ડિફેન્સ, ટેકનોલોજી અને સુરક્ષા પર ચર્ચા થઈ, USA એનએસએ સાથે મુલાકાત બાદ જાણો PM Modi શું બોલ્યા

• વડાપ્રધાન નરેન્દ્ર મોદી હાલમાં અમેરિકાના પ્રવાસે છે
• યુએસ એનએસએ માઇક વોલ્ટ્ઝ બ્લેર હાઉસ ખાતે પીએમ મોદીને મળ્યા
• એલોન મસ્ક બ્લેર હાઉસ ખાતે પીએમ મોદીને મળવા પહોંચ્યા

PM Modi : વડાપ્રધાન નરેન્દ્ર મોદી હાલમાં અમેરિકાના પ્રવાસે છે, જ્યાં તેઓ અમેરિકાના રાષ્ટ્રપતિ ડોનાલ્ડ ટ્રમ્પને મળ્યા છે. આ પહેલા, યુએસ એનએસએ માઇક વોલ્ટ્ઝ બ્લેર હાઉસ ખાતે પીએમ મોદીને મળ્યા હતા. બેઠક બાદ પીએમ મોદીએ ટ્વીટ કર્યું, 'એનએસએ માઈકલ વોલ્ટ્ઝ સાથે સાર્થક મુલાકાત થઈ. તેઓ હંમેશા ભારતના ખૂબ સારા મિત્ર રહ્યા છે. સંરક્ષણ, ટેકનોલોજી અને સુરક્ષા ભારત-અમેરિકા સંબંધોના મહત્વપૂર્ણ પાસાં છે અને અમે આ મુદ્દાઓ પર ઉત્તમ ચર્ચા કરી. AI, સેમિકન્ડક્ટર, અવકાશ અને અન્ય ક્ષેત્રોમાં સહયોગની મજબૂત સંભાવનાઓ છે.

બેઠક પછી, વિદેશ મંત્રાલયે એક નિવેદન બહાર પાડ્યું જેમાં બંને વૈશ્વિક નેતાઓ વચ્ચે શું ચર્ચા થઈ તે જણાવવામાં આવ્યું.

1. બેઠક દરમિયાન, ભારત-યુએસ વ્યાપક વૈશ્વિક વ્યૂહાત્મક ભાગીદારીને વધુ મજબૂત બનાવવાના માર્ગો પર ચર્ચા કરવામાં આવી, જેમાં વ્યૂહાત્મક તકનીકો તેમજ નાગરિક પરમાણુ ઊર્જા અને આતંકવાદ વિરોધી બાબતો પર ધ્યાન કેન્દ્રિત કરવામાં આવ્યું, જેમાં સંરક્ષણ ઔદ્યોગિક સહયોગ અને નાના મોડ્યુલર રિએક્ટર પર ભાર મૂકવામાં આવ્યો.

2. બંને વૈશ્વિક નેતાઓ વચ્ચે પરસ્પર હિતના આંતરરાષ્ટ્રીય અને પ્રાદેશિક મુદ્દાઓ પર પણ ચર્ચા થઈ.

મસ્ક પીએમ મોદીને પણ મળ્યા

તમને જણાવી દઈએ કે વડાપ્રધાન નરેન્દ્ર મોદીએ અબજોપતિ ઉદ્યોગપતિ અને ટેસ્લા કંપનીના માલિક તેમજ સોશિયલ મીડિયા પ્લેટફોર્મ X (અગાઉ ટ્વિટર) એલોન મસ્કને પણ મળ્યા હતા. એલોન મસ્ક તેમના ત્રણ બાળકો સાથે વોશિંગ્ટન ડીસીના બ્લેર હાઉસ ખાતે પીએમ મોદીને મળવા પહોંચ્યા. મસ્કની સાથે તેના ત્રણ બાળકો પણ હતા. મસ્ક સાથે વિવેક રામાસ્વામી પણ પહોંચ્યા છે.