'ઝીણા પછી ઓવૈસી બીજી વાર દેશનું વિભાજન કરાવશે', Giriraj Singh નો ઓવૈસી પર પ્રહાર...

1. BJP ના દિગ્ગજ નેતાનું મોટું નિવેદન
2. AIMIM સાંસદ અસદુદ્દીન ઓવૈસી પર મોટો હુમલો
3. ઓવૈસી બીજા વિભાજનનું નેતૃત્વ કરશે : ગિરિરાજ સિંહે

ભારતીય જનતા પાર્ટીના દિગ્ગજ નેતા અને કેન્દ્રીય મંત્રી ગિરિરાજ સિંહે (Giriraj Singh) AIMIM સાંસદ અસદુદ્દીન ઓવૈસી પર મોટો હુમલો કર્યો છે. ગિરિરાજ સિંહે (Giriraj Singh) તો ત્યાં સુધી કહ્યું કે 1947 માં મહમદ અલી ઝીણાની જેમ ઓવૈસી પણ ભારતના બીજા ભાગલા કરાવશે. ગિરિરાજ સિંહે (Giriraj Singh) આરોપ લગાવ્યો છે કે અસદુદ્દીન ઓવૈસી કાયદા વિરુદ્ધ બોલે છે અને ઉશ્કેરણીજનક નિવેદનો કરે છે. ચાલો જાણીએ ગિરિરાજે ઓવૈસી વિશે બીજું શું કહ્યું.

ઓવૈસી બીજા વિભાજનનું નેતૃત્વ કરશે...

કેન્દ્રીય મંત્રી ગિરિરાજ સિંહ સમયાંતરે AIMIM સાંસદ ઓવૈસી પર પ્રહાર કરતા રહે છે. શુક્રવારે ગિરિરાજ સિંહે (Giriraj Singh) કહ્યું કે ઓવૈસી કાયદાની વિરુદ્ધ બોલે છે અને ઉશ્કેરણીજનક નિવેદનો કરે છે. ઝીણા પછી, ઓવૈસી ભારતના બીજા ભાગલાનું નેતૃત્વ કરશે. ગિરિરાજ સિંહે (Giriraj Singh) કહ્યું કે ભારતના ભાગલા પછી ઘણા લોકો પાકિસ્તાન અને બાંગ્લાદેશમાં રહી ગયા. બંને દેશોમાં તેમની સાથે ઘણી ઘટનાઓ બની પરંતુ ઓવૈસીએ ક્યારેય આ વાતની નિંદા કરી નથી. ગિરિરાજે કહ્યું કે જો તે પાકિસ્તાન અથવા બાંગ્લાદેશ હોત તો ઓવૈસીનો અવાજ અત્યાર સુધીમાં દબાઈ ગયો હોત.

આ પણ વાંચો : Congress : વિનેશ ફોગાટ-બજરંગ પુનિયા કોંગ્રેસમાં જોડાશે, આ સીટો પરથી લડશે ચૂંટણી!

જો NRC નહીં આવે તો ભારતીયો નાશ પામશે - ગિરિરાજ

ગિરિરાજ સિંહે (Giriraj Singh) કહ્યું કે જ્યારે આપણે NRC ની વાત કરીએ છીએ ત્યારે રાહુલ ગાંધી તેનો વિરોધ કરે છે પરંતુ હિમાચલમાં કોંગ્રેસ સરકાર, મુખ્યમંત્રીની હાજરીમાં કોંગ્રેસના મંત્રીઓ કહી રહ્યા છે કે તેની તપાસ થવી જોઈએ અને લોકોને તેનું પ્રમાણપત્ર આપવામાં આવે NRC હોવું જોઈએ. NRC માત્ર બિહારના 4 જિલ્લામાં જ નહીં પરંતુ સમગ્ર બિહાર અને દેશમાં જરૂરી છે. જો NRC લાગુ નહીં કરવામાં આવે તો ભારતીયો બરબાદ થઈ જશે.

આ પણ વાંચો : Rajasthan માં મોટા વહીવટી ફેરબદલ, 108 IAS અધિકારીઓની બદલી, જુઓ List...

વક્ફ બોર્ડની ગુંડાગીરી બંધ થવી જોઈએ - ગિરિરાજ સિંહ

કેન્દ્રીય મંત્રી ગિરિરાજ સિંહે (Giriraj Singh) કહ્યું કે કોંગ્રેસ સરકારે પોતાના શાસન દરમિયાન વકફ બોર્ડને કોઈપણ જમીન હડપ કરવાનો અધિકાર આપ્યો હતો. હિમાચલ પ્રદેશના મંત્રીઓ વિધાનસભામાં આનો પુરાવો આપી રહ્યા છે. વક્ફ બોર્ડની સંપત્તિ કેવી રીતે વધી રહી છે? રેલવે વિભાગના ઘણા પ્રોજેક્ટ રોકી દેવામાં આવ્યા હતા કારણ કે વક્ફ બોર્ડે દાવો કર્યો હતો કે તે તેમની મિલકત છે. ગિરિરાજે કહ્યું કે વક્ફ બોર્ડની ગુંડાગીરી બંધ થવી જોઈએ.

આ પણ વાંચો : Anti Rape Bill : પશ્ચિમ બંગાળના રાજ્યપાલે મમતા સરકારના બળાત્કાર વિરોધી બિલ પર પ્રતિબંધ મૂક્યો