કર્ણાટકમાં કિંગ કોણ? થોડી વારમાં નક્કી થશે ઉમેદવારોનું ભાવિ

કર્ણાટક વિધાનસભા ચૂંટણીમાં મતદાન થયા બાદ  આજે મતોની ગણતરી કરવામાં આવશે. રાજ્યના 36 કેન્દ્રો પર સવારે 8 વાગ્યાથી મતગણતરી શરૂ થશે. એક્ઝિટ પોલમાં કોંગ્રેસ અને ભાજપ વચ્ચે જોરદાર જંગની આગાહી કરવામાં આવી છે, જ્યારે જેડીએસ ત્રિશંકુ વિધાનસભાની અપેક્ષા રાખે છે. મતગણતરી સંદર્ભે રાજ્યના તમામ મતગણતરી કેન્દ્રો પર ચુસ્ત સુરક્ષા વ્યવસ્થા ગોઠવવામાં આવી છે.

આ વખતે 10 મેના રોજ કર્ણાટકની 224 બેઠકો પર એક તબક્કામાં 73.19% મતદાન થયું હતું. કર્ણાટકમાં 2018ની ચૂંટણી કરતાં આ વખતે 1% વધુ મતદાન થયું છે. 2018ની વિધાનસભા ચૂંટણીમાં 72.36% મતદાન થયું હતું. કર્ણાટકમાં પ્રથમ વખત, 94,000 થી વધુ વરિષ્ઠ નાગરિકો અને દિવ્યાંગજનોએ ઘરેથી મતદાન કર્યું. કર્ણાટકમાં 224 સીટો માટે 2614 ઉમેદવારો મેદાનમાં છે.

કર્ણાટકમાં JDS ફરી એકવાર કિંગમેકર બનવાની આશા છે. 10માંથી 5 એક્ઝિટ પોલ ત્રિશંકુ વિધાનસભાની આગાહી કરી રહ્યા છે, એટલે કે જેડીએસની મદદ વિના સરકાર બની શકે નહીં. પોલ ઓફ પોલમાં ભાજપને 91, કોંગ્રેસને 108, જેડીએસને 22 અને અન્યને 3 બેઠકો મળવાની ધારણા છે. એ પણ જોવાનું રહે છે કે શું ત્રિશંકુ જનાદેશની સ્થિતિમાં, શું ભૂતપૂર્વ વડા પ્રધાન એચડી દેવગૌડાની આગેવાની હેઠળની જેડી(એસ) સરકારની રચનાની ચાવી સંભાળશે?

આ પણ વાંચો---TET-1નું પરિણામ જાહેર, બોર્ડની વેબસાઇટ પર જોઈ શકાશે પરિણામ