Delhi Pollution : લોકોને શ્વાસ લેવામાં તકલીફ, આંખોમાં બળતરા, જાણો શરીર માટે કેટલું જોખમી છે?

1. Delhi ની હવા ફરી ઝેરી બની
2. 'ડેન્જરસ' કેટેગરીમાં AQI
3. AQI 500 ના આંકને પાર

દિવાળીના બીજા દિવસે, દિલ્હી (Delhi )ની હવાની ગુણવત્તામાં ઝડપી ઘટાડો થયો હતો. જેમાં ગતરોજ નજીવો સુધારો જોવા મળ્યો હતો. પરંતુ 3 નવેમ્બરની સવારે દિલ્હીની હવા ફરી ઝેરી બની ગઈ. દિલ્હી (Delhi )માં આજે સવારે AQI 500 થી ઉપર નોંધાયું હતું. વાયુ પ્રદૂષણનું સ્તર ખતરનાક 'જોખમી' સ્તર છે. આ પ્રકારની હવા દિલ્હી (Delhi ) અને તેની આસપાસના વિસ્તારોમાં રહેતા લોકોના સ્વાસ્થ્ય માટે હાનિકારક સાબિત થઈ શકે છે.

દિલ્હીનો AQI 507 પર પહોંચ્યો...

IQAir વેબસાઈટના ડેટા અનુસાર, રાષ્ટ્રીય રાજધાનીમાં ધુમ્મસનું જાડું પડ છવાયેલું છે. આ સમયગાળા દરમિયાન AQI 507 નોંધવામાં આવ્યો હતો. આ PM 2.5 સ્તર વિશ્વ આરોગ્ય સંસ્થા દ્વારા નિર્ધારિત મર્યાદા કરતા 65 ગણા વધુ ખતરનાક છે. 200 અને 300 ની વચ્ચેનો AQI 'ખરાબ' માનવામાં આવે છે, 301 અને 400 ની વચ્ચેને 'ખૂબ જ ખરાબ' ગણવામાં આવે છે, 401 અને 450 ની વચ્ચેને 'ગંભીર' અને 450 થી વધુને 'ગંભીર કરતાં વધુ' ગણવામાં આવે છે. જેના કારણે ત્યાં રહેતા લોકોને સ્વાસ્થ્ય સમસ્યાઓ થઈ શકે છે.

આ પણ વાંચો : Kedarnath Dham ના કપાટ આજથી 6 મહિના બંધ

છેલ્લા 12 કલાકમાં વધારો...

છેલ્લા 12 કલાકમાં દિલ્હી (Delhi )નો AQI 327 હતો, જે વધીને 507 થયો છે. શનિવારે રાત્રે 9 વાગ્યે દિલ્હીના મોટાભાગના વિસ્તારોમાં AQI 327 નોંધવામાં આવ્યું હતું. CPCB અનુસાર, રવિવારે સવારે 7 વાગ્યે દિલ્હીના આનંદ વિહારમાં AQI 427, અલીપુરમાં 373, જહાંગીરપુરીમાં 394, ચાંદની ચોકમાં 289, દ્વારકામાં 385, નજફગઢમાં 373 અને નરેલામાં 359 નોંધાયો હતો. દિલ્હી (Delhi ) ઉપરાંત NCR માં પણ AQI માં ઘટાડો જોવા મળ્યો હતો. નોઇડામાં AQI 287, ગાઝિયાબાદમાં AQI 355 અને વિકાસ સદન, ગુરુગ્રામમાં AQI 259 નોંધાયો હતો.

આ પણ વાંચો : Delhi: પ્લાસ્ટિકના ગોડાઉનમાં લાગી ભીષણ આગ, કોઈ જાનહાની થઈ નથી.

લોકોને શ્વાસની તકલીફ વધી...

દિવાળીના બીજા દિવસે સવારે પ્રદૂષણના કારણે લોકોને શ્વાસ લેવામાં તકલીફ પડી રહી હતી. કારણ કે આ સમયગાળા દરમિયાન AQI 350 થી વધુ નોંધવામાં આવ્યો હતો. સ્થાનિક વર્તુળોએ તાજેતરમાં એક સર્વે હાથ ધર્યો હતો, જેમાં જાણવા મળ્યું હતું કે, દિલ્હી (Delhi ) અને પડોશી NCR ના ઘણા વિસ્તારોમાં 21,000 લોકોમાંથી 69 ટકા લોકોએ અહેવાલ આપ્યો છે કે દરેક પરિવારમાં ઓછામાં ઓછા એક સભ્યને ગળામાં દુખાવો અને ઉધરસ જેવી શ્વાસની સમસ્યા છે. આ સિવાય 62 ટકા લોકોને ખરાબ હવાની ગુણવત્તાને કારણે આંખમાં બળતરાની સમસ્યા છે.

આ પણ વાંચો : Pawan Kalyan નું સનાતન ધર્મના રક્ષણ માટે મહત્વનું પગલું