Guinea માં ફૂટબોલ મેચ દરમિયાન અથડામણ, 100 થી વધુ લોકોના મોત

1. Guinea Nzerekore માં હિંસક અથડામણ
2. ફૂટબોલ મેચ દરમિયાન અથડામણ થયું
3. અથડામણમાં 100 થી વધુ લોકોના મોત

પશ્ચિમ આફ્રિકાના દેશ ગિની (Guinea)માં ફૂટબોલ મેચ દરમિયાન ઘણી હિંસા થઈ છે. અહીં ચાહકોની વચ્ચે અથડામણ થઈ હતી, જેમાં 100 થી વધુ લોકોના મોત થયા હતા. ગિની (Guinea)ના બીજા સૌથી મોટા શહેર Nzerekore માં રવિવારે ફૂટબોલ મેચ દરમિયાન ચાહકો વચ્ચેની અથડામણમાં ડઝનેક લોકો માર્યા ગયા છે, સ્થાનિક હોસ્પિટલના સૂત્રોએ એએફપીને જણાવ્યું હતું. એક ડૉક્ટરે નામ ન આપવાની શરતે કહ્યું, "હોસ્પિટલમાં જ્યાં સુધી આંખ દેખાય છે ત્યાં સુધી મૃતદેહોની કતારો છે. કોરિડોરમાં ઘણા મૃતદેહો ફ્લોર પર પડ્યા છે, શબઘર ભરેલું છે."

સોશિયલ મીડિયા પર વીડિયો વાયરલ...

આ હિંસાના ઘણા વીડિયો સોશિયલ મીડિયા પર વાયરલ થઈ રહ્યા છે. સોશિયલ મીડિયા પર વાયરલ થયેલા આ વીડિયોની પુષ્ટિ થઈ શકી નથી. વીડિયોમાં મેચની બહાર રોડ પર અરાજકતાનો માહોલ જોવા મળી રહ્યો છે. સાક્ષીઓના જણાવ્યા અનુસાર, ગુસ્સે થયેલા દેખાવકારોએ Nzerekore પોલીસ સ્ટેશનમાં તોડફોડ કરી અને આગ લગાડી.

આ પણ વાંચો : Joe Biden એ તેના પુત્ર Hunter Biden ને બચાવી લીધો..., આરોપી દીકરાને દોષમુક્ત જાહેર કર્યો

જાણો શાના કારણે શરૂ થઇ હિંસા?

એક પ્રત્યક્ષદર્શીએ જણાવ્યું કે, મેચ રેફરીએ વિવાદાસ્પદ નિર્ણય આપ્યા બાદ હિંસા શરૂ થઈ હતી. આ પછી ચાહકો ગુસ્સે થઈ ગયા હતા અને ત્યારબાદ ઘણી હિંસા થઈ હતી.'' સ્થાનિક મીડિયાના જણાવ્યા અનુસાર, આ મેચ ગિની (Guinea)ના જુન્ટા નેતા મામાડી ડૌમ્બોયાના સન્માનમાં આયોજિત ટુર્નામેન્ટનો ભાગ હતો.

આ પણ વાંચો : ભારતીય મૂળના આ છોકરાનો IQ આઇન્સ્ટાઇન અને હોકિંગ કરતા વધુ