Agni-1 : ‘અગ્નિ-1’મિસાઈલનું સફળ પરીક્ષણ, 1000 કિલોગ્રામ પરમાણુ શસ્ત્રો લઈ જવામાં સક્ષમ
ગુરુવારે મધ્યમ રેન્જની બેલેસ્ટિક મિસાઈલ 'અગ્નિ-1'નું તાલીમ પ્રક્ષેપણ સફળતાપૂર્વક હાથ ધરવામાં આવ્યું હતું. સંરક્ષણ મંત્રાલયે આ અંગે માહિતી આપી છે. મંત્રાલયે કહ્યું કે ઓડિશાના એપીજે અબ્દુલ કલામ દ્વીપ પરથી મધ્યમ અંતરની બેલેસ્ટિક મિસાઈલ 'અગ્નિ-1'નું પ્રશિક્ષણ પ્રક્ષેપણ સફળતાપૂર્વક હાથ ધરવામાં આવ્યું હતું.
મંત્રાલયે એ પણ માહિતી આપી હતી કે સ્ટ્રેટેજિક ફોર્સીસ કમાન્ડના નેજા હેઠળ આયોજિત તાલીમ પ્રક્ષેપણ, તમામ ઓપરેશનલ અને તકનીકી પરિમાણોને સફળતાપૂર્વક પૂર્ણ કરે છે. તમને જણાવી દઈએ કે અગ્નિ 1 મિસાઈલની રેન્જ 700 કિલોમીટર સુધીની છે. આ મિસાઈલનું વજન 12 ટન છે અને તે 1000 કિલોગ્રામના પરમાણુ હથિયાર લઈ જઈ શકે છે.
Training launch of Short-Range Ballistic Missile ‘Agni-1’ was carried out successfully from APJ Abdul Kalam Island, Odisha today. 'Agni-1' is a proven very high-precision missile system. The user training launch, carried out under the aegis of the Strategic Forces Command,… pic.twitter.com/JR3PfWn26Z
— ANI (@ANI) December 7, 2023
અગ્નિ 1 મિસાઈલને એડવાન્સ સિસ્ટમ લેબોરેટરી દ્વારા ડિફેન્સ રિસર્ચ ડેવલપમેન્ટ લેબોરેટરી અને રિસર્ચ સેન્ટર ઈમરતના સહયોગથી વિકસાવવામાં આવી છે. આ મિસાઈલ હૈદરાબાદ સ્થિત ભારત ડાયનેમિક્સ લિમિટેડ દ્વારા પૂર્ણ કરવામાં આવી છે. આ મિસાઈલને સૌ પ્રથમ વર્ષ 2004માં સેવામાં લેવામાં આવી હતી. આ સરફેસ ટુ સરફેસ મિસાઈલ સોલિડ પ્રોપેલન્ટ વડે બનાવવામાં આવી છે.
આ પણ વાંચો : Dwarka : રાજ્યમાં સિરપ કાંડ પર સૌથી મોટો પર્દાફાશ, સમગ્ર મામલે દ્વારકા જિલ્લા SP નીતીશ પાંડેએ કર્યો ઘટસ્ફોટ…