Ahmedabad : જગતપુર બ્રિજ પર ટ્રકની અડફેટે બાઇક ચાલકનું મોત

અમદાવાદમાં હિટ એન્ડ રનમાં એકનું મોત
ટ્રકની ટક્કરે બાઈક સવાર આધેડનું મોત
જગતપુર બ્રિજ પર બની હિટ એન્ડ રનની ઘટના
અશોક નામના વ્યક્તિનું ઘટના સ્થળે મોત
એલ ડિવિઝન ટ્રાફિક પોલીસમાં ગુનો દાખલ
ફરાર ટ્રક ચાલકની પોલીસ દ્વારા શોધખોળ

અમદાવાદના ગોદરેજ ગાર્ડન વિસ્તારમાં જગતપુર બ્રિજ પર ટ્રક ચાલકે બાઇક સવારને અડફેટે લેતાં બાઇક સવાર આધેડનું સ્થળ પર જ મોત થયું હતું.

બાઇક ચાલકનું સ્થળ પર મોત

શનિવારે સવારે અમદાવાદના જગતપુર ગોદરેજ ગાર્ડન વિસ્તારમાં જગતપુર બ્રિજ પરથી ફુલ સ્પીડે પસાર થઇ રહેલા ટ્રક ચાલકે બાઇક ચાલકને અડફેટે લીધોહતો. ટ્રકની ટક્કર એટલી જોરદાર હતી કે બાઇક સવાર ફંગોળાયો હતો અને તેનું સ્થળ પર જ મોત થયું હતું. બાઇક સવાર આધેડનું નામ અશોક હોવાનું પોલીસની પ્રાથમિક તપાસમાં બહાર આવ્યું છે.

ફરાર ટ્રક ચાલકની શોધખોળ

અકસ્માત બાદ ટ્રક ચાલક ફરાર થઇ ગયો હતો. ઘટનાની જાણ થતાં એલ ડિવિઝન ટ્રાફિક પોલીસ સ્થળ પર પહોંચી હતી અને અકસ્માતનો ગુનો નોંધી ફરાર ટ્રક ચાલકની શોધખોળ શરુ કરી હતી.

આ પણ વાંચો----AHMEDABAD : BJP MLA દિનેશ કુશવાહાએ કર્યો મુસ્લિમ મતદારોને રાજી કરવાનો પ્રયાસ