Ukraine માં આર્થિક સુધારાની તૈયારીમાં અમેરિકા, આ ભારતીય-અમેરિકનને મળી મોટી જવાબદારી...
- ભારતીય-અમેરિકન રિચર્ડ વર્માને સોંપાઈ નવી જવાબદારી
- યુક્રેનના પુનઃનિર્માણમાં મદદ કરવાની વધારાની જવાબદારી સોંપી
- વર્મા ભારતમાં અમેરિકાના ભૂતપૂર્વ રાજદૂત પણ રહી ચૂક્યા છે
ભારતીય-અમેરિકન રિચર્ડ વર્માને યુદ્ધગ્રસ્ત દેશ યુક્રેન (Ukraine)ના પુનઃનિર્માણમાં મદદ કરવાની વધારાની જવાબદારી સોંપવામાં આવી છે. વર્મા મેનેજમેન્ટ અને રિસોર્સિસના યુએસ ડેપ્યુટી સેક્રેટરી ઓફ સ્ટેટ છે. યુએસ સેક્રેટરી ઓફ સ્ટેટ એન્ટની બ્લિંકને તેમની વર્તમાન પોસ્ટ ઉપરાંત યુક્રેન (Ukraine)ના આર્થિક સુધારા માટે યુએસના વિશેષ પ્રતિનિધિ તરીકે નામાંકિત કર્યા છે. વર્મા ભારતમાં અમેરિકાના ભૂતપૂર્વ રાજદૂત પણ રહી ચૂક્યા છે. સ્ટેટ ડિપાર્ટમેન્ટના ડેપ્યુટી પ્રવક્તા વેદાંત પટેલે તેમની દૈનિક પ્રેસ કોન્ફરન્સમાં પત્રકારોને જણાવ્યું હતું કે, "વિશેષ દૂત પેની પ્રિટ્ઝકરે અમારા યુક્રેનિયન ભાગીદારોને લગતા પુનઃનિર્માણ અને આર્થિક મુદ્દાઓ પર કરેલા કામને આગળ ધપાવશે." સંબંધમાં શરૂ કર્યું.
Our role, and what we are focused on, is supporting Ukraine to be able to defend itself. pic.twitter.com/AS1rGmqmMB
— Vedant Patel (@StateDeputySpox) August 14, 2024
અમેરિકાએ લશ્કરી મદદ કરી...
આ દરમિયાન અહીં એ પણ જણાવી દઈએ કે, રશિયા સામેના યુદ્ધમાં યુક્રેન (Ukraine)ની મદદ કરવા માટે અમેરિકાએ યુક્રેન (Ukraine)ને 125 મિલિયન યુએસ ડોલરના વધારાના હથિયાર મોકલવાનો નિર્ણય કર્યો છે. તાજેતરમાં, વ્હાઇટ હાઉસે જણાવ્યું હતું કે યુક્રેન (Ukraine)ને જે વધારાની સૈન્ય સહાય મોકલવામાં આવી રહી છે તેમાં આવશ્યક હવાઈ સંરક્ષણ પ્રણાલી, ટેન્ક વિરોધી શસ્ત્રો અને રડારનો સમાવેશ થશે જે દુશ્મન દ્વારા છોડવામાં આવેલા શેલને શોધી કાઢવામાં અને તેને નષ્ટ કરવામાં મદદ કરે છે.
આ પણ વાંચો : મહિલાએ અયોગ્ય રીતે Hijab પહેરતા પોલીસે કર્યો તેની પર ગોળીબાર
અમેરિકાએ કેટલી મદદ કરી?
આ દરમિયાન રાષ્ટ્રીય સુરક્ષા પ્રવક્તા જોન કિર્બીએ કહ્યું હતું કે યુક્રેન (Ukraine) અમેરિકા દ્વારા આપવામાં આવેલા હથિયારોનો ઉપયોગ બિડેન પ્રશાસનની નીતિઓ અનુસાર રશિયા સામે બદલો લેવા માટે કરી રહ્યું છે. બિડેન વહીવટીતંત્રે યુક્રેન (Ukraine)ને સરહદી વિસ્તારોમાં રશિયા સામે બદલો લેવા માટે આ શસ્ત્રોનો ઉપયોગ કરવાની મંજૂરી આપી છે, પરંતુ તે આ શસ્ત્રો વડે દેશના આંતરિક ભાગમાં સ્થિત લક્ષ્યોને નિશાન બનાવી શકશે નહીં. યુએસએ ફેબ્રુઆરી 2022 થી કિવને કુલ યુએસ $ 55.6 બિલિયનની સહાય પૂરી પાડી છે.
આ પણ વાંચો : શેખ હસીનાની મુશ્કેલી વધશે, ICT માં ફરિયાદ દાખલ કરવામાં આવી