ભારતમાં ચાર વર્ષના બાળકમાં મળ્યો Bird Flu નો કેસ, WHO એ કરી પુષ્ટિ...

ભારતમાં એક બર્ડ ફ્લૂ (Bird Flu)નો કેસ નોંધાયો છે . વર્લ્ડ હેલ્થ ઓર્ગેનાઈઝેશન (WHO) એ મંગળવારે જણાવ્યું હતું કે પશ્ચિમ બંગાળમાં ચાર વર્ષના બાળકમાં H9N2 વાયરસના કારણે બર્ડ ફ્લૂ (Bird Flu)થી માનવ ચેપનો કેસ મળી આવ્યો છે. WHO એ જણાવ્યું હતું કે દર્દીને સતત ગંભીર શ્વાસોશ્વાસની સમસ્યાઓ, ખૂબ તાવ અને પેટમાં ખેંચાણને કારણે ફેબ્રુઆરીમાં સ્થાનિક હોસ્પિટલમાં ICU માં દાખલ કરવામાં આવ્યો હતો અને ત્રણ મહિના પછી નિદાન અને સારવાર પછી તેને રજા આપવામાં આવી હતી.

ભારતમાં H9N2 બર્ડ ફ્લૂનો બીજો કેસ...

એજન્સીએ જણાવ્યું હતું કે દર્દીના ઘરની અંદર અને તેની આસપાસ મરઘાં પાલન જેવા અનેક પોલ્ટ્રી ફાર્મ આવેલા છે. તેના પરિવારમાં અથવા અન્ય લોકોમાં શ્વસન સંબંધી બીમારીના લક્ષણો બતાવનાર કોઈ વ્યક્તિ પણ નહતો. WHO એ જણાવ્યું હતું કે રિપોર્ટિંગ સમયે રસીકરણની સ્થિતિ અને એન્ટિવાયરલ સારવારની વિગતો ઉપલબ્ધ નથી. એજન્સીએ કહ્યું કે ભારતમાં H9N2 બર્ડ ફ્લૂ (Bird Flu)નો આ બીજો માનવ ચેપ છે, જેનો પ્રથમ કેસ 2019 માં નોંધાયો હતો.

H9N2 વાયરસ સામાન્ય રીતે હળવી બીમારીનું કારણ બને છે. યુએન એજન્સીએ જણાવ્યું હતું કે વધુ છૂટાછવાયા માનવ ચેપના કેસ આવી શકે છે કારણ કે વાયરસ વિવિધ પ્રદેશોમાં મરઘાંમાં ફરતા સૌથી પ્રચલિત એવિયન ઈન્ફલ્યુએન્ઝા વાયરસ છે. આ મામલે ભારતીય સ્વાસ્થ્ય મંત્રાલય તરફથી કોઈ પ્રતિક્રિયા આપવામાં આવી નથી.

આ પણ વાંચો : UP Road Accident : ઝૂંપડાની બહાર સૂતો હતો પરિવાર, કાળ બનીને આવ્યો ટ્રક, 8 લોકોના મોત…

આ પણ વાંચો : Jammu and Kashmir : માહિતી આપનારને 20 લાખના ઇનામની જાહેરાત

આ પણ વાંચો : Lok Sabha Speaker : સાઉથની સુષ્મા સ્વરાજ ગણાતા આ મહિલા…..