CSK vs RCB: ચેન્નાઈની શાનદાર જીત, બેંગલુરુની હાર સાથે શરૂઆત
CSK vs RCB: IPL 2024ની પ્રથમ મેચમાં ચેન્નાઈ સુપર કિંગ્સે રોયલ ચેલેન્જર્સ બેંગ્લોરને 6 વિકેટે હરાવ્યું હતું. આ સાથે ચેન્નાઈએ નવા કેપ્ટન ઋતુરાજ ગાયકવાડની આગેવાનીમાં જીત સાથે શરૂઆત કરી હતી. પ્રથમ રમત રમીને RCBએ 20 ઓવરમાં 6 વિકેટે 173 રન બનાવ્યા હતા. જવાબમાં ચેન્નાઈ સુપર કિંગ્સે 8 બોલ બાકી રાખી 6 વિકેટે આ લક્ષ્ય હાંસલ કરી લીધુ હતુ. ચેન્નાઈ તરફથી રચિન રવિન્દ્રએ 37 રન, અજિંક્ય રહાણેએ 27 રન, શિવમ દુબેએ અણનમ 34 અને રવિન્દ્ર જાડેજાએ અણનમ 25 રન બનાવ્યા હતા. આ પહેલા બોલિંગમાં ચેન્નાઈ તરફથી મુસ્તાફિઝુર રહેમાને 4 વિકેટ ઝડપી હતી.
CSKની શાનદીર જીત
ચેન્નાઈ સુપર કિંગ્સે 8 બોલ બાકી રહેતા 6 વિકેટે મેચ જીતી લીધી, દુબેએ અણનમ 38 અને જાડેજાએ અણનમ 25 રન બનાવ્યા, ચેન્નાઈએ જીત સાથે સિઝનની સારી શરૂઆત કરી છે.
ચેન્નાઈના એમએ ચિદમ્બરમ સ્ટેડિયમમાં રમાઈ રહેલી આ મેચમાં RCBના કેપ્ટન ફાફ ડુ પ્લેસિસે ટોસ જીતીને પહેલા બેટિંગ કરવાનો નિર્ણય લીધો હતો. આરસીબીની શરૂઆત સારી રહી હતી અને કેપ્ટન ડુ પ્લેસીસ સાથે વિરાટ કોહલીએ પ્રથમ વિકેટ માટે 41 રન જોડ્યા હતા. ડુપ્લેસિસે ખૂબ જ સારી બેટિંગ કરી અને 35 રનની ઈનિંગમાં આઠ ચોગ્ગા ફટકાર્યા. મુસ્તાફિઝુર રહેમાને એક જ ઓવરમાં ડુ પ્લેસિસ અને રજત પાટીદાર (0)ને આઉટ કર્યા હતા.
What a coincidence dude!
Started from where it ended. 💛
Congratulations @ChennaiIPL 🥹🤌Dube 🤝 Jaddu 🔥#ChennaiSuperKings | #CSKvRCB | #IPL2024 pic.twitter.com/ZrapewbyVE
— 𝑄𝑢𝑒𝑒𝑛~𝑃𝐻♡ (@RealQueenPH) March 22, 2024
કોહલી પહેલા 5 ખેલાડીઓ આ કરી ચુક્યા છે
વિરાટ કોહલી પહેલા ક્રિસ ગેલ, શોએબ મલિક, કાયરન પોલાર્ડ, એલેક્સ હેલ્સ અને ડેવિડ વોર્નર આ કરી ચુક્યા છે. T20 ક્રિકેટમાં અત્યાર સુધી સૌથી વધુ રન બનાવનાર ખેલાડી ક્રિસ ગેલ છે. તેણે અત્યાર સુધી 463 મેચમાં 14,562 રન બનાવ્યા છે. તેની કારકિર્દીમાં તેણે 22 સદી અને 88 અડધી સદી પણ ફટકારી છે. ખાસ કરીને સદીના મામલે કોહલી ઘણો પાછળ છે.
આરસીબી પ્લેઈંગ ઈલેવન
ફાફ ડુ પ્લેસિસ (કેપ્ટન), વિરાટ કોહલી, રજત પાટીદાર, ગ્લેન મેક્સવેલ, કેમરૂન ગ્રીન, દિનેશ કાર્તિક (વિકેટકીપર), અનુજ રાવત, કર્ણ શર્મા, અલ્ઝારી જોસેફ, મયંક ડાગર અને મોહમ્મદ સિરાજ
રોયલ ચેલેન્જર્સ બેંગ્લોરની ઈનિંગ્સ
બેંગલુરુએ ટોસ જીતીને પ્રથમ બેટિંગ કરવાનું પસંદ કર્યું હતું. કેપ્ટન ડુપ્લેસિસે ટીમને શાનદાર શરૂઆત અપાવી હતી. ટીમનો સ્કોર 4.3 ઓવરમાં 41 રન સુધી પહોંચી ગયો હતો. સુકાની પોતે પણ 35 રન સુધી પહોંચી ગયો હતો પરંતુ આ પછી વિકેટો પડવાની શરૂઆત થઈ હતી. ડુ પ્લેસિસને મુસ્તાફિઝુર રહેમાને આઉટ કર્યો હતો અને તે પછી તેણે એ જ ઓવરમાં રજત પાટીદારની વિકેટ લીધી હતી. પાટીદારો ખાતું પણ ખોલાવી શક્યા નથી. બીજી જ ઓવરમાં દીપક ચહરે પહેલા જ બોલ પર ગ્લેન મેક્સવેલને આઉટ કર્યો હતો.
વિરાટ-ગ્રીન ટક્યા નહીં
વિરાટ અને ગ્રીન ઈનિંગ્સને સંભાળશે તેવી અપેક્ષા હતી પરંતુ મુસ્ફિઝુરે એવું થવા દીધું નહીં. આ ડાબા હાથના બોલરે પહેલા 12મી ઓવરમાં વિરાટ કોહલીને આઉટ કર્યો અને ત્યાર બાદ તેણે કેમરૂન ગ્રીનની વિકેટ પણ લીધી. આરસીબીએ 78 રનમાં પાંચ વિકેટ ગુમાવી દીધી હતી પરંતુ આ પછી યુવા વિકેટકીપર અનુજ રાવતે 25 બોલમાં 48 રનની ઈનિંગ રમી હતી. તેને દિનેશ કાર્તિકે ટેકો આપ્યો હતો જેણે 26 બોલમાં અણનમ 38 રન બનાવ્યા હતા. બંને ખેલાડીઓ વચ્ચે 95 રનની ભાગીદારી થઈ અને તેના આધારે RCB 173 રન સુધી પહોંચી ગયું
આ પણ વાંચો - RCB VS CSK : King Kohli એ ચેન્નઈ સામે મેચમાં રચ્યો ઈતિહાસ
આ પણ વાંચો - IPL 2024 : IPLની ઓપનિંગ સેરેમની યોજાઇ, AR Rahma ના પરફોર્મન્સથી સ્ટેડિયમ ગુંજવ્યુ
આ પણ વાંચો - IPL2024 : RCB એ ટોસ જીતીને બેટિંગનો લીધો નિર્ણય,જુઓ પ્લેઈંગ ઈલેવન