Tata Motors ને મળી મોટી જીત, બંગાળ સરકારે ચૂકવવા પડશે 766 કરોડ
ટાટા મોટર્સ (Tata Motors)ને આજે મોટી સફળતા મળી છે. પશ્ચિમ બંગાળના સિંગુર જમીન વિવાદ (સિંગુર-નેનો પ્રોજેક્ટ કેસ)માં ટાટા મોટર્સનો વિજય થયો છે. હવે આ જીત બાદ બંગાળ સરકારે ટાટા મોટર્સને 766 કરોડ રૂપિયા ચૂકવવા પડશે.
766 કરોડની રકમ ચૂકવવાની રહેશે
ટાટા મોટર્સ લિમિટેડે જણાવ્યું હતું કે સિંગુર-નેનો પ્રોજેક્ટ કેસમાં આર્બિટ્રેશન પેનલે જૂથની તરફેણમાં ચુકાદો આપ્યા બાદ રાજ્ય સરકારે સપ્ટેમ્બર 2016 થી 11 ટકાના દરે વ્યાજ સાથે રૂ. 766 કરોડની રકમ ચૂકવવાની રહેશે.
પ્લાન્ટને બંગાળથી ગુજરાતમાં ખસેડવો પડ્યો
સિંગુર પ્લાન્ટમાં જમીન વિવાદને પગલે, ટાટા મોટર્સને ઓક્ટોબર 2008માં તેની નાની કાર નેનોનું ઉત્પાદન પશ્ચિમ બંગાળના સિંગુરથી ગુજરાતના સાણંદમાં ખસેડવું પડ્યું હતું. તે જ સમયે, ટાટા મોટર્સ તેના સિંગુર પ્લાન્ટમાં 1000 કરોડ રૂપિયાથી વધુનું રોકાણ કરી ચૂકી હતી.
ટ્વીટ દ્વારા આ માહિતી
ટાટા મોટર્સનું કહેવું છે કે ત્રણ સભ્યોની આર્બિટ્રેશન ટ્રિબ્યુનલે અમારી તરફેણમાં ચુકાદો આપ્યો છે. જે અંતર્ગત દાવેદાર ટાટા મોટર્સ લિમિટેડ (TML)ને હકદાર ગણવામાં આવ્યા છે. 1 સપ્ટેમ્બર, 2016 થી વાસ્તવિક વસૂલાત સુધી વાર્ષિક 11 ટકાના દરે વ્યાજ સાથે રૂ. 765.78 કરોડની રકમ પ્રાપ્ત થશે. દાવેદાર ટાટા મોટર્સ લિમિટેડ (TML)ને પણ પ્રતિવાદી (WBIDC) પાસેથી વસૂલાત માટે હકદાર રાખવામાં આવી છે. આ કાર્યવાહીનો ખર્ચ આશરે 1 કરોડ રૂપિયા છે.
શું હતો વિવાદ?
18 મે, 2006ના રોજ, ટાટા ગ્રૂપના ચેરમેન રતન ટાટાએ પશ્ચિમ બંગાળના તત્કાલીન મુખ્ય પ્રધાન બુદ્ધદેવ ભટ્ટાચાર્ય અને તત્કાલીન વાણિજ્ય રાજ્ય પ્રધાન નિરુપમ સેન સાથેની બેઠકમાં, સિંગુરમાં ટાટા મોટર્સના નાના કાર પ્રોજેક્ટની સ્થાપનાની જાહેરાત કરી હતી. . આ નિર્ણય બાદ પ્રોજેક્ટ માટે 1 હજાર એકર જમીન ખરીદવાની પ્રક્રિયા શરૂ કરવામાં આવી હતી. આ કિસ્સામાં, હુગલી જિલ્લા વહીવટીતંત્ર દ્વારા વર્ષ 2006માં મે અને જુલાઈ વચ્ચે ત્રણ વખત સર્વપક્ષીય બેઠક બોલાવવામાં આવી હતી. તૃણમૂલ કોંગ્રેસે તેનો સંપૂર્ણ વિરોધ કર્યો હતો.
આ પણ વાંચો---કેન્દ્રીય આરોગ્ય મંત્રી મનસુખ માંડવિયાએ કોરોનાના દર્દીઓને આપી ચેતવણી, તમે પણ ચેતી જજો