Delhi : 'મેં તારી સૌથી કિંમતી વસ્તુ છીનવી લીધી...' 11 વર્ષના દિવ્યાંશની હત્યા કર્યા બાદ પૂજાએ તેના બોયફ્રેન્ડને ફોન કર્યો હતો
નવી દિલ્હીના ઈન્દ્રપુરી વિસ્તારમાં 11 વર્ષના દિવ્યાંશ ઉર્ફે બિટ્ટુની હત્યા કેસમાં નવો ખુલાસો થયો છે. હત્યારા પૂજાએ દિવ્યાંશના પિતા એટલે કે તેના પૂર્વ બોયફ્રેન્ડ જીતેન્દ્રને ફોન કર્યો અને કહ્યું- "મેં તમારી પાસેથી તમારી સૌથી કિંમતી વસ્તુ છીનવી લીધી છે.." લગભગ 300 CCTV કેમેરા અને 3 દિવસની મહેનત બાદ 11 વર્ષના બાળકની હત્યા કરનારી પૂજાની ધરપકડ કરવામાં આવી છે. 11 વર્ષના દિવ્યાંશનું ગળું દબાવીને હત્યા કરવામાં આવી હતી. હત્યા બાદ આરોપી પૂજાએ માસૂમના મૃતદેહને ઘરના પલંગમાં છુપાવી દીધો હતો.
પૂછપરછ દરમિયાન પૂજાએ પોલીસને જણાવ્યું કે તેના પ્રેમી જિતેન્દ્રની બેવફાઈથી નારાજ થઈને તેણે તેના માસૂમ પુત્રની હત્યા કરી નાખી. તે 2019થી દિવ્યાંશના પિતા જીતેન્દ્ર સાથે લિવ-ઈન રિલેશનશિપમાં હતી. જિતેન્દ્રએ પત્નીને છૂટાછેડા આપ્યા બાદ પૂજા સાથે લગ્ન કરવાનું વચન આપ્યું હતું. પરંતુ જીતેન્દ્રએ વર્ષ 2022માં પૂજાને છોડી દીધી અને પત્ની અને પુત્ર દિવ્યાંશ સાથે પાછા રહેવા લાગ્યો હતો.
#WATCH | Delhi Police arrested a woman, Pooja for killing an 11-year-old child in Inderpuri. Special CP of Delhi Police Crime Branch Ravinder Yadav says, "She says that she felt that Jitender (the deceased's father) had left her as he loved the child too much and that unless he… pic.twitter.com/MmAam7e7Lm
— ANI (@ANI) August 16, 2023
પ્રેમીને પાઠ ભણાવવા પુત્રની હત્યા
પૂજા આ વાતને લઈને તેના બોયફ્રેન્ડ જીતેન્દ્રથી નારાજ હતી અને તેને પાઠ ભણાવવા માંગતી હતી. પૂજાને લાગ્યું કે જિતેન્દ્રએ તેના પુત્ર દિવ્યાંશને કારણે તેની સાથે લગ્ન કરવાનો ઇનકાર કર્યો હતો. તે દિવ્યાંશને જિતેન્દ્ર અને પોતાની વચ્ચેનો કાંટો સમજવા લાગી. 10 ઓગસ્ટે પૂજાએ એક કોમન ફ્રેન્ડને ઈન્દ્રપુરીમાં જિતેન્દ્રના ઘરનું સરનામું પૂછ્યું અને જ્યારે તે ત્યાં પહોંચી ત્યારે ઘરનો દરવાજો ખુલ્લો હતો. માસૂમ દિવ્યાંશ પલંગ પર સૂતો હતો અને ઘરમાં કોઈ ન હતું ત્યારે પૂજાએ માસૂમનું ગળું દબાવી હત્યા કરી હતી અને લાશને તે જ પથારીમાં છુપાવીને ભાગી ગઈ હતી.
#WATCH | Delhi | CCTV visuals show accused Pooja in the Inderpuri area where she killed an 11-year-old child. She has been arrested by the Police.
(CCTV visuals: Delhi Police Crime Branch) pic.twitter.com/m94n5OTESe
— ANI (@ANI) August 16, 2023
300 CCTV કેમેરા, 3 દિવસની મહેનત બાદ પૂજા ઝડપાઈ
પોલીસે CCTV કેમેરા ફૂટેજની મદદથી પૂજાની ઓળખ કરી હતી. તે પછી, પૂજાને ટ્રેસ કરવા માટે, નજફગઢ-નાગલોઈ રોડ પરના રણહોલા, નિહાલ વિહાર અને રિશાલ ગાર્ડન વિસ્તારના લગભગ 300 CCTV કેમેરાના ફૂટેજની શોધ કરવામાં આવી. ત્યારબાદ 3 દિવસની મહેનત બાદ આરોપી પૂજાને બકરવાલા વિસ્તારમાંથી પકડી લેવામાં આવી હતી. ધરપકડ બાદ પૂજાએ પોતાનો ગુનો કબૂલી લીધો હતો.
આ પણ વાંચો : Crorepati thief : નેપાળમાં હોટલ, યૂપીમાં ગેસ્ટ હાઉસ, લખનૌમાં મકાન, દિલ્હીમાં 200 થી વધુ ચોરીને આપ્યો અંજામ