Junagadh સિવિલના ઓર્થોપેડિક ડૉક્ટર કેતન પરમાર સામે દુષ્કર્મની ફરિયાદ
Junagadh: સુરતમાં ફરી એકવાર દુષ્કર્મની ફરિયાદ નોંધાઈ છે. મળતી વિગતો પ્રમાણે સિવિલ હોસ્પિટલના ઓર્થોપેડીક ડોક્ટર સામે દુષ્કર્મની ફરિયાદ નોંધાઈ છે. વિગતે વાત કરવામાં આવે તો ડૉ.કેતન પરમાર (dr. Ketan Parmar) સામે 21 વર્ષીય યુવતીએ દુષ્કર્મની ફરીયાદ નોંધાવી છે. એવી વિગતો સામે આવી રહીં છે કે, યુવતી શહેરના જાંજરડા રોડ પર આવેલી એક ખાનગી હોસ્પિટલમાં ઈનટરશીપ કરતી હતી. ડૉ. કેતન પરમાર પણ ખાનગી હોસ્પીટલમાં ઓપરેશન કરવા જતો હતો.
યુવતી સાથે બળજબરી પૂર્વક દુષ્કર્મ પણ આચર્યું
ફરિયાદ પ્રમાણે વાત કરવામાં આવે તો, ડૉ. કેતન પરમારે ભોગ બનનાર યુવતીનો મોબાઇલ નંબર મેળવી વાતચીત શરૂ કરી અને પ્રેમજાળમાં ફસાવી હતી. એટલું જ નહીં પરંતુ અનેક વાર યુવતીને કારમાં બળજબરી પૂર્વક લઈ જઈ દુષ્કર્મ પણ ગુજાર્યુ હતું. જેથી અત્યારે પોલીસે ડૉ. કેતન પરમાર (dr. Ketan Parmar) સામે દુષ્કર્મ અને ધાકધમકીનો ગુનો દાખલ કરીને ફરિયાદ નોંધી છે.
ડૉ. કેતન પરમાર સામે દુષ્કર્મ અને ધાકધમકીની ફરિયાદ
નોંધનીય છે કે, એક ડૉક્ટર દ્વારા આવુ અધમ કૃત્ય કરવામાં આવતા તબીબ જગતમાં ચકચાર મચી ગઈ છે. ઉલ્લેખનીય છે કે, તબીબો માટે આ ખુબ જ શરમની વાત છે. એક યુવતીને પોતાની પ્રેમજાળમાં ફસાવીને તેની મરજી વિરૂદ્ધ દુષ્કર્મ આયરવું એ કાયદેસરનો ગુનો છે. નોંધનીય છે કે, કોઈ પણ મહિલા સાથે તેની મરજી વિરૂદ્ધ તેની સાથે શરીર સંબંધ બાંધવો તે ગુનો છે અને તે દુષ્કર્મ કહેવાય છે. જેથી અત્યારે પોલીસે તબીબ ડૉ. કેતન પરમાર સામે દુષ્કર્મ અને ધાકધમકીની ફરિયાદ નોંધીને આગળની કાર્યવાહી હાથ ધરી દીધી છે.