DGCA : એરલાઈન્સ સામે કડક કાર્યવાહી, કરોડોનો દંડ... Indigo સહિત યાદીમાં અનેક નામ...
ફ્લાઇટમાં વિલંબ થયા બાદ કેટલાક મુસાફરોએ મુંબઈ એરપોર્ટ પર રનવે પાસે બેસીને ભોજન લીધું હતું. હવે આ અંગે મોટી કાર્યવાહી કરવામાં આવી છે. હવે Indigo એ દંડ તરીકે 1.20 કરોડ રૂપિયા અને મુંબઈ એરપોર્ટને 90 લાખ રૂપિયા દંડ તરીકે ચૂકવવા પડશે. આ દંડ ડિરેક્ટોરેટ જનરલ ઓફ સિવિલ એવિએશન (DGCA) અને બ્યુરો ઓફ સિવિલ એવિએશન સિક્યુરિટી (BCAS) દ્વારા લગાવવામાં આવ્યો છે. આ સાથે બંનેને કારણ બતાવો નોટિસ પણ ફટકારવામાં આવી છે. Indigo પર લગાવવામાં આવેલો રૂ. 1.20 કરોડનો દંડ એ એરલાઈન પર લગાવવામાં આવેલો અત્યાર સુધીનો સૌથી મોટો દંડ છે.
રનવે પર બેસીને ખાવાનું ખાવાનો વીડિયો વાયરલ થયો હતો
તમને જણાવી દઈએ કે હાલમાં જ સોશિયલ મીડિયા પર એક વીડિયો વાયરલ થયો હતો, જેમાં મુંબઈ એરપોર્ટ પર Indigo ફ્લાઈટના રનવેની બહાર કેટલાક મુસાફરો જમીન પર બેસીને ભોજન કરી રહ્યા હતા. એવો આક્ષેપ કરવામાં આવ્યો હતો કે ધુમ્મસના કારણે ફ્લાઇટ મોડી પડી હતી અને બાદમાં મુસાફરોને રનવે પર બેસાડવામાં આવ્યા હતા અને તેમને ભોજન આપવામાં આવ્યું હતું. બાદમાં Indigo એ પણ આ મામલે માફી માંગી હતી. Indigo એ કહ્યું હતું કે મુસાફરો વાસ્તવમાં ફ્લાઈટથી દૂર જવા માંગતા ન હતા, જેના કારણે તેમને ત્યાં ભોજન પીરસવામાં આવ્યું હતું.
IndiGo penalised with a fine of Rs 1.20 Crore. https://t.co/xwwc8mMpcH
— ANI (@ANI) January 17, 2024
સ્પાઈસજેટ અને એર ઈન્ડિયા પર પણ દંડ
આ સિવાય DGCA એ સ્પીકજેટ અને એર ઈન્ડિયા પર પણ દંડ લગાવ્યો છે. બંનેને 30-30 લાખ રૂપિયા ચૂકવવાનું કહેવામાં આવ્યું છે. દિલ્હીમાં ધુમ્મસના કારણે તેમની ફ્લાઈટ્સ મોડી પડી હતી.
DGCA has imposed a penalty of Rs 30 lakh each on Air India and SpiceJet for failing to comply with instructions regarding rostering of pilots issued to airline operators vide minutes of meeting (MoM) on Low Visibility Operations and Fog Preparedness held in DGCA HQs on 06 Nov… pic.twitter.com/Teziot1byo
— ANI (@ANI) January 17, 2024
તેઓ ધુમ્મસ માટે તૈયાર ન હતા, તેથી જ DGCAએ તેમના પર દંડ ફટકાર્યો છે. આ એરલાઇન્સ પર ધુમ્મસના દિવસોમાં CAT III પ્રશિક્ષિત પાઇલટ્સને ફરજ પર નિયુક્ત ન કરવાનો આરોપ છે, જેમને ઓછા પ્રકાશમાં પણ ઉડાન ભરવાની તાલીમ આપવામાં આવે છે.
Video of passengers eating on the tarmac at Mumbai Airport | A total of Rs 90 Lakhs fine imposed on MIAL - Rs 60 lakhs by Bureau of Civil Aviation Security (BCAS) and Rs 30 lakhs by DGCA. https://t.co/vhanRbcC9d
— ANI (@ANI) January 17, 2024
કેન્દ્રીય નાગરિક ઉડ્ડયન મંત્રી મામલાની નોંધ લીધી હતી
કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયાએ પોતે આ મામલાની નોંધ લીધી હતી. તેઓએ Indigo અને મુંબઈ એરપોર્ટને કારણ બતાવો નોટિસ પાઠવી હતી. DGCA નું કહેવું છે કે કારણ બતાવો નોટિસનો જવાબ 17 જાન્યુઆરીએ મળ્યો હતો અને તે સંતોષકારક જણાયો ન હતો. DGCA એ જણાવ્યું હતું કે MIAL નો પ્રતિભાવ દર્શાવે છે કે તેઓ નિર્ધારિત સુરક્ષા જરૂરિયાતોનું પાલન કરવામાં નિષ્ફળ રહ્યા છે.
આ પણ વાંચો : HDFC Bank Share Price: Covid બાદ સૌથી વધુ ઘટાડો આવ્યો HDFC શેરમાં