Britain ના રાજા અને રાણી ચૂપચાપ ભારતમાં 4 દિવસ રોકાઇને જતા રહ્યા..

• બ્રિટનના રાજા ચાર્લ્સ ત્રીજા અને રાણી કેમિલાએ ચૂપચાપ ભારતની મુલાકાત લીધી
• બંનેએ બેંગલુરુના આરોગ્ય કેન્દ્રમાં વિવિધ તબીબી પદ્ધતિઓનો અનુભવ કર્યો
• તેમણે અહીં યોગ, સ્ટ્રેચિંગ અને શ્વાસ લેવાની કસરતો કરી.
• ઉપરાંત આયુર્વેદિક, નેચરોપેથી અને હોમિયોપેથીનો લાભ લીધો
• રાગીમાંથી બનેલા ખાસ દક્ષિણ ભારતીય શાકાહારી ભોજનનો પણ આનંદ માણ્યો
• બંનેની આ ખાનગી મુલાકાત હતી.

Britain's King : બ્રિટનના રાજા (Britain's King) ચાર્લ્સ ત્રીજા અને રાણી કેમિલા ચૂપચાપ કોઇને કહ્યા વગર ભારતમાં 4 દિવસ રોકાઇને પાછા બ્રિટન જતા રહ્યા છે. બ્રિટનના રાજા ચાર્લ્સ ત્રીજા અને રાણી કેમિલા તેમની ચાર દિવસની ભારત મુલાકાત દરમિયાન બેંગલુરુમાં એક પ્રખ્યાત આરોગ્ય કેન્દ્રની મુલાકાત લીધી હતી. આ મુલાકાત સંપૂર્ણપણે ખાનગી હતી, જેના કારણે મીડિયાને આ મુલાકાત વિશે કોઈ સંકેત મળી શક્યા નથી. 27 ઓક્ટોબરની રાત્રે, તેઓ તેમના વિશેષ વિમાનમાં બેંગલુરુના HAL એરપોર્ટ પહોંચ્યા અને પછી વ્હાઇટફિલ્ડ વિસ્તારમાં સ્થિત આરોગ્ય કેન્દ્ર પહોંચ્યા.

તેમણે આરોગ્ય કેન્દ્રમાં વિવિધ તબીબી પદ્ધતિઓનો અનુભવ કર્યો

સૂત્રોના જણાવ્યા અનુસાર, તેમણે આરોગ્ય કેન્દ્રમાં વિવિધ તબીબી પદ્ધતિઓનો અનુભવ કર્યો અને તેમના સંકલનની પ્રશંસા કરી. કિંગ ચાર્લ્સ અગાઉ 2019 માં રાજકુમાર તરીકે ભારતની મુલાકાતે આવ્યા હતા, પરંતુ આ વખતે તેમના આગમન પર કોઈ ઔપચારિક સ્વાગત કરવામાં આવ્યું ન હતું કારણ કે તે એક ખાનગી મુલાકાત હતી.

આ પણ વાંચો----દક્ષિણ કોરિયાના લોકો Ayodhya ને માને છે દાદીનું ઘર...

રાગીમાંથી બનેલા ખાસ દક્ષિણ ભારતીય શાકાહારી ભોજનનો પણ આનંદ માણ્યો

સામોઆમાં કોમનવેલ્થ સરકારના વડાઓની બેઠક બાદ બ્રિટન પાછા ફરતી વખતે શાહી દંપતીએ બેંગલુરુની મુલાકાત લીધી હતી. તેમના સ્વાસ્થ્યને સુધારવા અને તેમની રોગપ્રતિકારક શક્તિને મજબૂત કરવાના ઉદ્દેશ્ય સાથે, તેમણે અહીં યોગ, સ્ટ્રેચિંગ અને શ્વાસ લેવાની કસરતો કરી. આયુર્વેદિક, નેચરોપેથી અને હોમિયોપેથીનો લાભ લઈને, બંનેએ કર્ણાટક પ્રદેશમાં રાગીમાંથી બનાવેલ વિશિષ્ટ દક્ષિણ ભારતીય શાકાહારી ભોજનનો પણ આનંદ માણ્યો.

ચાર દિવસ પછી બ્રિટન પરત ફર્યા

તેમને આરોગ્ય કેન્દ્ર દ્વારા આપવામાં આવતો આહાર અને કસરત ચાલુ રાખવાની પણ સલાહ આપવામાં આવી છે. ચાર દિવસ વિતાવ્યા બાદ શાહી દંપતી બુધવારે સવારે બ્રિટન પરત ફર્યું હતું.

આ પણ વાંચો---Ayodhya ના સરયૂ ઘાટ પરના આ દ્રશ્યો જોઇને થઇ જશો મંત્રમુગ્ધ, લેસર અને લાઈટ શોનો Video Viral