WTC Final : ટીમ ઈન્ડિયાને ઝટકો, રોહિત શર્મા બેટિંગ પ્રેક્ટિસ દરમિયાન ઈજાગ્રસ્ત
IPL 2023 ટૂર્નામેન્ટ થોડા દિવસો પહેલા જ પૂર્ણ થઇ હવે ટીમ ઈન્ડિયા (Team India) ના ખેલાડીઓ વર્લ્ડ ટેસ્ટ ચેમ્પિયનશિપની ફાઈનલ (WTC) મેચની તૈયારી કરી રહ્યા છે. જોકે, તે પહેલા ટીમ ઈન્ડિયાને એક મોટો ફટકો પડ્યો છે. મળતી માહિતી અનુસાર, ટીમ ઈન્ડિયાના કેપ્ટન રોહિત શર્મા (Rohit Sharma) ને ઓવલમાં બેટિંગ પ્રેક્ટિસ દરમિયાન ઈજાગ્રસ્ત થયો છે. પ્રેક્ટિસ દરમિયાન રોહિતના ડાબા અંગૂઠામાં ઈજા થઈ હતી, ત્યારબાદ તેના અંગૂઠા પર ટેપ લાગેલી જોવા મળી હતી.
WTC Final પહેલા ટીમ ઈન્ડિયાને લાગ્યું ગ્રહણ
ઓસ્ટ્રેલિયા સામેની ફાઈનલ મેચ પહેલા રોહિત શર્માની ઈજા ભારતીય ટીમ માટે મોટો ઝટકો છે. જણાવી દઇએ કે, ઓવલમાં બેટિંગ પ્રેક્ટિસ દરમિયાન રોહિત શર્માના ડાબા હાથના અંગૂઠામાં ઈજા થઈ હતી. બોલ સીધો તેના અંગૂઠા પર વાગ્યો હતો. જણાવી દઇએ કે, ઈજા પછી, તે ખૂબ પીડામાં પણ જોવા મળ્યો. રોહિત શર્માને નેટ સેશનમાં થ્રો ડાઉન દરમિયાન આ ઈજા થઈ હતી. એવું કહેવામાં આવી રહ્યું છે કે રોહિત શર્માની આ ઈજા બહુ ગંભીર નથી, જોકે તેની ઈજા અંગે હજુ સુધી કોઈ સત્તાવાર નિવેદન સામે આવ્યું નથી. તેને પ્રેક્ટિસ દરમિયાન ઈજા પહોંચી તે પછી તેણે સાવચેતી તરીકે, પ્રેક્ટિસ સેશન અધવચ્ચે જ છોડી દીધું હતું. જણાવી દઇએ કે, WTCની ટાઈટલ મેચ ભારત અને ઓસ્ટ્રેલિયા વચ્ચે 7મી જૂનથી લંડનના ઓવલ મેદાનમાં રમાશે. ભારત અને ઓસ્ટ્રેલિયા બંને આ ટાઇટલ જીતવા માટે ઉત્સુક છે. ભારતે 2013 પછીથી એકપણ ICC ટ્રોફી જીતી નથી અને રોહિત ચોક્કસપણે આ દુષ્કાળને ખતમ કરવા માંગશે.
