Amit Shah : અમિત શાહનું કલમ 370 ને લઈને મોટું નિવેદન, કહ્યું- ભારતની એક ઇંચ જમીન પણ જવા નહીં દઇએ
કેન્દ્રીય ગૃહમંત્રી અમિત શાહે રાજ્યસભામાં સંબોધન કરતા કોંગ્રેસ પર જોરદાર નિશાન સાધ્યું હતું. તેમણે કહ્યું કે કોંગ્રેસ હજુ પણ કલમ 370 હટાવવાને ખોટું કહી રહી છે. સાથે જ કહ્યું કે કોંગ્રેસ સુપ્રીમ કોર્ટના નિર્ણયને યોગ્ય નથી માનતી. તમને જણાવી દઈએ કે સુપ્રીમ કોર્ટે જમ્મુ-કાશ્મીરમાંથી કલમ 370 હટાવવાના મોદી સરકારના નિર્ણયને માન્ય ગણાવ્યો છે. ચુકાદો સંભળાવતી વખતે CJI DY ચંદ્રચુડે કહ્યું હતું કે જમ્મુ-કાશ્મીરને ભારતમાં વિલીનીકરણ બાદ આંતરિક સાર્વભૌમત્વનો અધિકાર નથી. કલમ 370 અસ્થાયી જોગવાઈ હતી.
અમિત શાહે રાજ્યસભામાં કહ્યું કે, જમ્મુ-કાશ્મીરના લોકોના અધિકારો 3 પરિવારોએ રોકી દીધા છે. તેમણે કહ્યું કે PoK ભારતનું છે, તેને કોઈ છીનવી નહીં શકે. એમ પણ કહ્યું કે અમે ભારતની એક ઇંચ પણ જમીન જવા દઇશું નહીં. કલમ 370 અંગે તેમણે કહ્યું કે તેનાથી અલગતાવાદને મજબૂતી મળી છે. ફરી એકવાર નહેરુનો ઉલ્લેખ કરતા તેમણે કહ્યું કે નેહરુએ અડધુ કાશ્મીર છોડી દીધું હતું. એ પણ કહ્યું કે નેહરુના નિર્ણયને કારણે જમ્મુ-કાશ્મીરના વિલીનીકરણમાં વિલંબ થયો હતો.
કલમ 370 ના નિર્ણયને ઇતિહાસ યાદ રાખશે
અમિત શાહે સવાલ ઉઠાવ્યો કે કલમ 370 અન્ય રાજ્યમાં કેમ લાગુ કરવામાં આવી નથી. એ પણ પૂછ્યું કે જમ્મુ-કાશ્મીરમાં સેના મોકલવામાં વિલંબ કેમ થયો. નેહરુ પીઓકેનો મુદ્દો યુએનમાં કેમ લઈ ગયા? કોંગ્રેસ પર પ્રહાર કરતા તેમણે કહ્યું કે કોંગ્રેસ કોઈ સારા કામને સમર્થન આપતી નથી. ગૃહમંત્રીએ કહ્યું કે અમારી સરકારે એવા યુવાનોના હાથમાં લેપટોપ આપ્યા છે જેઓ જમ્મુ-કાશ્મીરમાં પથ્થરો લઈને ફરતા હતા. આપણે નિર્ણય લઈ શકીએ છીએ, આપણે ભાગી શકતા નથી. ઈતિહાસ 370ના નિર્ણયને યાદ રાખશે.
કલમ 370 એ અલગતાવાદને વેગ આપ્યો
અમિત શાહે કહ્યું કે સુપ્રીમ કોર્ટે પણ સ્વીકાર્યું છે કે કલમ 370 અસ્થાયી જોગવાઈ છે. બિલ લાવવાનો ઈરાદો અને સમગ્ર પ્રક્રિયાને પણ સુપ્રીમ કોર્ટે બંધારણીય જાહેર કરી છે. મેં પોતે ગૃહમાં કહ્યું હતું કે અમે ચૂંટણી કરાવીશું અને યોગ્ય સમયે રાજ્યનો દરજ્જો આપીશું. તેમણે કહ્યું કે કલમ 370એ અલગતાવાદને વેગ આપ્યો અને તેના કારણે આતંકવાદ ઉભો થયો.
આતંકવાદીઓ પ્રત્યે કોઈ સહાનુભૂતિ નથી
અમિત શાહે કહ્યું કે અમારા દિલમાં આતંકવાદીઓ પ્રત્યે કોઈ સહાનુભૂતિ નથી. કલમ 370 હટાવવાથી આતંકવાદી ઘટનાઓમાં 70 ટકાનો ઘટાડો થયો છે. હવે અંતિમ સંસ્કારમાં આતંકવાદીઓની ભીડ નથી. અલગતાવાદમાંથી આતંકવાદનો જન્મ થયો છે.
આ પણ વાંચો : UP News : અખિલેશ યાદવનું મોટું નિવેદન, કહ્યું- 2024 માં ભાજપને ભારે….