધુ એક Hezbollah ના ટોચના વ્યક્તિની કરી ધરપકડ