India faces skipper Rohit Sharma's injury scare ahead of WTC 2023 final
Read @ANI Story | https://t.co/2tj6wBlfrl#RohitSharma𓃵 #WTCFinal2023 #WTCFinal #INDvsAUS pic.twitter.com/SZ1vi70gTe
— ANI Digital (@ani_digital) June 6, 2023
ટીમ ઈન્ડિયા સતત બીજી વખત WTCની ફાઇનલમાં પહોંચ્યું
ટીમ ઈન્ડિયા અને ઓસ્ટ્રેલિયા બંને લંડનના ઓવલ મેદાન પર સતત ત્રણ દિવસથી જોરદાર પ્રેક્ટિસ કરી રહી છે. આ WTCની બીજી આવૃત્તિ છે, પ્રથમ આવૃત્તિ 2019-2021માં રમાઈ હતી, જ્યાં ભારત અને ન્યુઝીલેન્ડ વચ્ચે ટાઈટલ મેચ હતી. ભારત સતત બીજી વખત WTCની ફાઇનલમાં પહોંચ્યું છે. આજે ભારત માટે વૈકલ્પિક તાલીમ સત્ર હતું, જે દરમિયાન કેપ્ટન રોહિતે પીચની વિગતો પણ લીધી હતી. WTC ફાઈનલ પહેલા ટીમ ઈન્ડિયા સમક્ષ સૌથી મોટો સવાલ એ છે કે શું ટીમ ઈન્ડિયા આર અશ્વિન અને રવિન્દ્ર જાડેજાને પ્લેઈંગ ઈલેવનમાં સાથે મેદાનમાં ઉતારશે? મળતી માહિતી અનુસાર, પ્લેઈંગ ઈલેવનમાં જાડેજાનું સ્થાન નિશ્ચિત જણાય છે, પરંતુ અશ્વિનને શાર્દુલ ઠાકુર સાથે ટક્કર મળી શકે છે. સ્પિનર ઓલરાઉન્ડરના નામે ભારત અશ્વિનની સાથે જઈ શકે છે, પરંતુ જો પેસર ઓલરાઉન્ડરની વાત આવે તો શાર્દુલને પ્લેઈંગ ઈલેવનમાં પસંદગી મળી શકે છે. પેસ આક્રમણની વાત કરીએ તો, મોહમ્મદ શમી પેસ આક્રમણનું નેતૃત્વ કરશે, જ્યારે મોહમ્મદ સિરાજ અને ઉમેશ યાદવ પ્લેઇંગ ઇલેવનમાં સ્થાન મેળવશે તે લગભગ નિશ્ચિત છે.
રોહિત શર્માએ પ્રેસ કોન્ફરન્સ દરમિયાન શું કહ્યું ?
તસવીરોમાં તે ટેપ લગાવતો જોઈ શકાય છે. ઈજા બાદ કેપ્ટન રોહિતે પ્રેક્ટિસ છોડી દીધી હતી, જો કે તે થોડા સમય બાદ અધવચ્ચે જ બહાર થઈ ગયો હતો, તેણે પ્રેક્ટિસમાં ભાગ લીધો ન હતો. અગાઉ રોહિતને પ્રેસ કોન્ફરન્સ દરમિયાન પૂછવામાં આવ્યું હતું કે જેને તે કેપ્ટન તરીકે છોડવા માંગે છે. "ભલે તે હું રહું કે અન્ય કોઈ, ભૂતકાળના લોકો પણ, તેમની ભૂમિકા ભારતીય ક્રિકેટને આગળ લઈ જવાની અને વધુને વધુ મેચો જીતવાની અને વધુને વધુ ચેમ્પિયનશિપ જીતવાની હતી. મારા માટે પણ, તે સમાન હશે. મારે રમતો જીતવી છે, મારે ચેમ્પિયનશિપ જીતવી છે. તે માટે જ તમે રમો છો." વધુમાં રોહિતે કહ્યું કે, "અને હા, થોડા ટાઇટલ જીતવા સારા રહેશે, કેટલીક અસાધારણ શ્રેણી જીતવી પડશે, પરંતુ હા, જેમ મેં કહ્યું, મને ખરેખર લાગે છે કે આપણે આ વિશે વધુ પડતું વિચારીને આપણી જાત પર વધુ દબાણ કરવા માંગતા નથી. "એક કેપ્ટન તરીકે, જેમ મેં કહ્યું, દરેક કેપ્ટન ચેમ્પિયનશિપ જીતવા માંગે છે, તેથી હું તેનાથી અલગ નથી. હું પણ ચેમ્પિયનશિપ જીતવા માંગુ છું અને તે જ તો રમત છે.
આ પણ વાંચો - WTC ફાઈનલ પહેલા ઓસ્ટ્રેલિયાને મોટો ઝટકો, આ ખેલાડી થયો ઈજાગ્રસ્ત
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